Property:Biography text ban
From BASAbaliWiki
D
Drs. I Nyoman Aris inggih punika sastrawan saking Banjar Kebayan, Desa Tangeb, Kelurahan Abianbase, Kecamatan Mengwi, Kabupaten Badung. Drs. I Nyoman Aris embas pinanggal 19 September 1984. Drs. I Nyoman Aris inggih punika putra saking Alm. I Wayan Lanus lan Alm. ni Nyoman Namrug. Riwayat pendidikannyane SR (1962), SMP (1965), KPG (1978), PGSLP (1980) miwah S1 jurusan Basa lan Sastra Bali (1990). Drs. I Nyoman Aris guru ring SMK Seni Ukir Tangeb, petani miwah dados juri utawi pembina ring wimbakara utsawa dharma gita. Akeh penghargaan sane kapolihang, minakadi juara 1 makidung/makakawin. Karya agengnyane inggih punika Kidung Yadnya. Karya sane lianan wenten imba tembang (pupuh), tuntunan melajah makakawin miwah tuntunan melajah makidung sane lengkap madaging tangga nada miwah notasi. +
E
ECOBRICK: NGEMARGIANG TRI HITA KARANA ANGGEN JALARAN NGIRANGIN LUU PLASTIK RING KABUPATEN BULELENG +
ECOBRICK : NGEMARGIANG TRI HITA KARANA ANGGEN JALARAN
NGIRANGIN LUU PLASTIK RING KABUPATEN BULELENG
Kabupaten Buleleng wenten 9 kecamatan miwah 148 kelurahan taler 169 desa adat. Akeh krama ring Kabupaten Buleleng inggih punika 806.650 diri manut saking data Buleleng Membangun ring warsa 2020. Kawentenan krama sane akeh punika mawinan wenten paiketan sareng kualitas lingkungan, cutetnyane saking bunbunan luu, punika kamanahang yening soang-soang krama ngawetuang luu 0,5 kg sarahina-rahina (SNI No. 39831995), dadosnyane bunbunan luu ring Kabupaten Buleleng kamanahang 413,249,5 ton sarahina-rahina. Paimbangan luu sane kawetuang saking data luu sane ngranjing ring TPA, inggih punika luu organik 297,67 ton miwah luu anorganik 148,36 ton sarahina-rahina.
Leluu plastik dados pikobet mangkin ring Buleleng. Kabupaten Buleleng kantun ngarepin krisis sane sayan mamerdi antuk kawentenan gunung leluu. Indike punika sayan meweh lan kabuktiang antuk kebakaran TPA Desa Bengkala ring Buleleng makudang-kudang rahina puniki. Ring tongos penampungan luu utawi TPA luune sampun sayan ngakehang tur kantos nenten mrasidayang malih nampung luu sane sarahina kakutang irika. Punapi kayun iragane yening sarahinane iraga patut urip ring tengah gunung leluu? taler kasarengin antuk polusi pembakaran puniki? urgensi pikobet puniki patut gelis karerehang
pamargi duaning prasida ngawinang pikobet lian sane prasida ngerugiang krama ring Kabupaten Buleleng.
Luu plastik dados pikobet napi malih ungkuran puniki genah ngutang luu sampun makacakan nenten mresidayang ring TPA sawireh akeh TPA sane wenten ring Kabupaten Buleleng sampun akeh kadagingin antuk luu plastik, akeh pidabdab sane sampun kaanggen
ngirangin luu plastik ring Bali sakewanten luu ring Kabupaten Buleleng nenten ja mresidayang ical, napi sane ngawinang luu plastik ring Kabupaten Buleleng nenten ical? napi pidabdab sane patut antuk ngirangin luu plastik ring Kabupaten Buleleng? sane mawinang luu plastik ring Kabupaten Buleleng nenten ical inggih punika akeh masyarakat ring Kabupaten Buleleng nganggen plastik sekadi pembungkus makanan, pembungkus canang tur sane lianan, sampun nenten dados kakutang ring TPA santukan TPA lokal sampun kadagingin antuk sampah plastik. Manut titiang, pidabdab sajeroning pikobet punika wantah Ecobrick pinaka silih sinunggil utsaha ngolah luu plastik. Ecobrick punika saking basa asing inggih punika saking
kruna ecology lan brick, ecology punika suksmannyane palemahan, brick punika suksmannyane bata. Ecobrick punika kakaryanin saking botol plastik sane kadagingin luu plastik. Tetujon Ecobrick puniki boya ja ngaleburang luu plastik, nanging luu punika mangda prasida awet raris kauwah mangda prasida dados barang sane mawiguna, minakadi anggen tongos negak taler prasida kadadosang furniture ramah lingkungan.
