Property:Biography text ban
From BASAbaliWiki
B
Om Swastiastu
Suksma aturang titiang antuk galah sane kapaica ring sikian titiang. Angga panureksa makasami sane dahat kusumayang titiang. Para calon anggota DPD RI 2024 sane wangiang titiang. Asapunika taler Ida Dane Semeton Bali sareng sami sane tresnasihin titiang. Pinih riin, lugrayang titiang ngaturang rasa angayubagia majeng ring Ida Sang Hyang Widhi Wasa sangkaning sih pasuecan Ida, iraga sareng sami prasida masadu ajeng ring acara puniki.
Semeton Bali makasami, napi ke semeton eling daweg akeh krama Baline ring warsa 2023 puniki seda krana kacegut olih asu sane keni rabies? Napi ka semeton eling, ring sajeroning sadina-dina akudang asu ring margine sane nenten karunguang? Pikobet Bali darurat rabies puniki sane patut gelisan kauratian mangda nenten akeh malih krama Baline sane keni rabies.
Rabies inggih punika penyungkan sane kalimbakan olih virus sane mawit saking beburon minakadi, asu, meng, wanara, taler sane tiosan. Nyantos mangkin, durung wenten tamba sane prasida nambanin rabies puniki. Punika mawinan, iraga sareng sami patut ngicenin uratian sane lintang ring buron-buron sane dados panengah panyebaran.
Pangaptin titiang majeng ring Sang Angawerat Bali Tahun 2024 puniki, mangda prasida ngicalang penyungkan rabies sane sayan nglimbak ring Bali. Pencegahan rabies majalaran antuk vaksinasi rabies sane sayan gencar taler sayan kasokong genah-genah panampungan buron mangda kebersihan taler kesehatan buron ring Bali setata becik. Lianan punika, pamerintah mangda ngewentenan awig-awig sane madaging tatacara miara beburon sane becik taler nenten ngawinang durgama anak tiosan. Tetujonnyane mangda Bali ngamolihang target Bali Zero Rabies ring warsa 2024.
Inggih wantah asapunika sane prasida atur titiang. Suksma antuk uratian Ida Dane sareng sami. Yening wenten sane nenten manut ring arsa, titiang nunas geng rena sinampura. Makasawananing atur, puputang titiang antuk paramasanti.
Om Santih, Santih, Santih Om. +
Langkah Kreatif Sekadi Napi Sane Perlu Kalaksanayang Olih Pemerintah Antuk Ngewangunang Pariwisata Bali
Mangkin Lan Kedepannyane?
Iraga sareng sami uning yening Bali puniki sanget ngandelang sektor pariwisata antuk ngemajuang ekonomi daerah. Wenten sekitar sepertiga saking makasami hasil penjualan barang lan jasa ring Bali punika kapolihang saking sektor penginapan, ajengan lan minuman. Nanging, krana wenten pandemi Covid-19 sane ngenain akeh jatma ring Indonesia rumasuk Bali, nike dados menghantam lan ngamatiang kegiatan pariwisata ring Bali. Punika sane dados penyebab destinasi wisata ring Bali dados sepi lan hotel-hotel ring Bali kosong nenten wenten kunjungan saking wisatawan.
Silih sinunggil sane dados dikembangkan ring Bali sane mangkin inggih punika ngembangang industri kreatif secara inovatif. Sane mangkin sampun galah antuk pemerintah Bali mangda prasida ngewangun rencana antuk ngewangunang pariwisata ring Bali sane komprehensif. Pariwisata Bali sane komprehensif inggih punika ngewangun berbagai bisnis ring daerah sane inovatif antuk memaksimalkan pendapatan ekonomi daerah lan membuka lapangan kerja sane lebih luas, stabil lan mandiri.
Wenten beberapa bentuk sane becik potensinyane antuk Bali inggih punika education tourism utawi wisata pendidikan. Pengembangan industri turisme pendidikan puniki dados kalaksanayang dengan kolaborasi sane kuat antara pemerintah sareng lembaga terkait. Jantos wenten retreat lan wellnes tourism utawi pariwisata kesehatan sane sanget berpotensi menarik wisatawan asing antuk nongos mekelo lan ngelaksanayang pengeluaran secara konsisten antuk daerah Bali. Siosan punika, sane terpenting inggih punika membangun jasa transportasi umum sane secara profesional.
Penting antuk digaris bawahi, pariwisata inggih punika industri sane nenten mresidayang mejujuk pedidi lan merupakan nilai tambah saking sebuah industri, budaya, lan gaya hidup ring masyarakat ring destinasi. Kompleksitas sosial budaya masyarakat ring Bali sane modern lan siosan punika kantun erat sareng tradisi lan budaya seharusnyane presida secara maksimal dados industri baru sane bernilai ekonomi mangda Bali nenten perlu terlalu bergantung pada industri hotel utawi jasa wisata sebagai satu-satunya tulang punggung ekonomi ring daerah Bali.
pemerintah Bali tusing sanget rungu teken semeton disabilitas. uli perda disabilitas Bali tahun 2015 kanti undang-undang disabilitas tahun 2016 suba ngorang wajib ada pegawai disabilitas paling bedik 2 persen di Pemerintah, Pemerintah Daerah, BUMN lan BUMD berdasarkan pasal 35 Ayat (1) Undang-undang nomor 8 tahun 2016 Undang - Undang Penyandang Disabilitas. Nanging kanti mangkin bedik semeton disabilitas ane ngelah pegae melah lan maan gajih sane patut. Liunan nake rungu ken semeton disabilitas pas hari disabilitas gen. Nanging suud to sing ada apa. ade mase ane mejanji kampanye kal nulungin disabilitas yen mepilih, nanging sing ada apa suud to. Cuma tuah di munyi gen. Nak ade semeton disabilitas ngoyong jumah gen karena sing maan hak-hak ne.
