Property:Response text ban
From BASAbaliWiki
C
Sampah upakara sane wenten ring pura-pura agung minakadi pura Batur utawi pura besakih kakepah manados kalih, ring pura-pura sane Ageng punika makueh wenten sampah sampah sane nenten prasida kadaur ulang. Sampah sane wenten ring pura Ageng punika kakepah manados kalih inggih punika sampah organik minakadi (luu canang, bunga, busung miwah yening wenten Banten santun Punika madaging kelapa lan tatakan utawi sane akeh kasengguh taledan), yening sampah sane anorganik minakadi (plastik canang, plastik dupa, miwah botol). Makueh pamedek ngangge sesoroh luu sane sampun tlatarang ring baduur. Sadurung dados luu sarana punika kaanggen bakti lan upakara ring pura. Sane mangkin pamedek sane nganggen sasoroh luu punika Wenten, taler nenten Wenten sane milah miwah ngentungan luu ring tong sampah sane sampun kasediang. Mangdane luu punika nenten numpuk lan prasida manados barang sane maguna.
sampah organik punika prasida dados kompos, sampah anorganik prasida dados Ecobrick utawi bata ramah lingkungan. +
Pura pinaka genah sane pinih utama pisan, sane kaanggen genah umat Hindune ngalaksanayang upacara agama. Bali nenten ja surud-surud sabilang wai makarya banten, apabuin yening rahina piodalan ring pura-pura akeh pisan sarananne. Kramane liu sane nenten rungu teken luu hasil upacarane punika, sane ngranayang purane cemer ulian luu. Sampun selatutnyane iraga sareng sami nyaga karesikan purane mangda manahe ening rikala ngaturan bakti. Wenten makudang-kudang tata cara anggen ngirangin luu saking upacara agama punika minakadi: 1) Patut kalaksanayang sosialisasi nganinin indik nenten dados nganggen plastik yening kapura lan nenten dados ngawag ngutang luu wusan mabakti, 2) Yening iraga kapura patut nganggen keben utawi bokoran sampunang nganggen plastik krana ento ngaenang luune ngaliunang, 3) Patut kawentenan TPS 3R mangdane luu punika prasida kaolah dados pupuk kompos.
Ento makudang-kudang tatacara anggen ngirangin luune. Yening purane sampun resik pastika manah iraga ening rikala ngaturang bakti ring pura. Elingan semeton sami sampunang ngawag ngentungan luu! +
Ring sajeroning upacara-upacara keagamaan ring umat hindu punika makweh pisan indik makudang-kudang upacara mawit upacara sane alit lan upacara sane ageng, ring sajeroning pamargi upacara punika nenten lepas masalah ngeninin indik luu sane sampun janten ring upacara punika dados pikobet melarapan punika upaya sane kalaksanayang mangdane luu ring upacara-upacara keagamaan punika mangde kidik wantah iraga yening jagi pacang ngeranjing ring wewidangan pura sampunang makta kresek utawi plastik mangdane pemedek makte tas sane dados malih kawigunayang lan seusan muspa piranti pemuspaan minekadi asep,lan canang punika mangdane kaentungang ring tong sampah sane sampun kasediang lan saking pengempon ring pura punika mangdane setata mengkontrol kawentanan sampah mawinan petugas sampah mangdane presida wenten ring wewidangan pura punika mangdane ri sampun luu punika akeh mangdane prasida kaangkut +
Nyaga kabersihan mabuat pisan mangda genahe nyaman lan asri. Napi malih rikala wenten upacara agama ring Bali. Saja, liu pesan lulu ane buang tanpa rungu. Becikan yening wenten genah sane patut madue tong sampah sane lianan. Nanging, iraga taler prasida mendaur ulang makudang-kudang lulu dados barang sane mawiguna, pastika madue nilai jual lan estetika sane tegeh. Limbah bunga prasida kaanggen potpourri. Potpourri inggih punika campuran bahan organik sane madue aroma utawi wangi sane khusus. Campuran puniki taler ngawewehin bumbu, minyak atsiri utawi makudang-kudang tetes parfum mangda prasida ngukuhang wangi campuran puniki. Wangi campuran puniki prasida kaanggen penyegar udara. Pamargin ngaryanin potpourri puniki ngamerluang galah langkungan saking dasa rahina. Antuk punika, iraga sampun ngwantu ngirangin luu ritatkala parikrama agama. +
OM SWASTIASTU
Bali sampun kaloktah antuk makudang-kudang parikrama agama. Kadang-kadang kramane lali tekening sisa-sisa sekar utawi canang sane sampun kaanggen tur nika ngawinan sisan-sisan luu sekar punika mabrarakan ring natar pura. Yadiastun wenten tong sampah lan ipun nenten kapupulang, pastika indike puniki nenten patut pisan. Iraga dados jadma mangda madue kesadaran lan keterampilan ring parindikan sekadi puniki, nanging nenten ja cukup wantah madue kesadaran indik kebersihan, iraga taler mangda ngelaksanayang hal-hal sane pastika, minakadi ngirangin nganggen wadah bunga sane madasar antuk plastik lan pinih becik nganggen bunga wadah sane lebih cocok kaanggen minakadi wadah bunga sane malakar antuk tiing tenun, lan sane pinih becik inggih punika sesampune ngastawa sampah punika langsung kapupulang lan kaentungang ring tong sampah lan ngayah mereresik ring pura.