Pangaptin titiang saking ecobrick puniki para kramane prasida ngubah luu plastik punika mangda mawiguna taler prasida ngirangin luu plastik ring Kabupaten Buleleng miwah prasida
nincapang kepercayaan taler kesejahteraan manut saking falsafah Tri Hita Karana. Puniki taler para kramane mangda prasida nyujur pangaptinnyane malarapan saking falsafah Tri Hita
Karana. Penerapan falsafah Tri Hita Karana utaminnyane ring widang palemahan kamargiang saking pengolahan luu sane ngawigunayang Ecobrick. Ngiring makasami introspeksi diri yening iraga pinaka jatma Buleleng patut eling teken wewidangan jagat Buleleng antuk ngutang luu ring
genahne utawi ngolah luu mangda jagat Buleleng sayaga asri, resik, miwah trepti. Wantah kadi asapunika opini sane prasida unggahang titiang dumogi napi sane aturang titiang wenten pikenoh
ipun.
"Om Swastyastu", sane wangiang titiang para Angga panureksa, para uleman, kenten taler para Semeton sareng sami sane Tresna asihin titiang.
Rasa angayu bagia aturang titiang majeng ring Ida Sang Hyang Widhi Wasa, sangkaning antuk pasuecan Ida. Iraga prasida mapuput iriki, jago mligbagang Indi EKONOMI ring Bali. Sarat pesan manah titiang jagi ngaturang indik ketimpangan Ekonomi ring Bali. Majeng ring Bapak/Ibu sane munggah ring Ekseklutif tur ring Legislatif sane wenten ring Pemerintahan Daerah Provinsi Bali. Dumogi Bapak/Ibu Ekseklutif lan Legislatif prasida jagi pacang mantu para semeton sane Ekonomi ipun magenah ring garis Kemiskinan, mangda para semeton iraga nika ngerusayang pemerintah daerah peduli antuk nasib lan Ekonomi ipun, tur mangda prasida taler ngicen bantuan saking pemerintah.
Inggih wantah asapunika prasida katur, yening wenten atur titiang sane lan munggah majeng ring Ida dane sareng sami, titiang nunas geng rna sinampura, inggih puputang titiang antuk Paramashanti,"Om Shanti Shanti Shanti Om". +
Maturasi sisya didik ring Bali mangkin sampun nenten karaguang malih. Prasida makta padewekan sane kaduwenang lan masosialisasi patut sampun kaacungi jempol. Sisya didik ring jenjang pendidikan sekolah dasar ring Bali warsa 2020 inggih punika 399.6 tali sane ngaryanin Bali maduwe SDM muda sane prasida kakontribusiang anggen ngewangun pariwisata Bali. Santukan kawentenang penglahlah Covid-19 sane mangkin, sisya patut masekolah nganggen teknologi daring, puniki taler sisya prasida ngamolihang dampak positif pengoperasian sistem internet. Punika sampun sane durus kadadosang fokus ring penerapan mata papelajahan anyar “Pariwisata Bali” ring kurikulum sekolahnyane.
Mata papelajahan Pariwisata Bali puniki jagi ngecakup aspek-aspek dasar pariwisata Bali. Program papelajahannyane kakemas menarik mangdaning sisya nenten bosan. Nguningayang teori indik makna, kunikan seni lan budaya, destinasi, lan promosi wisata Bali jagi kapicen. Kadukung malih antuk praktek, minakadi kunjungan ka destinasi wisata lan sentra kerajinan seni jagi ngimbuhang antusias sisya mangdaning seleg malajah. Kapastikayang malih, sisya taler jagi ngamolihang galah anggen ngebuat laporan, sekadi tulisan utawi dokumentasi aktifitas ring genah wisata, sane jagi kapromosiang olih sisyane punika nganggen media sosial.
Makeh sane jagi kapolihang kaanggen keuntungan mangkin ngantos riwekasan, sekadi nincapang kewagedan akademis lan jiwa sosial sisya, nincapang kayun para sisya ngelanturang kuliah ring wewidangan pariwisata, nincapang lapangan kerja sane tetujon ring SDM guru pariwisata, lan sane pinih riin ngewantu pemerintah santukan stakeholder antuk ngepromosiang pariwisata ring tengahing pandemi Covid-19. Dumogi pariwisata Bali prasida mewali ka jati mula. +
Ring tepengan Covid-19 ring jagat Bali sane kntun mngkin, akeh sumber perekonomian Bali sane keni dampak, silih sinunggil sektor pariwisata. Ngantos mangkin pariwisata Bali durung prasida normal santukan gering Covid-19 durung metilar.