Semeton disabilitas nak ngelah hak untuk hidup melah, ngelah hak pang maan pegae ane melah, ngelah hak pang maan kesempatan sane patuh teken semeton ane sing disabilitas. Semeton disabilitas nak bisa mase megae yen baang kesempatan lan pelajahan ane layak. De kaden nak sing ningalin sing nyidang ngudiang. Jani nak ne sing nyidang ningalin nak suba nyidang nganggo HP jak laptop. Keto mase semeton-semeton disabilitas sane lenan. Semeton disabilitas nyidang kuliah kanti tamat. Nak nyidang mase megae asal baang kesempatan lan pelajahan ane layak.
Yen mempekerjakan semeton disabilitas tusing je ngemang hidup layak ken disabilitas to, nanging mase keluargane. Semeton disabilitas nak ngelah mase kuren jak panak. Len ken mensejahterakan semeton disabilitas lan keluargane nanging mase menekan empati di lingkungan ne megae. Yen empati luwung lakar ngaenang hidup menyame braya lakar luwung. Coba kenehang yen kuota pegawai disabilitas paling bedik 2 persen to terealisasi, lakar liu ane nyidang ngerasayang hidup melah, liu peluang menekan rasa empati. Makanene isu disabilitas ne penting dilaksanakan. Ngiring mangkin irage sareng sami bareng-bareng ngelaksanayang hidup inklusi di mekejang sisi apang hidup menyama braya di Bali becik.
Inggih Suksma antuk galah sane katiba ring sikian titiang.
Sane wangiang titiang angga panureksa Wikithon Bali Berorasi
kaping kalih taler angga prawartaka sane wangiang titiang ,miwah ida dane pamilet Wikithon Bali Berorasi pamekas para yowana sane tresna asihin titiang
Sadurung titiang ngelantur, ngiring sareng-sareng ngaturang suksmaning manah majeng ring Ida Sang Hyang Widhi Wasa, dwaning antuk pasuecan Ida iraga sareng sami prasida mapupul iriki mungguhin kerahajengan lan kerahayuan, antuk ngaturang pengastunkara Om Swastiastu. Ring galahe sane becik puniki, lugrayang titiang ngaturang orasi sane mamurda BALI SUBA CARA JAKARTA Inggih para semeton sareng sami, Kemacetan ring bali sampun nyaihin kemavetan ring jakarta nika sane mawinan bali kawastanin sube mesib cara jakarta. kemacetan sampun dados permasalahan biasa ring Bali, kemacetan puniki sering terjadi ring genah pariwisata Kuta lan Ubud. Sewai-wai ribuan pengendara motor utawi mobil madetin indik jalan ring bali, sane mawinan kemacetan lan para wisatawan taler para semeton lokal terganggu.
Minakadi pemimpin Bali , perkara sekadi niki mangda gelis ditangani, krana kemacetan puniki sane mawinang kecelakaan ring jalan raya , pariwisata lan warga lokal terganggu, tiosan punika dados menambah polusi udara ring bali. . Solusi antuk permasalahan puniki minakadi ngaryanin mobil angkutan untuk siswa lan pariwisata , ngaryanin jalan angge sepeda gayung sane dados ngalitang polusi udara, miwah ngaryanin jalan alternatif sane tiosan.
Ainggih wantah asapunika sane prasida atur uningayang titiang , titiang nunas geng rena sinampura yening wenten kirang langkung, puputang titiang antuk paramasantih, Om Santih, Santih, Santih, Om +
Om Swastyastu
Sane wangiang titiang, para angga panureksa, sane kusumayang titiang, Tim BASABali Wiki, miwah para semeton sareng sami sane tresna asihin titiang. Pinih ajeng, lugrayang titiang ngaturang suksmaning manah majeng ring Ida Sang Hyang Parama Kawi, duaning sangkaning pasuecan Ida, prasida titiang mesadu ajeng sareng Ida dane sinamian, saha polih galah matur-atur ring rahinane mangkin ngamiletin Wimbarakara Wikithon puniki. Suksma aturang titiang majeng ring angga panureksa miwah Tim BASABali Wiki sane sampun ngwacen tulisan titiange.
Ida dane sane wangiang titiang, ring galah sane becik puniki, titiang Ni Komang Ary Kencanawati saking SMA Negeri 2 Semarapura, pacing ngaturang orasi sane mamurda “Bali Sutrepti, Joh Saking Pikobet Pelecehan Seksual ring Media Sosial”. Napi sane ngawinang titiang makarya murda sekadi asapunika, ida dane?
