Bali is in Danger: Impact on the Environment Due to Soaring Tourism in Bali
This is a Response to the Pariwisata Berkelanjutan wikithon
BALI
Bali sane kaloktah antuk keasrian palemahan lan budayannyane, prasida ngadaut makudang-kudang yuta wisatawan nyabran a warsa. Nanging, sayan akeh taler genah wisata sane nenten madue pengelolaan sane becik, sane ngawinang iyusan sane kaon. Kapertama, palemahan sane sayan rusak, akeh wewidangan pariwisata sane dumun asri mangkin sampun ngawit keni degradasi, minakadi terumbu karang sane rusak, luu plastik sane mabrarakan ring pasisin pasih, lan alas sane ngancan nyupitang. Tiosan punika, gelisnyane panglimbak infrastruktur ngawinang baya ring ekosistem. Kaping kalih, over pariwisata taler ngiusin budaya miwah kauripan sosial krama Bali. Akeh krama lokal sane rumasa kagingsirang santukan pangarga barang sane sayan nincap lan prabea idup. Punika krana permintaan wisatawan sane akeh. Tiosan ring punika, tradisi suci lan upacara tradisional mauwah dados objek wisata sakadi upacara ngaben utawi odalan. Indike punika ngawinang icalnyane nilai religius duaning kalaksanayang wantah anggen nudut kayun wisatawan kemanten.
Kaaptiang wenten utsaha sane becik midabdabang pariwisata Bali sane ramah lingkungan, minakadi ngelaksanayang watesan akeh wisatawan ring soang-soang destinasi, penyuluhan pariwisata sane lestari, miwah nyarengin krama lokal ring ri tatkala ngambil pamutus ngenenin indik pengelolaan pariwisata. Antuk pemargi sane sayan wicaksana, Bali prasida tetep dados destinasi wisata sane nudut kayun sakewala nenten ngawinang kaon palemahan Baline sane asri.
- Category
- high
- Affiliation
- SMA Negeri 1 Selemadeg
- Age
- 16-21
Enable comment auto-refresher