OM SANTIH SANTIH SANTIH OM +
Bali kasub ulian adat lan budayane ane tetep kajaga. Kalestarian alam lan kabersihan alam Baline dadi daya tarik turis-turise melancaran ke Bali. Turis-turise sane melancaran ke Bali angob nolih semeton Bali ane tusing keles teken yadnya lan upacara agama. Sabilang wai iraga pasti nepukin upacara agama di Bali. Yen sube upacara agamane liu, sube pasti masi leluu sisa upacarane ane medudgdug. Jani sube liu solusi ane kalaksanayang, care ngaenang genah bolong biopori ring pura-pura, lan milah sampah sane organik lan anorganik. Yen bersih kenehe ngaturang bakti majeng ring Ida Sang Hyang Widhi Wasa, kenehe mabersih lan nyage alam Baline masi harus kalaksanayang. +
Yening iraga ngaturang bakti ring pura, pastika sampun wenten leluu canang utawi sekar lan plastik sane kaanggen ngaturang bakti. Mangda iraga nenten ngeromonin penataran pura antuk leluu canang utawi sekar lan plastik, iraga sepatutnyane makta leluu canang utawi sekar lan plastik punika kejero iraga soang-soang. Sepatutnyane iraga prasida ngentosin alat alat sane kaanggen ngaturang bakti sane kawigunan nyane ngangge apisan mangda kagentosin antuk alat sane prasida kaanggen sesai, minakadi:
1. Plastik sane kaanggen genah tirta kagentosin antuk gelas utawi toples sane madaging tekep.
2. Tas kresek sane kaanggen makta sarana upakara kagentosin antuk tas kain sane dados kaanggen sesai.
Nika wantah utsaha iraga mangda leluu punika nenten akeh. Dumogi niki maguna antuk iraga sareng sami lan iraga prasida nanganang tugas para pengayah sane wenten ring pura. +
Yen sakadi tiang, pura ane kedas utawi resik ento pinaka ciri manah pamedek ane melah utawi becik. Iraga patut nyaga kebersihan purane. Men kengkenang iraga dot tenang mabakti yen enu ngadek bon luu di tongose mabakti. Ento tusing ja tuah gaen petugas kebersihanne dogen. Iraga nyidang masih mautsaha ngae melah. Umpanine tusing ngaba plastik sekali pakai. Patut iraga ngaba wadah ane melahan sakadi sok asi wiadin bokor.
Keto masih pemerintahe,apanga seken ngae aturan apang pura utawi genah sucine nyidang lestari. Jaman jani nak tusing ja nyidang ngandelang keneh luung anak liu. Perlu masing aturan anggon tata titi. +
Ngurangi luu ring setiap upacara keagamaan, contohne ring acara piodalan ring pure, piodalan ring pure sube pasti menghasilkan luu organik lan anorganik ling sarana prasarana upekare. Liu pemedeke ane rauh mebakti ngangon plastik, tur ngutang luu ring lingkungan pura.