Sakadi sane sampun kauningin, iraga ring Bali mangkin sampun ngranjing ring era globalisasi, ring dija parajanane sayan-sayan ngandel ring internet miwah media sosial. Manut ring hasil survei Asosiasi Penyelenggara Jasa Internet Indonesia (APJII), pengguna internet ring Indonesia ngantos 215,63 yuta diri ring periode 2022-2023. Internet punika sakadi lemat merai kalih, prasida ngicénin dampak sané becik miwah dampak sané kaon. Silih sinunggil dampak sane kaon saking penggunaan internet ring masyarakat, khususne ring kalangan remaja inggih punika terjadinya pelecehan seksual melalui media sosial. Pelanggaran seksual sane sering kalaksanayang ring media sosial inggih punika ngrayu, nguluk-uluk, komentar sane nenten patut, utawi parilaksana sane nenten becik sane prasida kamargiang antuk cara chatting, komentar, Direct Message (DM) ring Instagram, kantos ngirim foto/video sane berbau pornografi ring media komunikasi sekadi WhatsApp, Facebook, miwah sane lianan. Kasus pelecehan seksual punika dados pikobet sané mabuat pisan sané patut gelis kaungkulin. Pelecehan seksual madue akeh pikobet sane prasida nibenin sang sane nglaksanayang utawi sang sane keni. Yadiastun nenten kalaksanayang secara fisik, pelecehan seksual majalaran media sosial prasida nyakitin psikis miwah emosional korban, sekadi korban dados gelis gedeg, jejeh, frustasi, stres, kantos depresi. Akeh para janane sane keni trauma sane abot pisan, sane ngeranjing ring kawentenan sane sangsarain puniki, pamuputnyane ngerusak angga sarira (self harm) kantos ngemasin padem. Yéning pikobet puniki nénten gelis kapuputang, sapunapi nasib para yowana Indonésia sané pacang dados panerus bangsa ring masa sané jagi rauh? Napi pikobet sané jagi nibenin pulau Bali yéning kasus pelecehan séksual sayan nincap nyabran rahina?
Punika mawinan, patut wénten utsaha sané kamargiang olih calon pemimpin Bali ring masa sané jagi rauh mangda prasida ngatasin pikobet puniki. Pamargin pemerintah sane prasida kamargiang inggih punika ngelaksanayang kegiatan sosialisasi majeng ring parajana utamanyane para yowana indik pikobet sane mawit saking pelecehan seksual ring media sosial. Mangda kramané sami prasida nyingakin kawéntenannyané miwah madué tata cara paripolahnyané ring masa sané jagi rauh. Taler kabuatang pendekatan majeng ring para yowana indik parilaksana Bijak bermedsos ring sajeroning lembaga pendidikan miwah kulawarga. Pamerintah taler patut ngelaksanayang hukum antuk cara sane lebih adil lan terbuka, mawinan para korban utawi masyarakat prasida bebas ngelaporang yening wenten kasus pelecehan ring wawidangannyane miwah ngajuang tuntutan ring pengadilan antuk pelanggaran ring awig awig sane ngatur indik pelecehan seksual miwah pikobet sane kapanggihang.
Ida dane sareng sinamian, wantah asapunika sane prasida aturang titiang, dumogi wenten pikenoh nyane. Yening wenten bebaosan titiang ring ajeng sane nenten manut ring arsa, titiang nunas geng rena pengampura. Puputang titiang antuk paramasanti.
Om Santih Santih Santih Om
Om Swastyastu
Para Yowana, lan Dewan Juri Sane Kusumayg Titiang. Taler Calon Anggota DPR Miwah Para Pemimpin Provinsi Bali Sane Wangiang Titiang.
Pinih Ajeng Ngiring Antuk Ngaturang Rasa Angayubagia Miwah Panyuksma Ring Ida Sang Hyang Widhi Wasa, Duaning Asung Wara Kerta Nugrahan Ida, Titiang Ngiring Ida Dane Sareng Sami Polih Mapupul Ring Genah lan Galahe Sane Becik Puniki. Ring Galahe Mangkin, Lugrayang Titiang Antuk Ngaturang Pidarta utawi Orasi Sane Mamurda ….. Bali Tanpa Kemacetan
Ida Dane Sareng Sami, Sira Sane Ten Pengeng Nyingakin Kemacetan Ring Bali ?
Kemacetan Nyane Ring Sanur,Kuta,Canggu, miwah Kota Denpasar Samput Sanget Nyangetang. Napi Malih Ungkuran Puniki, Kanti Bandara Ngurah Rai Macet Apisan. Antrian Kendaraan Sane Lantang Miwah Lalu Lintas Sane Kosek, Ngawingang Nak Bali lan Turis Lempuyengan Ring Jalane. Taler Kecelakaan Kereng Terjadi Akibat Kemacetan Puniki.
Kemacetan Puniki, Indik Kranayang Ring Jumlah Kendaraan Pribadi Ring Bali Sane Akeh Pisan lan Sistem Lalu Lintas Bali Sane Kuang Efisien. Malih Jalan-Jalan Ring Bali Sane Cenikan Teken Provinsi Melenan Ring Indonesia.
