Bali Without Overtourism: Go Towards Advanced Tourism!
This is a Response to the Pariwisata Berkelanjutan wikithon
Bali, pulo dewata sane kaloktah antuk keindahan alam miwah budaya, mangkin ngadepin tantangan overtourism sane ngawetuang dampak negatif. Studi saking Universitas Udayana nguningayang, lonjakan wisatawan sane tan terkendali ngawetuang kemacetan parah ring genah-genah wisata utama, sakadi Kuta miwah Ubud. Data saking Dinas Lingkungan Hidup Provinsi Bali taler nyihnayang peningkatan signifikan ring sampah plastik miwah karusakan terumbu karang. Mangda ngicalang racun puniki, pemerintah patut nerapan kebijakan sane tegas, sakadi pembatasan wisatawan ring genah-genah populer, pengenaan pajak lingkungan sane kaanggen ngurusin lingkungan, miwah pengembangan infrastruktur ramah lingkungan, sakadi transportasi publik berbasis listrik. Tiosan punika, kesadaran wisatawan miwah partisipasi aktif masyarakat lokal sanget penting. Survei saking Bali Tourism Board nyihnayang, akeh wisatawan sane durung ngerti indik etika mamelancaran sane becik. Wisatawan patut ngormatin budaya lokal, ngirangin sampah plastik antuk nganggen botol minum miwah tas belanja sane prasida kaanggen malih, miwah ngedukung ekonomi lokal antuk meli produk-produk kerajinan masyarakat. Masyarakat lokal patut kaicen peran ring pengelolaan pariwisata, pembagian keuntungan sane adil saking retribusi pariwisata, miwah pelestarian tradisi antuk ngamargiang pelatihan-pelatihan budaya. Antuk sinergi pantaraning pemerintah, wisatawan, miwah masyarakat lokal, Bali prasida ngwaliang keseimbangan ipun miwah tetep dados destinasi sane berkelanjutan.
- Category
- high
- Affiliation
- SMAN 1 SUKAWATI
- Age
- 16-21
Enable comment auto-refresher