Ene anke mekade luune medugdug. Solusi ane melah anke pertama perlu ngae awig-awig apang pemedeke tusing nganggon plastik, utawi produk sekali pakai kerane luu plastik anke paling keweh diurai, contohne care plastik bungkus canang, lan plastik bungkus tirte. Solusine mengganti plastik aji botol tirte lan bahan bahan anke alami apang ngidaang nganggo sesai tur apang ngidaang ngurangin luu plastik. Selain to perlu himbauan baang pemedek ane mebakti apang ngabe luu organik tur anorganik ke jumah pedidi tur ngidaang ngolah luu organik di jumah dadi ecoenzyme miwah pupuk organik.
Selain pemedek perlu masi himbauan baang dagang dagang di tongose odalan apang sg nganggon produk sekali pakai, apang sg medugdug luune. +
Ngicenin informasi lan semangat majeng ring krama sane ngastawayang indik mabuatnyane ngirangin luu. Minakadi masang poster sane ngelingang pamilet mangda nganggen tong sampah manut kategori lan mangda makta botol minuman soang-soang. +
Wenten care sane ka anggen nguangin sampah inggih punika sane kapertame iraga nenten nganggen plastik, nike ngranayang sampah plastik ngeliunang. Iraga sepatutnyane nganggen bokoran utawi anyaman bambu. Yening iraga tusing nganggen plastik iraga sampun berpartisipasi nguangin sampah plastik ring sekitar iraga.
Sane kaping kalih, inggih punika nyediain tong sampah ring upakara keagamaan apang pemedek yening sampun budal ngelaksanayang upakara apang tusing ngutang luu ngawagin nanging ngutang ring tong sampah apang tusing me brarakan ring area sekitar upakara
Sane kaping tige iraga nganggen sarana persembahyangan sane mabahan alami contohnyane kwangen sane uling busung utawi don biu, hal nike dados masih ka anggen wadah sarana persembahyangan.
Hal nike bermanfaat apang Bali tetep kedas kerane di Bali Wenten dese ter bersih di dunia +
Pakéling indik ngutang luu sané patut ring genah pura mula dahat kaperluang anggén numbuhang rasa urati para pamedek, silih tunggil tata cara sané pinih becik kanggén ngirangin luu ring genah suci utawi pura inggih punika madasar antuk kauratian saking para pemedek sami. Kawéntenan pakéling ring pura prasida menados dasar utawi acuan anggén ngentenin para pemedek indik baya saking luuné punika. Lianan ring punika, sosialisasi lan awig awig patut stata kamargiang olih pemerintah mangdané kauratian pamedek nyansan nincap lan kaaptiang prasida ngirangin luu ring pura. Nanging, iraga éling yening méweh pisan nincapang kauratian parajana. Punika mawinan tata cara lianan sané prasida kaaanggén inggih punika malarapan antuk nyayagayang genah luu ring pura sané prasida dangan antuk pamedeké ngrereh. Sampun sapatutnyané iraga menados krama bali nyaga kesucian lan kabecikan wewidangan pura saking leluu, sekadi napi sané kabaosang ring Pergub Bali no 47 tahun 2019 indik pengelolaan sampah berbasis sumber. +
Bali wantah silih sinunggil pulo sané madaging budaya miwah agama. Punika mawinan ring Bali sering pisan kamargiang parikrama sané mapaiketan sareng parikrama agama, minakadi piodalan, pawiwahan, pangrupukan miwah sané lianan. Kagiatan puniki ketahnyané nyarengin krama lan pastika madaging upakara sané selanturnyané prasida ngawetuang sampah sané yéning nénten kamargiang pastika pacang ngusak palemahan. Manut titiang, punika prasida ngirangin antuk ngirangin nganggén plastik ring sakancan parikrama agama, santukan plastik punika méweh pisan karusak miwah prasida ngrusak palemahan. Tiosan punika ngirangin sampah prasida kamargiang antuk nunas ring parajanane mangda makta budal sampah sisa hasil sembahyang, conto ceniknyane risampun puput maturan ring pura nenten ngutang sampah canang ring area pura tur kabakta budal. Pamréntah taler madué peran sané mabuat antuk nyiagayang fasilitas tong sampah sané becik ring genah upacara keagamaan mangda kramané nénten nyia-nyiayang sampah. +
Om swastyastu
Puji syukur titiang aturang ring hadapan Ida Sang Hyang Widhi Wasa, kerna kerahina nugraha Ida, titiang sida nyuratang pendapat titiang indik kenihe kita ngewitin caran ngurangin sampah ring saban aktivitas agama.