Niki Wantah Pikobet Penting Sane Titiang Kaaptiang, Indik Para Masyarakat lan Calon Pemimpin Bali Dados Ngicenin Solusi Antuk Pikobet Kemacetan Ring Gumi Bali Puniki. Dumogi Prasida Keatasin Ring Taun Sane Mendatang . Melalui Cara-Cara Sekadi Meningkatkan Efisiensi Sistem Lalu Lintas, Memperbanyak Transportasi Umum, Regulasi lan Ngajak Masyarakat Bali Nguangin Nganggo Kendaraan Pribadi, Membangun Infrastruktur Sane Memadai Miwah Menata Jalanan-Jalanan Ring Bali Mangda Becik .Ngiring Iraga Sareng Sami Dados Masyarakat Bekerja Sama Sareng Pemerintah miwah Para Pemimpin Bali, Antuk Menciptakan BALI TANPA KEMACETAN.
Wantah Asapunika, Sane Katurang Titiang.
Titiang Nunas Pengampura Yening Wenten Sane Karaos Tititang Sane Nenten Manut Ring Manah. Sineb lan Puputang Titiang Antuk Parama Santhi
OM SANTHI SANTHI SANTHI OM +
Daweg 2020, gumine kocap gering. Covid-19 wastan virus sane ngeranayang wenten gering jagat e puniki. Penyakit puniki nenten ja ngarya sakit awak kemanten. Ekonomi, pendidikan, pariwisata, naler sane lianan sami padem. Bali kaloktah indik pariwisata sane becik. Yening pariwisata ne padem, bali kanikaang sareng padem. Niki nenten becik, napi malih kantos ka pungkur wekas. Indik sapunika, ring era new normal wenten inovasi sane patut kemargiang olih pemerintah mangda prasida nangiang pariwisata ring Bali. Inovasi punika kewastanin Bali Virtual Explorer sane berbasis website.
Bali Virtual Explorer inggih punika solusi nangiang jagat Bali ring era new normal. Ring web puniki, turis dados macecingak bali sekadi melancaran nanging online. Niki makrana web puniki kalengkapin fitur video 360 derajat. Video 360 derajat becik pisan anggen sarana ring era new normal puniki sawireh manut ring protokol kesehatan inggih punika mobilitas jatmane mangkin nenten sekadi ipidan. Web puniki medaging sarana matumbasan online produk asli Bali mangda produk tradisional kaloktah minakadi kain endek lan songket, ulat-ulatan, topeng, perhiasan perak, miwah sane lianan. Matumbasan online nenten ja sukeh, anak e prasida madue produk asli Bali yadiapin nenten mresidayang ke Bali. Niki masi becik untuk UMKM. Web puniki taler madaging indik informasi lengkap ring bali minakadi genah melancaran, genah bersejarah, informasi Pura, miwah informasi lianan ring Bali mangda akeh anak sane uning informasi ring Bali. Website Bali Virtual Explorer puniki wantah asiki, nanging fitur sane akeh sekadi video 360, matumbasan online, lan informasi menarik ngae website puniki dados sarana promosi sane becik. Ring jaman internet of things, promosi online punika enggal pisan kaloktah ring jagat. Nika mawinan Bali Virtual Explorer inggih punika website sane becik anggen promosi parwisata lan budaya mangda bali matangi. +
Bali Pulo ane ramie. Mabangseng Covid-19 karwan manten nglendesang pikolih pawongan. Adake pamragat cadangan ? Ragat ngemaang pamragat cadangan inggih punika virtual tour lan ngonthel halal lan kapradatayang dalem wangun netes saut.
Dadalan pilih virtual tour ?
Saut : Sing mekejang jdam midep ka Bali ajak megenepan tangkis sakadi : sing midep, nu upajiwa, kenjekan bobot, kenjekan sid umah sakit, pandemic, visa lan paspor telah masa berlaku utawi durung ngelah
Media ane anggona ?
Saut : Adake ragane nawang Netflix, Viu ? Situs / website berlanganan mebalih film streaming. Raga mekejang meras (mengadopsi) metode sakadi Netflix ben media internet lan video. Jadma ane bakal mabalih patut ipun bayah.
Tata upajiwa ?
Saut : Sakadi kapradatayang sid lu(h)ur, berlangganan sakadi mabalih film sid Netflix. Tentunya video ane disajikan patut ipun ngleganin, sing formal lan kekeh, sakadi para vlogger lan youtuber kardi video tour wisata, “mukbang”, ngajakin “having fun” ajak tata sewru lan ngleganin.
Napi buin ngonthel halal ?
Saut : Acara olahraga sambil berwisata meilehan Bali ajak mengkhususkan ia mekejang para muslimin.
Tangkis milihin?
Saut : Popularitas masepedaan salantang pandemi ane tusing ada. Plungguhan indik boga halal inggih saking samping soroh boga, jadma ane ngorokok (patut ipun Islam lan Ahli Kitab), ngalih wisata Bali ane sing wenten gagah, subah emed ajak wisata to to dogen nganteg meilehan Bali ajak sepeda midep menuju wisata Baru. Target : Muslim Lokal & Timur Tengah
Aplikasi sid lapangan ?