Pariwisata Bali sampun kaloktah kedura negara mawinan seni lan budayane, tanpa sector pariwisata perekonomian masyarakat bali nyansan nyusut. Akeh masyarakat bali sampun nenten madue pekaryan mawinan dampak Covid-19 nenten surut ring jagat Bali. Malarapan antuk punika ngiring iraga sareng sami elingang sedina-dina ngangge masker mangda covid-19 gelis metilar ring jagat Bali.
Ring awal tahun 2022 sane mangkin, pariwisata Bali mewali pacang pulih nika mawinan kebiasaan masyarakat Bali ngangge masker sampun madue dampak positif. Sane mangkin kasus pandemi ring jagat Bali sampun melandai mawinan mabukti parawisata Bali sampun kabukak antuk wisatawan domestik. Wisatawan mancanegara sane rauh ke Bali durung sanget akeh mawinan durung wenten izin sareng pamerintah, wenten malih varian virus baru sane rauh ring jagate sane ngeranayang pemerintah memperketat pintu masuk wisatawan mancanegara rauh ke bali umumnyane ring Indonesia.
Perekonomian masyarakat Bali nyansan mewali pulih santukan akeh jadma bali sane keni PHK sampun mekarya utawi mewirausaha. Wemten sane mewali mekarya ring kapal pesiar utawi sane tiosan.
Iraga sareng sami pastika perlu mekarya mangda prasida ngisinin keperluan keluarga, antuk punika ngiring iraga sareng sami melajah mewirausaha mandiri contoh ipun medagang utawi ring bidang jasa. Titiang sekadi anak Karangasem sedurung covid saking mangkin tetep maawirausaha ring perkebunan salak santukan mngkin harga salak ring bali durung presida mewali sane sekadi wawu lintang. Taler iraga tetep ngrastiti bhakti majeng Ida Sang Hyang Widhi mangda pariwisata ring jagat Bali nyansan gelis mewali.
Akeh sane mangkin generasi muda Bali khususnyane sane wawu lulus SMA/SMK nenten polih pekaryan, nika mawinan pengangguaran sing Bali nyansan akeh, antuk punika ngiring iraga generasi muda Bali melajah mewirausaha. Nenten perlu gengsi yening iraga mausaha kecil – kecilan sane pinih penting prasida ngasilan mata pencaharian sane medasar dharma, taler dukungan pemerintah sanget pinih penting antuk kemajuan wirausaha mandiri generasi muda Bali mangda pariwisata Bali nyansan lestari lan berkelanjutan.
Ngiring iraga sareng sami sampunang gengsi yening iraga memulai mewirusaha mandiri, yening sampun sekadi asapunika perekonomian masyarakat Bali pacang ajeg lan lestari antuk wawasan berwi
Edukasi ring para alit-alit sejak dini nenten wenten ring pemilu mangda mewujudkan bonus demografi ring warsa 2045. +
om swastyastu nelatarang indik aspek sane mabuat pisan sajeroning ngwangun masa depan bangsa, inggih punika pendidikan dini indik pemilu. Pendidikan punika mabuat pisan ring sajeroning nyiptayang demografi sané becik ring warsa 2045. Antuk ngicénin kaweruhan saking alit, iraga prasida muka pamargi majeng ring generasi sané uning ring hak miwah kewajiban demokrasi. Ritatkala ngicénin pendidikan sadurung pemilihan, iraga nénten wantah ngicénin kaweruhan, nanging taler ngwangun karakter miwah kesadaran partisipatif. Anak alit iraga, pinaka panerus bangsa, patut kawisesain antuk pangresepan indik sabilang suara ipun maduwe dampak sane ageng sajeroning ngwangun masa depan Indonesia. Pendidikan puniki pinaka investasi jangka panjang sane prasida ngawetuang demografi sane becik sane prasida ngwantu nglimbakang panegara. Melarapan antuk pendekatan pendidikan sane holistik, iraga prasida nyiptayang generasi sane uning ring nilai-nilai demokrasi, sane madue pikayunan kritis, tur sampun sedia nyarengin ring proses pemilihan. Dadosne, iraga ngwangun bonus demografi nenten wantah antuk kuantitas, nanging sane pinih mabuat, antuk kualitas warga negara sane uning tur ngajiang demokrasi. Ngiring sareng-sareng mautsaha ngalimbakang pendidikan pemilu ring galah sané pinih rihin, mangda bonus demografi ring warsa 2045 prasida dados sumber kekuatan majeng kemajuan bangsa Indonésia. Matur suksma. +
Edward, utawi Eddy sapunika dané kasengguh, inggih punika Managing Editor NOW! Bali miwah tuan rumah NOW! Podcast ring Bali. Dané seneng ring fotografi, malancaran ring désa, miwah seneng yéning karyannyané nyihnayang dané ring para janané saking makudangkudang undagan kauripan. +
Om Swastiastu
Matur suksma antuk galah sane sampun kapaica ring sikian titiang. Mangkin titiang jagi ngaturang opini sane sampun karyanang titiang sane memurda Pemulihan Ekonomi Bali Usan Covid-19
Kewentenan pandemi Covid-19 (Siongolas) ring jagate puniki ngawatuang akeh pisan pikobet. Virus puniki ngeranayang iraga sareng sami patut meneng ring Jero soang-soang sawetara kalih tiban. Yening iraga seleh-selehin kewentenan Covid-19 puniki ngeranayang iraga ten prasida masekolah, megae, tur melali ke dura negara. Ulian virus Covid-19 puniki akeh sane keni PHK ring genahne megae soang-soang. Bali wantah pulau pariwisata sane kasub ke dura negara, akeh touris mancanegara sane melali ke Bali, riantukan kebijakan punika akeh masyarakat Bali dados pengangguran.