Menurut titiang, ditu titiang namakidang ngurangin anggen plastik pinih luar ring banten sane kita anggen, tur punika nyaris mustahil yen titiang ngurangin isine. Nanging, titiang taler masih sida ngamolih sampah punika daripada ngalihin sampah punika langsung. Sampah sisa upacara biasane sampah organik. Ring ditu titiang sida ngamolih sampah punika dados pupuk kompos, daripada ngalihin buka kantun. Mangda sampun prasida ngurangin sampah sisa upacara secara pelahan-lahan, tur pupuk kompos sane kasolah saking sampah punika prasida kasolah tur prasida kaduwegang, sane prasida ngicen pengasilan tambahan ring taler-taler.
Om santi santi santi om +
Sampah inggih punika produk sampingan sane nenten prasida kapasahang saking kahuripan manusa. Sayan akeh sampah puniki, yening nenten kauratiang sane signifikan sinah pacang ngawetuang pikobet sane anyar ring iraga pinaka krama Bali sane mayoritas beragama Hindu sane akeh madue tradisi keagamaan sane ngawetuang sampah saking sisan-sisan banten. Wenten utsaha-utsaha sane prasida ngirangin sampah punika, utaminnyane sane mapaiketan sareng sarana banten.
Kapertama, para kramane prasida kaicenin motivasi antuk ngentosin plastik pinaka genah banten magentos nganggen keben.
Kalih,Edukasi indik kawigunan pengelolaan sampah sane ramah lingkungan taler mabuat, upaminyane antuk ngepah sampah organik miwah non-organik risampune nglaksanayang upacara agama miwah difasilitasi tongos sampah organik miwah anorganik ring genah upacara agama sane prasida ngawedangan ring nyortir. Pamuputnyane, ngentosin penggunaan isi banten sekadi jajanan bungkus plastik miwah minuman mabungkus plastik antuk ngalimbakang ngawigunayang woh-wohan seger.
Ngiring ngirangin sampah saking banten antuk nganggen bahan alami miwah ngepah sampah organik miwah anorganik. +
Om swastyastu
Inggih titiang jagi ngaturang pendapat titiang indik ngirangin sampah ring kegiatan keagamaan lan iriki titiang ngambil upacara keagamaan "Odalan Merajan".
Odalan Merajan inggih punika silih sinunggil kegiatan keagamaan sané ngamerluang akéh pisan banten punika mawinan iriki titiang ngajakin semeton sareng sami ngirangin sampah puniki.
'Dadosne pendapat titiang :
•Iraga patut ngirangin bahan sané madasar plastik santukan plastik punika bahan sané méweh pisan pacang karusak.
•Miwah taler pastika akéh pisan bahan bahan organiknyané sakadi canang woh-wohannyané sané nénten dados kaajeng punika mawinan mabuat pisan indik *Biopori* titiang nyaranang iraga becikan langsung ngolah dados bahan sané maguna ring masa depan sakadi iraga makarya biopori punika becik santukan langsung dados pupuk sané madué akéh pisan kawigunan silih tunggilnyané inggih punika anggén nyubarang tanah, kesuburan tanah pacang maguna ring kesuburan tetanduran sané tiosan sané katandur ring galahe.