Saut : Para peserta ajaka touring ajak se(m)peda neilehan Bali ka abedik genah ane panorama lung, sajian boga halal, dewasa sholat midep ka masjid. Laut ajak niki , sinahang Bali ngelah toleransi beragama ane becik +
Negara indonesia inggih punika negara ne gede utawi besar, bahkan akeh ne ngorang tanah rage tanah surga.nanging ,jutaan rakyat sing maan kesejahtraan saking pare pemimpin sane sai korup, care tikus tikus bangsa sane sai beneh di mata hukum
Jani keken carane negara indonesia mangde ngidaang memberantas pare pemimpin sane sai korup to, manggde pare samian rakyat indonesia polih kesejaterahan mekesami
Solisi
Mangkin solusine hukum² indonesia mangde akeh di pertegas utawi kene sangsi sane tegas berat, manggde pare pemerintah sane korup kene sangsi sane berat ,contoh care pemerintah bali sane korup mangde kene sangsi sane wenten di undang udang apang pere sane kurup jengah teken geginane..
Amonto gen bisan tyng pk kelungkung semare pura kiranglangkung nunas ampura🙏 +
Om Swastiastu
Suksma aturang titiang majeng ring pangenter acara antuk galah sane sampun kapaica ring sikian titiang Sane wangiang titiang angga parwataka sane sampun prasida ngelaksanayang acara sane becik sekadi mangkin, taler para pamilet wimbakara orasi kusumayang titiang, titiang ngaturang rasa angayubagia miwah suksmaning manah majeng ring Ida Sang Hyang Widhi Wasa riantukan sangkaning asungkarta waranugraha Ida titiang ping kalih ida dane sareng sami prasida mapupul iriki jagi ngemiletin wimbakara orasi sane maunteng “masalah apa yang paling mendesak untuk diselesaikan oleh calon pemimpin Bali”. Munggguin asapunika orasi sane jagi aturan titiang memurda “Bali darurat luu plastik”
Ring galahe sane manggkin lucu plastik boya je pikobet ring Bali manten, nanging sampung dados pikobet ring dura negara. Luu plastik inggih punika luu sane sukeh terurai minakadi merluang galah nganti siu tiban mangda kauyagan. Mawinan ring jagate sane mangkin akeh wenten pikobet antuk luu plastik sane mawinan baya ageng ring gumine, yening iraga nenten urati ring palemahane,sinah pacang prasida ngawetuang bancana ka pungkur wekas.
Diastun pemerintah sampun makarya mekudang awig-awig sane matetujon mangda ngirangin nganggen sarana plastik, nanging nika manten dereng prasida mragatang pikobet luu plastik punika. Yadiastun punika tusing je pemerintah dogen, nanging para krama masi mangda eling teken pikobet puniki. Mawinan yening tusing iraga, sapasira malih sane patut eling? Yening tusing iraga ajak makejang
Inggih kadi asapunika presida atur uningayang titiang inggian Bali darurat luu plastik. Santuke asapunika, sampunang lenga, ngiring sareng sareng ngaonang luu plastik, wantah asapunika atur titiang, tan lali titiang nunas geng rena pegnampura yening wenten kaiwangan miwah kakirangan titiang ring sajeroning daging orasi puniki. Inggih, pinaka pamuput atur titiang antuk parama shanti.
Om Santhi Santhi Santhi Om +
Om Swastyastu Semeton sareng sami sane wangiang titiang, Bali sampun kaloktah rauh kadura negara santukan jagat Bali madue keunikan adat istiadat sane madaging pidabdab indik tuntunan parilaksana para jana Bali. Iriki titiang jagi nguningayang indik pidabdab punika. Iraga sareng sami mangda nyalanang pamargi nyungkemin Ida Sang Hyang Widhi miwah leluhur antuk tata cara miara miwah ngelestariang adat istiadat sane sampun kawarisang, antuk kemajuan teknologi ring era globalisasi sekadi mangkin, budaya luar aluh pisan ngranjing nglimbak sareng budaya iraga sane madue pengaruh becik utawi kaon
Ring warsa 2024 iraga mapangapti sang murdaning jagat Bali sane madue kaweruhan lan jujur mangda prasida ngajegang jagat Bali utawi Budaya lan agama sane sampun kasungkemin sareng sami. Sane pinih utama indik kawentenan tamiu saking dura negara sane sampun janten kawentenan ipune lian sareng masyarakat Bali indik tingkah laku budaya lan adat istiadat. Punika mawinan banget pinunas titiang ring sang murdaning jagat jakti jakti ngemargiang adat istiadat utawi awig sane sampun kasungkemin sareng sami. Sang pemimpin utawi penglingsir mangda sida nuntun para truna truni ne meparipolah sane nganutin agama.
Kaping untat pinaka penyawis titiang ngaptiang para truna truni sareng sami mangda wikan nyinggihang raga meparipolah ritatkala nyantenang pemimpin Bali utawi manggala sane kedadosang penglingsir Bali. Utaminipun mangda jakti jakti ngemargiang tata titi awig sane sampun kasungkemin sareng ida dane sami, minakadi budaya lan agama memargi antar. +
Om Swastiastu;
Sane wangiang titiang: angga panureksa makesami, sane wangiang titiang Tim BASAbali Wiki, punika taler para atiti sareng sami sane tresnasihin titiang. Rasa angayu bagia aturang titiang majeng ring Ida Sang Hyang Widi Wasa, duaning sangkaning asung kerta wara nugrahan Ida, titiang prasida masadu ajeng majeng ring Ida Dane sareng sami.
