Summary[edit | edit source]

Nama: Kadek Desy Sita Dewi Asal sekolah: SMA NEGERI 5 DENPASAR BONUS DEMOGRAFI UNTUK KEHIDUPAN SOSIAL MASYARAKAT

Napi nike demografi? Demografi inggih punika ilmu sane ngenenin indik penduduk utawi manusa terutama indik kelahiran, kematian, lan perpindahan penduduk.

Bali wantah silih sinunggil Provinsi sané polih bonus demografi. Bali kaproyeksikan keni puncak bonus demografi ring warsa 2020-2030 antuk dependency ratio pinih sor pantaraning 42,2-43,2 persen.

Antuk nlatarang indik negara punika sampun maju, kantun nglimbak, utawi kantun kasoran miwah nlatarang indik kawéntenan ekonomi sané becik ring kahuripannyané, Indeks Panglimbak Kawagedan Manusané kawigunayang. Indéks Panglimbak Kawagedan Manusané (Human Development Index) kaukur saking pangaptian idup, pangaptian masekolah, miwah standar kauripan utawi Produk Domestik Bruto (GDP) ring satunggil genah. Pangapti yusa idup sané tegeh ring Bali prasida dados modal kapertama ring bonus demografi, santukan antuk akéhnyané krama produktif akéhan bandingang sareng non produktif kaaptiang prasida nincapang utaminnyané ekonomi ring Bali.

Pangapti yusa idup sané tegeh ring Bali prasida dados modal kapertama ring bonus demografi, santukan antuk akéhnyané krama produktif langkungan ring sané nénten produktif kaaptiang prasida nincapang utaminnyané ekonomi ring Bali. Indéks Panglimbak Kawagedan Manusané (Human Development Index) kaukur saking pangaptian idup, pangaptian masekolah, miwah standar kauripan utawi Produk Domestik Bruto (GDP) ring satunggil genah. Data punika nyihnayang lulusan SD, nénten madué ijazah SD, miwah nénten masekolah yening kagabungang akéhnyané 37,13% sané prasida katarka kantun rendahnyané tingkat pendidikan masyarakat Bali. Pendidikan dados silih sinunggil sané nentuang kualitas manusa sané wénten ring satunggil genah, miwah angka pendidikan Bali kantun tegeh yéning mapaiketan sareng bonus demografi sané nadosang kualitas manusa pinaka faktor nentuang nuju Indonésia Emas 2045.

Dampak positif ring bonus demografi: 1. Panglimbak ekonomi Bonus demografi inggih punika kahanan rikala populasi sané sampun lingsir makarya prasida nyokong kawéntenannyané soang-soang miwah nyokong anaké sané nénten malih makarya. Punika mawinan, kawéntenan ekonomi negara puniki pacang madué panglalah langsung ring kawéntenan ekonomi. Ekonomi lan kasukertané pacang sayan becik. 2. Nincapang kawéntenan pakaryan Akeh utsaha ngamedalang wewenang majeng ring para jana sane wikan, mangda prasida ngamolihang wewenang ring perusahaan. Punika taler ngawinang para yowanane sane kantun muda polih pakaryan sane becikan. 3. Panglimbak sektor pamréntah ring widang liyanan Pikolih bonus demografi sané sampun kasiagayang miwah kaanggén becik nénten ja wantah becik ring widang ekonomi kémanten. Wénten makudang-kudang widang tiosan, minakadi ring widang pendidikan, taler pacang nglimbak miwah nincapang. Sapunika taler sistem pendidikané kawangun mangda prasida nyumponin kabutuhan demografi masa sané jagi rauh. Persiapan sané becik pacang ngawinang asil sané becik.

Dampak negatif ring bonus demografi: 1. Jumlah pengangguran nincap Sané nénten becik saking bonus demografi inggih punika nincapang kawéntenan pengangguran. Ring masa bonus demografi, krama sane mayusa produktif kirang langkung 60%-70% saking makasami krama. Yéning nénten wénten persiapan anggén ngarepin peluang, persentase punika pacang dados ancaman majeng negara. Pangangguran pacang nincap pisan yéning nénten wénten utsaha sané becik anggén nincapang generasi sané becik. Punika mawinan, persiapan ring makudang-kudang widang sané mapaiketan patut kamargiang mangda nénten wénten pikobet sané ageng. 2. Panglimbak populasi sané sayan lingsir Aging population inggih punika kruna sané kaanggén antuk nlatarang populasi sané sampun lingsir. Yéning nénten wénten persiapan sané becik anggén nyanggra bonus demografi, panegara wantah pacang kadominasi olih krama sané sampun lingsir. 3. Kualitas SDM sané nénten becik Sajabaning kadigjayan, demografi taler pinaka pikobet sané mabuat pisan. Sajeroning industri puniki, persaingan sayan ageng. Wantah para jana sane sampun pastika prasida ngamolihang pikolih. Punika mawinan, bonus demografi wantah bantang tantangan majeng pamerintah mangda nyiagayang sumber daya manusa sané berkualitas.

Strategi ngaoptimalang peluang bonus demografi: 1. Peran saking pemerintah Parikrama miwah peran pemerintah sané aktif mabuat pisan anggén nentuang kawéntenan bonus demografi. Pamerintah kaaptiang mangda inovatif miwah solutif antuk makudang-kudang program, utaminnyané antuk nyiagayang sumber daya manusa sané berkualitas. 2. Peran sang sané ngamargiang bisnis Pinaka pangusaha, iraga prasida nyarengin ngawetuang demografi sane becik majalaran antuk ngawetuang pakaryan. Puniki matetujon mangda prasida ngirangin kawéntenan pengangguran sané akéh. 3. Tugas soang-soang jadma sané mayusa produktif Pinaka jadma sané mabuat pisan kawéntenannyané mangda prasida ngamolihang demografi sané becik, iraga patut prasida ngamolihang sakancan potensi sané wénten ring angga. Kawéntenan eksplorasi miwah sikap kritis sané kaperluang mangda prasida ngamolihang peluang sané nénten kawatesin. Punika mawinan, dane prasida ngawigunayang kompetensi punika mangda prasida dados jadma sane berkualitas miwah kompeten.

Punika mawinan iraga dados krama patut sayan sayaga rikala ngamargiang demografi, mangda prasida ngawetuang kauripan sane becik ring benjang pungkur, tur prasida ngawigunayang galah sane becik puniki.