Subak: The Heart of Bali that Sold for Overtourism
This is a Response to the Pariwisata Berkelanjutan wikithon
Bali ngancan kosek riantukan overtourism. Kawéntenan siklus berkelanjutan: tanah pertanian sayan kidik, ri kala pembangunan pariwisata sayan nglimbak pastika ngawinang Bali keni overtourism sané alon-alon ngemademang identitas Bali seka akidik, silih sinunggilnyané subak. Manut Suryawan, et al. (2023), generasi muda Bali nénten kayun urati indik lahan pertanian (subak) ring éra globalisasi sekadi mangkin. Duaning punika, poténsi alih fungsi lahan subak di Bali ngancan nincap. Silih sinunggil utsaha sané prasida kamargiang anggén nglestariang subak inggih punika mikukuhin paiketan krama subak.
Napi mawinan krama subak?
Santukan, akéh carik sané kaadol antuk alasan modérnisasi miwah anggén nuutin gaya hidup. Generasi muda Bali nénten malih peduli kadirasa naenin sané mawasta krama subak. Yéning wénten paiketan tur awig-awig sane tegas tur madasar hukum antuk kasus jual-beli lahan subak, sané ngematutang generasi muda Bali uning tekéning paiketan subak lan krama subak, pastika alih fungsi lahan anggén cafe miwah club dados kakirangin. Duaning punika, patut wénten sinergi krama subak, krama Bali, miwah pemeréntah anggén pondasi ngajegang jumlah krama subak tur minat generasi muda Bali nglestariang lahan subak tur nguratiang identitas budaya ipun. Nénten ja kémaon ngadep gumi, tanah Bali perlu kaurati. Rahayu!
Referensi:
Suryawan, N., Wiryawan, I. W., Gata, I. W., & Kandia, I. W. (2023). Subak Bentuk Kearifan Lokal Bali Berbasis Tri Hita Karana dan Tantangannya pada Era Globalisasi. Sphatika: Jurnal Teologi, 14(1). 72-84.
- Category
- general
- Affiliation
- Umum
- Age
- 22-30
Enable comment auto-refresher