Bali inggih punika provinsi sane sugih pisan, mawit saking budaya, tradisi, makanan, genah wisata, muah sane lianan. Nika sane ngawinan para turis-turis saking dura negara rauh ka meriki ke Bali. Turis-turis sane rauh punika, ipun nenten uning antuk kawentenan awig-awig ring Bali. Conto sane pinih kongkret turis sane sane nenten nganggen busana munggah ring taru suci sane magenah ring sinalih tunggil pura ring Bali, wenten masi kasus turis sane nenten nganggen celana ring puncak Gunung Agung e.
Pengaptin titiange majeng ring calon menggala Bali sane kapilih ring Pemilu 2024 niki, sumangdane memperketat aturan majeng ring wisatawan asing sane rauh ka Bali. Utamanyane aturan majeng turis sane mawisata ke genah-genah suci. Yening nenten iraga sareng sami sane nyaga napi sane kaduenang driki ring Bali, sira malih?
Ainggih, wantah asapunika prasida aturang titiang, yening wenteng iwang titiang matur majeng ring Ida Dane sareng sami, titiang nunas geng rena sinampura. Sineb titiang antuk Paramashanti
Om Shanti Shanti Shanti Om +
Om Swastyastu
Matur suksma aturang titiang majeng ring para pangenter acara miwah angga panureksa antuk galah sane kapica ring sikian titiang, sadurung titiang matur amatra lugrayang titiang ngaturang rasa angayu bagia mantuk ring Ida sang Hyang Widhi Wasa duaning sangkaning pasuecan Ida iraga sareng sami prasida ngamletin pacentokan bali berorasi.
Ring galahe mangkin lugrayang titiang ngaturang orasi sane mamurda Bali selektif jagi maosang indik Pemimpin ring Pemilu 2024. Maosang indik pemilu, sayuakti akeh pisan sane patut kabaosang. Generasi muda sane Kayun ngentos sanget nentuang indik pikobet bangsa sane jagi rauh. Umpamiang akuda pajak sane kataur, akuda dana sane dianggarkan antuk pendidikan, napi manten program lan akuda anggaran untuk pemuliaan anggaran. Rikala masalah persoalan sane kekeniang, mampuke para calon pemimpin antuk nyiapin tur ngrancang program sebagai solusi rikala calon punika terpilih.
Lianan ring punika, punapi nika umpamiang para aktivis utawi penggiat lingkungan antuk komitmen sareng para calon sane turut berjuang antuk lingkungan. Rikala nyingakin data wilangan pemilih ring generasi muda akeng mendominasi ring
Pemilu 2024. Akeh nenten sane dados panutas ngemedalin para penguasa sesiosan ring umpamiang bangsa. Duanin asapunika sampunang nyantos iwang memilih, rikala mangkin wanten galah malih jagi nyingakin lan memilih sekadi sane cocok dados panutan. Sampunang iwang lan sampunang aluh kena pengaruh. Kirang langkung titiang nunas ampura tur puputang tiang antuk parama santi.
Om santi, santi, santi Om +
inggih punika mengajak masyarakat Bali untuk memilah sampah ,mangde Ten membuang sampah sembarangan demi keasrian wilayah Bali puniki +
Om swastyastu semeton
Pariwisata pulau bali sampun kaloktah ring wisatawan lokal miwah wisatawan dura negare, kemaon ring era pandemi covid-19 niki ngawinang pariwisata bali punika redup, nanging +
Tiang Dewa ayu pratiwi anak ane ngoyong di Bangli ,mangkin tiang kal nyeritaang kidik tentang Bangli.Bangli sinulih tunggil kabupaten sane terletak diprovinsi bali ,Bangli ngelah maskot ane madan bunga Pucuk bang,di bangli ade mase alun alun ane dadiange tongos melali , tongos konser,tongos pentas seni (Pensi) .Di alun alun bangli liu ade playanan anak cenik, tongosne linggah, di alun alun bangli ade mese café anggon tongos meblanja anake sane melali kemu.selain alun alun ade mese tongos mendaki ane di gunung batur (kintamani) ,liu anake ane luas mendaki kemu nyingakin pemandangan alam ane ade di bangli.Di bangli ade mese tongos melali di desa penglipuran ane demeninne ken tamu tamu luar negeri ,engken seng demen tamune melali ke penglipuran tongosne leh sajan ,kanti penglipuran maan julukan ke 3 sebagai desa terbersih di dunia .di bangli ade mase tongos ane ngelah tradisi unik ane ade di desa Trunyan ane ngelah tradisi mayat /jasad anak ane sube mati jange di beten punyan (taru) Menyan .unikne mayate ento tusing mengeluarkan bau busuk .sehingga tradisi ene dadi salah satu daya tarik istimewa ring kabupaten Bangli sane liu kunjungine ken wisatawan . selain ento di bangli liu mese ada tradisi tradisi unik care nganten masal di Desa Pengootan ,tradisi ngerebeg,perang pelapah biu di Pengootan dan nu liu tongos tongos di bangli ane ngelah tradisi tradisi unik lan tongos tongos melali ane liu wisatawanne kemu melali. +
Om swastiastu 🙏🏻🙏🏻
Yen musim hujan nike kereng naenang banjir,
Banjir di kota denpasar sube tegeh di kanti ked di dada penyebab ane kanti banjir warga masyarakat Denpasar kereng ngentungan lulu ke klabah kanti ngaenang banjir bek warga Denpasar ngungsi ulian umah ne kene banjir dan mase warga masyarakat kanti keweh ngalih yeh kedas anggo minum pesan tiang e untuk pemilu 2024 untuk sg ngentungan lulu ke klabah pang sg kanti terjadi banjir bin
Nike antuk permasalah tiang e kirang langkung tiang antuk parama shanti🙏🏻🙏🏻 +
Kewentenan luu ring Bali punika patut kauratiang kewentenannyane. Krana kewentenan luu punika presida ngawingan lingkungan dados cemer. Tiang ngaptiang mangda kawentenang Bank Sampah sane kaanggen sarana antuk nguangin kewentenan luu punika. +
OM SWASTYASTU
Suksma aturang titiang majeng ring titiang Dinas Pendidikan Kepemudaan dan Olahraga Provinsi Bali
sane sampun ngawentenang pacentokan Bali Berorasi puniki,naler Wikiton.