Mangkin, Ten merasa sampun warsa kalih tali tigang likur (2023). Para pemerintah patut nguratiang ekonomi Bali mangkin, tur ngembaliang ekonomi Bali sekadi dumun sedurung Wenten pandemi Covid-19. Perekonomian Bali mautama ring sektor Pariwisata, Yening Wenten pembatasan mobilitas sekadi kebijakan diam di rumah Utawi meneng ring Jero soang-soang, sektor pariwisata Bali lumpuh. Ekonomi Bali terpuruk.
Indik punika patut kadabdabin olih pemerintah. Pemerintah patut ngerancang konsep pengembangan perekonomian Bali sane seimbang Utawi Ten berpatokan sareng sektor pariwisata. Pengembangan perekonomian Bali patut kauratiang mangda seimbang, Ten mautama ring sektor pariwisata manten. Genah pariwisata rentan pisan keni faktor eksternal. Sekadi keamanan, bencana alam, tur bencana nonalam sane Ten presida kaselehin Utawi Ten prasida dikontrol. Ulian punika makasami sektor ring Bali patut kauratiang sakadi sektor pertanian, kelautan lan perikanan, industri manufaktur lan industri berbasis budaya branding Bali, UMKM lan koperasi, ekonomi kreatif lan digital, miwah sektor pariwisata. Yening sampun makasami prasida membangkitkan sektor-sektor ring Bali punika, Mangdane prasida memulihkan ekonomi Bali usaan pandemi Covid-19. Mangda masyarakat Bali prasida Sejahtera lan Rahayu.
Inggih ida dane sareng sami sane dahat wangiang titiang. Titiang I Sangkur mabet jamprah, wantah asapunika sane prasida aturang titiang. Rumasa dewek titiang kantun wimuda pisan, janten akeh kekirangan titiang iwawu. Duaning kadi asapunika banget titiang ngalungsur agung rena sinampura. Dumogi napi sane aturang titiang iwawu prasida mapikenoh ring kahuripan puniki. Maka wesananing atur puputang titiang antuk amatra puniki :
Gambang angklung nabuh di pura, kajengkepin antuk Gita Santi.
Kirang langkung titiang nunas ampura,
Puputan titiang antuk pramasantih
Om Shanti Shanti Shanti Om
EKONOMI SULIT, KRAMA MENJERIT
Ida dane sareng sami sane wangiang titiang, sadurung titiang matur amatra pinih riin ngiring sareng-sareng ngastiti bhakti ring Ida Sang Hyang Widhi Wasa, majalaran antuk nguncarang panganjali umat.
Om Swastyastu
Mogi-mogi sangkaning pasuecan lan asung kertha wara nugraha Ida, prasida titiang ngiring Ida dane sareng sami ngamangguhang karahayuan lan karahajengan jagat. Ring genah lan galahe sane becik puniki, titiang pinaka angga saking SMAS Laboratorium Undiksha Singaraja ngaturang amatra ngeninin kebutuhan pokok.
Kebutuhan pokok utawi kebutuhan primer inggih punika kebutuhan sane kabaktayang olih sabilang dewek manusa sekat kamedalang ka jagat. Paindikan punika inggihan prioritas utama antuk nglanturang keberlangsungan idup manusa. Kebutuhan pokok kakepah dados pangan, sandang, lan papan.
