Protect religion for protect nature
This is a Response to the Sampah Upacara wikithon
Mis ring acara agama punika sampun lumrah ring Bali. Ring soang-soang rerahinan pastika wénten sané ngaturang canang utawi banten, tiosan ring punika para wargi sané rauh ngaturang canang taler makta tas kresek antuk wadah bantennyané. Sesampun banten utawi canang sane kabakta usan maanggen biasane kresek pacang kaebur ring tongos sampah sane kasediaang, nanging kadang-kadang krana akeh sane ngentung ngawinang genah mis punika penuh sane ngawinang pikayun nakal anggen ngutang sampah sembarangan ring sekitar upacara keagamaan, upacara keagamaan sane kaucap inggih punika upacara keagamaan dipura utawi odalan ring pura. Mangda prasida ngatasi pikobet punika, iraga patut masikian sareng krama lan pihak sane maduwe wewenang ring acara keagamaan punika. Sané kapertama prasida ngawewehin genah sampah ring genah upacara agama, sakéwanten, puniki kirang efektif santukan pacang ngrusak palemahan antuk akéhnyané genah sampah miwah pacang ngamedalang akéh pisan tenaga miwah ngicalang akéh genah. Para prajuru pura prasida punika nyediayang genah mis khusus ring pura punika, mangda anake sane sampun puput mebakti prasida ngentung mis ring genah punika. Sane pinih utama inggih punika pendidikan mangda nenten ngutang sampah sane marupa papan utawi sane lianan santukan kesadaran punika lebih kuat saking sekedar nyiagayang fasilitas. Ring agama puniki iraga kaicénin tetimbangan majeng ring palemahan iraga pinaka pahan saking Tri Hita Karana, punika mawinan, pendidikan indik Tri Hita Karana prasida ngicénin panglalah sané ageng pisan ring pikobet puniki. Iwang pisan yéning iraga mabakti sakéwanten nénten nyaga genah mabakti punika.
- Category
- high
- Affiliation
- A.A.Ngurah Yoga Putra Pratama
- Age
- 16-21
Enable comment auto-refresher