Ring kawentenan sane becik puniki titiang jagi nyihnanyang angga, Wastan titiang I Kadek Agus Adi Prataya saking SMKN 1 Kuta Selatan ring kawentenan puniki jagi ngungayang indik kawentenang ring MiasydldKat Salte Iiarnurda " Basa Bali Dados Basa Asing"
Basa daerah sane kaanggen olih krama Bali inggih punika Basa Bali. Basa Bali inggih punika basa ibu krama Bali, sané nyarengang makasami aktivitas kauripan krama Bali. Yadiastun asapunika, basa daérah punika kantun wénten tur kaanggén olih sang sané nganggén basa daérah punika. Basa Bali,upaminyané, kantun kaanggén ring komunikasi informal pantaraning krama Bali utawi ring upacara adat. Sakéwanten, nganutin panglimbak miwah modernisasi, akéh kulawarga Bali sané nganggén basa Indonésia ring kulawarga, punika mawinan alit-alite sané sampun biasa nganggén basa Indonésia nganggén basa Indonésia pinaka basa ibu, boya basa Bali. Fenomena puniki pacang sayan ngaenang basa Bali nenten akeh kaanggen olih para yowanane puniki. Malajah basa Bali nyansan meweh bandingang ring malajah basa Inggris. Napi mawinan? Parindikan puniki patut kauratiang olih para guru sane ngajahin basa Bali. Napi mawinan para sisia alit-alité miwah anaké lingsir seneng ring paplajahan basa Inggris bandingang ring basa Bali pastika wénten alasan-alasan sané patut katemuin saking riset-riset basa asing utaminnyané basa Inggris madué genah sané strategis pisan ring kauripan ring Bali, duaning Bali dados ikon pariwisata Indonésia. Akeh para wisatawan saking makudang-kudang panegara rauh tur malancaran ka Bali, mawinan nganggén basa Inggris pinaka basa komunikasi internasional. Kawéntenan basa Inggris miwah basa-basa tiosan taler mabuat pisan nénten wantah pinaka piranti komunikasi internasional, sakéwanten taler ring sektor pariwisata sané dados sumber pendapatan utama krama Bali. Punika mawinan, basa asing patut kadadosang pelengkap sane prasida nincapang kasugihan kauripan krama Bali. Basa Indonésia pinaka basa identitas bangsa, punika mawinan iraga dados krama sané becik patut nyaga miwah nglestariang kawigunannyané. Punika mawinan, kompetensi lingual inggih punika kawagedan sajeroning ngawigunayang makudang-kudang basa sané patut kasaihang ring kawigunannyané soang-soang manut konteksnyané.\
Inggih wantah asapunika ngenenin indik daging manah titiang manados Masyarakat,titian mapinunas napi sane kasobyahang prasida kapinehin tur karesepang olih para pemangku kebijakan minakadi guru wisesane sane madue wewenang tur kebijakan sumangdane kawentenan Gumi Baline ngangsan becik tur trepti
Sineb titiang antuk Parama Santih
Om Santih,Santih,Santih Om
BASA BALI PINAKA PAMIKUKUH BUDAYA BALI
OM SWASTYASTU
Merdeka!
Salam Perjuangan!
Ida dane sareng sami sane wangiang titiang,
Pinih ajeng mantuka ring ida dane pamilet sareng sami, mustikanyane angga panureksa sane dahat kusumayang titiang. Sadurung titiang matur, lugrayang titiang ngaturang rasa angayubagia majeng ring Ida Sang Hyang Widi Wasa, riantukan sangkaning asung kertha wara nugrahan ida, titiang prasida mapupul iriki gumantin ipun ngamiletin acara Wikithon Partisipasi Publik Bali Berorasi. Mungguing pidarta utawi orasi sané jagi aturang titiang mamurda “Basa Bali Pinaka Pamikukuh Budaya Bali”. Titiang boya mamanah nasikin segara ring Ida Dané sané sampun pada pawikan, sakéwanten ritepengan mangkin titiang wantah matetegar, mapakéling ring Ida Dané pamekas ring para yowana, mogi-mogi napi sané sampun kamargiang prasida katincapang malih ring sajeroning kauripan turmaning dumogi pacang manados sesuluh iraga sareng sami mangda Bali lan Indonesia maju.