Manut teori, sami manusane patut nyalarang kebutuhan pokok antuk keberlangsungan idupnyane. Sakewala sujatine kari akeh masyarakat sane nenten prasida ngisinin makatetiga kebutuhan punika utawi silih sinunggil saking tetiga kebutuhan sane wenten. Kapi ambeng punika mawinan akeh pikolih kramane sane nenten stabil kantos wenten sakelompok jatma sane pikolihnyane kagolonang ring sor miwah nenten nyujur upah minimum sane manggeh, paindikan puniki madue paiketan sane erat antuk pangargan kebutuhan pokok ring masyarakat sane ngancan nincapang.
Yening nenten guan katanganin, parindikan puniki jagi nimbulang kemiskinan ring kahuripan parajanane. Manut punika, pamerintah musti guan ngarereh pamargi ring parindikan puniki. Silih sinunggil pamargi sane prasida kamargiang inggih punika nyantosang awig ngeninin upah minimum antuk menindaklanjuti pengusaha-pengusaha sane kari sawenang-wenang sajeroning maweh upah majeng ring para karyawannyane. Malarapan paindikan punika, perekonomian parajana pacang sayan stabil dadosnyane prasida ngebeking kebutuhan pokok hariannyane.
Ida dane miwah semeton sami sane banget kusumayang titiang kadi asapunika titiang prasida matur-atur ring galahe sane becik puniki, mogi-mogi wenten pikenohipun ring wesananing atur, banget titiang nglungsur geng rena sinampura, wenten atur titiang sane nenten munggan ring arsa. Matur suksma antuk ring uratian ida dane sinamian, pinaka panguntat, puputang titiang antuk parama santhi.
Om Santhi, Santhi, Santhi, Om
Pakeweh sane patut katepas ring para calon pemimpin tahun 2024 sane mangkin inggih punika ngeninin indik pakaryan miwah pendidikan.
Permasalahan punika rumasuk ring permasalahan penting sane patut kaentasang mangda mrasidaang mewujudkan jagat Bali sane sejahtera nenten wenten sane putus sekolah, nenten wenten akeh pengangguran. Permasalahan punika patut gelis kauratiang mangda nenten ilang utawi ical kabecikan masyarakat sami.
Calon pemimpin sane mangkin patut nguratiang lan ngarereh solusi mangda mrasidaang mengurangi kesenjangan ekonomi tur mrasidaang meningkatkan akses pendidikan. Minakadi ngawentenang lapangan pekerjaan, nguratiang sekolah sane ring daerah terpencil mangda mrasidaang mewujudkan sumber daya manusia sane merata. +
Ema Sukarelawanto, embas ring Tulungagung, Jawa Timur, 2 Juli 1965. Sasampun lulus saking Fakultas Peternakan Universitas Udayana ring warsa 1990 dané dados wartawan Bali Post ngantos 1994. Raris dados redaktur ring Harian NUSA (1994-1998) miwah ngelola majalah pariwisata Bali Tribune ngantos katutup pascatraged bom Bali 2002. Salanturnyané dané nyarengin Harian Bisnis Indonésia miwah dados editor Bisnis.com ngantos pensiun saking seka media puniki.
Lianan ring dados wartawan, dané taler aktif ring makudang-kudang proyék seni rupa ngawit warsa 1993 taler ring penerbitan buku, pinaka pangawi miwah pengemasan tata letak miwah desain grafis. Makudang-kudang silih tunggilnyané inggih punika Berbagai Dimensi Perupaan Made Wianta (Kumpulan Esei, 1998), Kitab Suci Digantung di Pinggir Jalan New York (Kumpulan Puisi Made Wianta, 2003), The Sound of Calligraphy Made Wianta (2001), Dreamland-Made Wianta (2003), Calligraphy in Song-Made Wianta (2005), 4+1=Venezia (Panji Tisna, Made Kaek, Suklu, Made Wianta, 2003), Eternal Line-Stephan Spicher (2005), To Be World Class Services, Proses Metamorfosis PLN Distribusi Bali (2006), Jero Wijaya: Inspirasi dari Kaldera Batur (2007), Mengembus Batas (Wahyoe Wijaya), Konflik Tak Jadi Pelik (Biografi Nyoman Sudiantara, 2010), Leafscape (Nyoman Sujana), Kompangan Darus dan Bagh Mirah; Pionir Pariwisata Aston (Nyoman Darus), Putra Taryoto, Putra Hadi Taryoto: Ngwujudin Impian Melalui Atribut Pariwisata Baru (Nyoman Darus, 2012), Putra Darus & Putri Putu, Putra Putu, 2016),
Mangkin dané aktif ring Komunitas Kertas Padi, Komunitas Nitirupa, taler ngwangun situs berita inibali.com miwah katarupa.id. +
Om Swastyastu.