Ngih asapunika presida antuk tityang matur,pinaka pemuput tityang ngaturang Parama Santhi,
Om Santhi Santhi Santhi om +
D
Luu ring jagat Bali sayan ngebekin Jagat tur ngerauhang panyungkan sekadi Demam berdarah, Diare miwah sane lianan. Nike ngeranayang Para Janane ring bali inguh teken pikobet luu puniki. Napi malih wenten Luu sane mebrarakan ring Genah suci utamannyane ring pura Batur sekadi,luu plastik, canang miwah sane lianan.mangda Pikobet puniki ngawetuang pemargi sane becik, wenten tata cara sane jagi ngewantu pikobet puniki sekadi:
1.Ngangen Teknologi sekadi Handpone sane prasida ngicenin pewarah-warah, mangda ngutang Luu ring genahne. 2.Ngicenin Pewarah-warah majeng ring krama Hindune makesami rikalaning jagi tangkil ring Pura mangda piranti druene sekadi: canang,botol,genah dupa, lan plastik utawi kresek mangde kebakta malih ke pondok soang-soang. 3.Truna-Truni Bali miwah Desa adat mekarya poster mangda ngutang Luu ring genahne.
Yening Awig-awig puniki sampun memargi rikalaning wenten Upakara keagamaan ring pura Batur miwah pura sane lianan, pastika pacang nemu pemargi sane becik miwah Jagat puniki Sayan ajeg tur lestari. +
Luu inggih punike pikobet ane mangkin nibelin pemerintah Bali sane mangkin pengelolaan luu sai ngerasaang pikobet luu ane sing merawat patut pacang ngawinang ane Ageng penumpukan luu utawi pembuangane ane ceroboh ring genanh sane terbuka pacang ngawinang polusi udara lan pelemahan sekitarnyane ,umpaminyane ring acara piodalan ring bali akeh krame lokal ane, nyarengin acara ring akeh krama ane medaardedara care jajeane tiosan ane membungkus luu plasti. Dadosnyane tong luu punike nenten mrasidayang nampung luu santukan sube akeh luu lan luu punike mebrarakan ring dije dije santukan sube akeh luu ngiring irage ngerereh solusi ane luunganggen nanganin punike antuk mendaur ulang luu plastik punike, upaminyane ngaryanin karya sane menarik. Saking pengalaman e punike,sane praside melajah yening irage mangde tetep nyage kebersihan , kenyamanan lan kelestarian ring lingkungan sekitar rage, punike mawinanirage patut setate nyage pelemahan miwah nama luung provinsi duene inggih punike provinsi bali +
Kawagedan anake nganggen piranti sane malakar antuk plastik nenten wantah mawinan prabea sane murah, nanging taler mawinan kawigunannyane praktis (sesuai sareng gaya hidup modern). Nanging punika dados pikobet ageng majeng ring krama Indonésia utaminnyané krama Bali. Upacara sembahyang ring Bali taler ngawetuang sampah sayan akéh sané ngawinang pulau dewata sayan akéh ngawetuang sampah. Punika mawinan titiang ngaturang makudang-kudang pamargi mangda prasida ngirangin sampah sasampun nglaksanayang upacara agama. Antuk sampah plastik, minab tiang nyaranang makta tas plastik ka jeroné, boya ja ngentosin tas plastik. Tur antuk sampah canang utawi sampah gereja minab prasida katandur ring tanah sané nampek santukan canang miwah bunga wantah sampah organik sané genah sampah organik dangan pisan karusak ring tanah sajabaning mudah karusak, sampah organik taler prasida kaanggén pupuk. Sampunang ja iraga nyacad tukang-tukang bersihin pura, santukan akeh pisan anake ngrimikang pura punika. Manut tiang, punika wantah daging pikayunan soang-soang. Tegesnyané yéning iraga makta tas plastik, iraga dados makta ka umah lan yéning upacara ngawigunayang bunga, prasida kamargiang antuk nénten ngentungang bunga rikala mantra kapertama puput. +
Ring sajeroning ngalaksanayang aktivitas keagamaan, nenten ja jarang upacara suci sane kamargiang olih umat agama ngawetuang makudang-kudang problematika. Silih sinunggil pikobet klasik indik kawéntenan keasrian alam miwah kawéntenan maurip sané kaancem olih manusa ri tatkala ngamargiang upacara suci. Nanging yening iraga nganutin daging agama, iraga tan pacang mrasidayang ngwaliang raga saking kawisesan alam sane pinaka palambang kawisesan Ida Sang Hyang Widi Wasa. Nanging ring masane mangkin, kawentenan ekologi ring sajeroning upacara suci sane madaging teologi sampun kamargiang. +