Ida dané sareng sami, kawéntenan Pulo Baliné pinaka “pulau wisata budaya” sané sampun kaloktah ngantos ka dura negara. Sami sampun uning tur pawikan, punika sané ngawinang jagat Baliné kaparinama olih para janané "pulau seribu pura, pulau déwata, pulau surga utawi the last paradisé". Napi sané ngawinang Pulo Baliné kaparinama asapunika? Sané ngawinang nénten wénten tios santukan keasrian palemahan Pulo Baliné, para jana Baliné sané ngandap kasor, maka miwah kawéntenan seni budaya sané kadasarin antuk Agama Hindu pinaka dasar mapineh jadma Baliné.
Ida dané sareng sami sané kasumayang titiang, maosang indik basa Bali punika marupa pabuat sané dahat mautama. Iraga sareng sami sampun pastika uning ring kawéntenan basa Baliné pinaka bantang utawi sarana ngrajegang budaya Bali. Basa Bali silih tunggil pinaka pangéling iraga dados jadma Bali, punika sané ngawinang iraga mangda satata nganggé basa Bali rikalaning mababaosan sajeroning pasawitran. Tios ring punika, nelebang basa Bali maka sarana ngerajegang budaya Bali turmaning maka unteng tetujon Pemerintah Provinsi Bali, kasanggra antuk Pemerintah Kota miwah Kabupatén se-Bali, maka utsaha ngulati Bali ajeg.
Ida dané, sayuwakti nenten wénten pidabdab ring Bali sané néntan mapangawak antuk basa Bali. Yadnya, pasangkepan, miwah lelintihan budaya Bali sané gumanti nganggé basa Bali. Yéning iraga nénten nganggé basa Bali majanten kesujatian iraga dados jadma Bali ical. Sané mangkin sampunké Basa Baliné ajeg tur sira sane patut ngrajegang Basa Bali? iraga sami sampun uning ring kawéntenanipun, basa Baliné durung prasida ajeg! Iraga maka pawaris, sakadi mangkin kabaos putra bangsa, patut pisan dados titi pangancan nindihin basa Bali. Pamekas ngawit ring sekolah mangda sida mabaos, masesuratan, miwah makekawinan antuk basa Bali.
Basa Bali pinaka pamikukuh budaya Bali, riantukan kadi sané sampun kabaosang, tan pabasa nénten majanten budaya Baliné prasida ngalimbak tur sida ajeg ngantos mangkin. Yan umpamiang titiang budaya Baliné sakadi taru ageng. Basa Bali pinaka akah miwah agama pinaka rohipun. Kasenian, ilmu pengetahuan miwah sané tiosan pinaka carang miwah donipun. Sané mangkin yening akahné usak, tuh, tur tan prasida ngalimbak, sapunapi i taru punika sida maurip? majanten sampun aas don miwah carang-carangipun. Taler asapunika yan imbayang titiang ring budaya Bali.
Ida dané sareng sami sané wangiang titiang, maosang indik nganggén basa Bali, bilih-bilih ring panglimbak aab jagaté mangkin, yan inargamayang titiang tan bina luir segara tan patepi, capuh aor tan pawates, sayuakti pisan sampun kauningin sareng sami. Napi malih para yowanané rumasa kuno pisan, nénten gaul kabaosang. Ritatkala mapupul sareng timpal-timpal ring sekolah, satata nganggén basa Indonesia. Matakén nganggén basa Bali, kacawis nganggén basa Indonésia. Napi malih mangkin sampun akéh nganggén basa gaul.. Ngantos madué papineh maboya titiang ring kawéntenan basa Baliné riwekas.
Ida dane, silih tunggil sane kanggen ngewerdiang seni budaya inggih punika nenten tios wantah Basa Bali druene sane pinaka tetamian utawi warisan leluhur Bali saking nguni, punika ngawinang iraga patut bangga dados putra-putri Bali tur prasida ngerajegang Basa Baline mangda budaya Bali nenten punah. Punika taler benjang pungkuran mangda nenten basa Baliné wantah dados basa ring lontar, ring sastra, ring sasuratan kémanten. Mangdané nénten iraga kabaos "Kadi katak sané wénten ring sor tunjungé", I kekupu saking doh ipun ngrasayang miik i sekar tunjung, sakéwanten I katak yadiastun nampek ring genahé punika, setata nyongkok nénten ngerasayang miik ipun i sekar tunjung sané kalintang ngulangunin. Suksmanipun, akéh para janané saking dura nagara meled pisan manah ipun malajahin indik basa miwah sastra Bali, sakéwanten iraga sané meneng ring Bali nénten prasida nganggé Basa Bali, mangda nénten kadi asapunika, ngiring iraga mangda bangga pinaka jadma Bali, malarapan antuk ngelestariang basa Bali.
Ida dané sareng sami, riantukan nelebang basa Bali, maka tiling ambek jadma Bali luih guna, sané mangkin titiang mapinunas, ngiring! sikiang kayuné, mabalik sumpah ring angga soang-soang, mabéla pati ngetohin gumi, wastu sida basa Baliné ajeg, maka pamikukuh budaya Bali.
Ida dané sareng sami sané kusumayang titiang, wantah kadi asapunika mungguwing atur pidartan titiang puniki. Mogi-mogi wénten pikenohipun. Manawi wénten atur titiang sané nénten manut ring arsa, titiang nunas geng rena sinampura. Makawasananing atur, puputang titiang antuk Parama Santih.
OM SANTIH, SANTIH, SANTIH, OM