Para angga panureksa sane mustikayang titiang
Asapunika taler para sameton, pamekas para pamilet pacentokan Wikithon Partisipasi Publik sane tresna sihin titiang
Kapertama titiang tan lali angayu bagia majeng ring Ida Sanghyang Widhi Wasa, duaning wit sangkaning kreta waranugraha Ida kandugi titiang miwah ida dane sareng sami sida mapangguh sajeroning parikrama Bali maorasi rahinane puniki. Mapiranti antuk uncaran Om Awighnamastu orasi titiang sane mamurda: “Era Society 5.0, Ngiring Sutindih Ring Petani” kawitin titiang.
Ida dane sane kusumayang titiang.
Manawi ida dane sareng sami sampun pawikan, aab jagate mangkin sampun ngranjing ring Era Society 5.0. Panglimbak jagate puniki sujatine becik pisan, santukan nyokong kramane mangda prasida kreatif ngawigunayang teknologi rikala ngamargiang kahuripan. Punika mawinan, akeh sampun para janane sane ngawigunayang dunia maya pinaka jalaran ngaruruh pakaryan, sakadi dados penulis konten, content creator, miwah sane lianan. Sakewanten, sane nenten dados kalaliang, inggih punika wantah kawentenan petani. Ring aab jagate mangkin, napike wenten alit-alite sane madue pangapti dados petani? Napike kantun akeh wenten wawidangan sane prasida katandur?. Yening nyelehin indik pikolih, sampun pastika para janane, pamekas sane kabaos generasi millenial tur generasi Z puniki pacang milih dados konten kreator. Raris sira sane pacang dados petani riwekas? Parindikan puniki mabuat pisan kauratiang olih sang ngamel jagat Bali, sapunapi mautsaha mangdane pertanian kantun ajeg, pakaryan petani kantun kasenengin olih para janane yadiastun pakaryan puniki sering ngawinang daki tur tuyuh.
Ida dane sane wangiang titiang,
Kawentenan petani sane mangkin ring Bali, akeh sane sampun prasida ngamedalang pikolih pertanian nanging nenten prasida ngranjing ring pasar. Punika mawinan rikala petanine madue pikolih, meweh ngadol antuk pangarga sane becik, bilih-bilih nenten prasida kaadol. Nampenin pikobet puniki, patut kamargiang konsep smart farming utawi wikan sajeroning pertanian. Nanging sadurung punika, pamerintah patut nadosang petanine smart farmer utawi petani sane waged ngawigunayang teknologi sajeroning ngawetuang produknyane mangdane prasida katerima olih pasar. Raris kaaptiang napi sane katandur puniki prasida sayan becik tur nincap nyabran warsa. Yening sampun petanine landuh, sinah pacang ngawetuang pangan sane becik majeng ring krama Baline. Parindikan sakadi puniki prasida mamargi prade generasi millenial miwah generasi Z sane meled nyarengin panglimbak teknologi tedun ke pertanian tur pamerintah nyokong antuk aksi nyata, sane nindihin kahuripan petani ring Bali.
Ida dane sane wangiang titiang.
Wantah asapunika cutet orasi titiang. Yadiastun cutet, sane satmaka damuh aketelan ring sagarane jimbar wenten pikenoh ipun. Titiang tan lali ngaturang suksma antuk uratian ida dane sareng sami. Asapunika taler titiang tan lali nunas agung pangampura prade wenten iwang atur titiang utawi napi sane aturang titiang tan kangkat ring pakayunan. Puputang titiang antuk parama shanti, Om Shanti Shanti Shanti Om.
Eric Buvelot inggih punika wartawan miwah pangawi senior sané meneng ring Bali saking warsa 1995. Dané ngawitin pakaryannyané ring Prancis ring publikasi harian, irika dané meneng salami 10 warsa miwah malajah indik jurnalisme. Dané sampun nyurat satusan suratan indik Bali miwah Indonésia, ring basa Prancis utawi Inggris, akéhan anggén majalah bulanan Bali La Gazette de Bali, pinaka kepala redaksi selami 13 warsa, sakéwanten taler anggén média mabasa Inggris terkemuka ring Indonésia sakadi The Jakarta Post, Indonesia Expat, Sekarang Bali utawi basa Prancis Le Banian. Dané nglimbakang koran multibasa The Communities of Indonesia miwah majalah gaya hidup Saga. Lianan ring Bali, 50 Tahun Perubahan ⁇ Percakapan dengan Jean Couteau, dané taler dados pangawi novél kriminal Bali Club Hotel sané kasurat ring warsa 1994-1995. +
Etika Wisatawan ring Genah Suci ring Bali
Om Swastyastu, Angga panuréksa sane wangiang titian, miwah tim Bahasabali wiki sané kusumayang titiang. Ring galahe sane becik puniki, titiang jagi ngaturang orasi indik "Etika Wisatawan ring Genah Suci ring Bali".
Pulo Bali inggih punika destinasi wisata sané pinih kasub ring Indonésia. Bali madué makudang-kudang objek wisata, inggih punika wisata alam, wisata budaya miwah wisata bahari. Bali miwah pariwisata nenten dados kapalasang. Sané nénten kirang menarik inggih punika budaya kramannyané. Urip krama Bali raket pisan sareng agama Hindu punika mawinan upacara agama punika dados objek sané khas pisan. Pura inggih punika genah mabakti umat Hindu sané kasebar ring sajebag Bali. Punika mawinan Bali taler kawastanin Pulau Seribu Pura.
Sakéwanten kaluihan genah wisata ring Bali kantun sering keni panglalah, silih tunggilnyané inggih punika genah genah suci. Kawéntenan wisatawan dura negara sané malancaran ka genah suci punika kantun ngawinang pikobet ring Bali. Kasus sane sering kapiragi inggih punika etika wisatawan sane kantun kirang, ring sajeroning busana utawi moral wisatawan punika padidi. Sakadi sané mamargi ring Pura Dalem Prajapati Banjar Dadakan, Désa Adat Kelaci Kelod, Désa Abiantuwung, Kecamatan Kediri, Kabupatén Tabanan. Turist punika manjat wit sané kasuciang, minabang turist punika nénten uning genah punika wantah genah suci.
Indiké puniki sering pisan kapanggihin, santukan kebebasan masikian miwah mabusana ring makudang-kudang genah wisata, kebutuhan antuk konten komersial miwah, tan kauningin olih wisatawan dura negara indik genah suci ring Bali. Antuk punika, iraga ngaptiang mangdané pamimpin Bali ring warsa 2024 prasida ngukuhang awig awig ring genah punika antuk utsaha sané prasida kamargiang, inggih punika,
1. Ngwangun komunitas antuk nyaga genah punika.
2. Pamrentah mangda ngicénin informasi indik makna genah suci.
3. Ngaturang sanksi majeng ring para tamiu sane nenten satinut ring awig-awig punika, sanksi punika marupa sanksi moral miwah sosial.
4. Wisatawan kaaptiang kasarengin antuk pemandu wisata sane maduwe izin (ngerti kondisi alam, adat istiadat, tradisi, miwah kearifan lokal masyarakat Bali} ritatkala malancaran ke daya tarik wisata.
Inggih wantah asapunika sane prasida aturang titiang, dumogi wenten pikenohnyane, lan orasi puniki prasida kawujudang olih pamimpin Bali warsa 2024 mangda genah-genah suci ring Bali setata kajaga lan kalestariang. Ampurayang yening wenten kaiwangan ring bebaosan puniki. Om Shanti, Shanti, Shanti Om.
Etika Wisatawan Ring Genah Suci ring Bali
Om Swastyastu, Angga panuréksa sane wangiang titian, miwah tim Bahasabali wiki sané kusumayang titiang. Ring galahe sane becik puniki, titiang jagi ngaturang orasi indik "Etika Wisatawan di Tempat Suci di Bali".
Pulo Bali inggih punika destinasi wisata sané pinih kasub ring Indonésia. Bali madué makudang-kudang objek wisata, inggih punika wisata alam, wisata budaya miwah wisata bahari. Bali miwah pariwisata nenten dados kapalasang. Sané nénten kirang menarik inggih punika budaya kramannyané. Urip krama Bali raket pisan sareng agama Hindu punika mawinan upacara agama punika dados objek sané khas pisan. Pura inggih punika genah mabakti umat Hindu sané kasebar ring sajebag Bali. Punika mawinan Bali taler kawastanin Pulau Seribu Pura.
Sakéwanten kaluihan genah wisata ring Bali kantun sering keni panglalah, silih tunggilnyané inggih punika genah genah suci. Kawéntenan wisatawan dura negara sané malancaran ka genah suci punika kantun ngawinang pikobet ring Bali. Kasus sane sering kapiragi inggih punika etika wisatawan sane kantun kirang, ring sajeroning busana utawi moral wisatawan punika padidi. Sakadi sané mamargi ring Pura Dalem Prajapati Banjar Dadakan, Désa Adat Kelaci Kelod, Désa Abiantuwung, Kecamatan Kediri, Kabupatén Tabanan. Turist punika manjat wit sané kasuciang, minabang turist punika nénten uning genah punika wantah genah suci.
Indiké puniki sering pisan kapanggihin, santukan kebebasan masikian miwah mabusana ring makudang-kudang genah wisata, kebutuhan antuk konten komersial miwah, tan kauningin olih wisatawan dura negara indik genah suci ring Bali. Antuk punika, iraga ngaptiang mangdané pamimpin Bali ring warsa 2024 prasida ngukuhang awig awig ring genah punika antuk utsaha sané prasida kamargiang, inggih punika,
1. Ngwangun komunitas antuk nyaga genah punika.
2. Pamrentah mangda ngicénin informasi indik makna genah suci.
3. Ngaturang sanksi majeng ring para tamiu sane nenten satinut ring awig-awig punika, sanksi punika marupa sanksi moral miwah sosial.
4. Wisatawan kaaptiang kasarengin antuk pemandu wisata sane maduwe izin (ngerti kondisi alam, adat istiadat, tradisi, miwah kearifan lokal masyarakat Bali} ritatkala malancaran ke daya tarik wisata.
Inggih wantah asapunika sane prasida aturang titiang, dumogi wenten pikenohnyane, lan orasi puniki prasida kawujudang olih pamimpin Bali warsa 2024 mangda genah-genah suci ring Bali setata kajaga lan kalestariang. Ampurayang yening wenten kaiwangan ring bebaosan puniki. Om Shanti, Shanti, Shanti Om.
F
Om Swastiastu
Rasa suksma iraga aturin ring linggih Ida Shang hyang Widhi Wasa sane sampun ngametuangin kawentenan. Ring punika, pinih pantes, krama wantah ngaturang sembah pangastuti, tur ngamolihang pamargin ring fenomena sane ngeranjing dados mawasta ring Indonesia, yadiastun karya sane pinih enyih, nanging taler ngamargiang paragané ring jagat, dados pamargin yowan palemahan, ring antuk ngawinang masalah polusi udara.
Yadiastun makeh pradesa olih saking silih tunggil udara sane pinih kacunduk ring Asia Tenggara, pamargin makeh kendaraan listrik inggih punika mawasta sane nika, tur ngamargiang jelek karbon lan ngemargiang aturan puyung bumi. Nanging, dados pamargin tanganing langkah sane utama puniki, wantah dados pamargin, sane sampun kenten ngamargiang sané kagingsir. Nika mawasta Indonesia sampun nerima batu bara lan gas bumi dados pamargin pamakéan listrik, tur pengembangan bahan baku sane rauh ring punika dados pamargin lithium, nikel, lan cobalt taler maduwe ngawinang mawasta ring lingkungan, yadiastun makarya ring aturan sane paripolah. Taler, masa pamakéan baterai sane kenten dados 10-20 warsa dados pamargin, taler munggahnyane dados penumpukan limbah baterai yadiastun ada pangresep sane ageng ring pangelolaan limbah baterai sane lantang.
Saking punika, lantur ring niki, wantah dados pamargin, sane nyarengin pemerintah tukang ngamargiang infrastruktur pengisian daya kendaraan listrik, ngendihang resiko penumpukan limbah baterai, lan mawasta solusi ring alternatif pamakéan baterai sane mapikolih palemahan. Sampun kenten krama ngewates, iraga dados wantah dados pamargin, sane nyarengin pemerintah ngedasayang karya sane mapikolih palemahan ring infrastruktur pengisian daya, ngawinang solusi tur pangapti ring resiko sané pinih luwih dados sampun pamakéan motor listrik, tur ngamargiang dukungan mapikolih palemahan ring pamakéan kendaraan listrik. Ring puniki, iraga dados majeng Indonesia sane pinih enyih, yusma, lan palemahan.
Suksma.
Om Shanti Shanti Shanti Om
Ring galahé puniki, kawéntenan pangargan beras sayan nincap, parajanané sampun ngrasayang dampaknyané. Puniki minab sangkaning kawéntenan tanah persawahan sané nyansan ngreredang sangkaning transfer fungsi tanah. Prasida kacingak ring kota akeh palemahan sawah-sawah sane kagunannyane sampun mauwah dados genah paumahan, hotél, miwah genah usaha tiosan. Punika awinanipun tanah sane entap nenten dados kagunayang malih, santukan tanahe punika nenten mrasidayang malih kawigunayang. Punika mawinan krama kota ngentosin kawigunan tanah ipuné antuk nandur sané lianan, minakadi nandur entikan pandan utawi bunga-bunga taler wenten sane nenten kagarap. Indiké punika ngawinang produksi padi sayan kidik sané ngawinang pangargan beras sayan nincap. Wenten malih sane ngranayang, inggih punika akehnyane wangunan perumahan-perumahan sane nganggen lahan sawah. Paumahan kabuatang pisan olih parajanane santukan akéhnyané krama sané sayan nincap. Ring sisi lianan beras sané pinaka kebutuhan pangan sané pinih utama majeng parajanane. Puniki patut kapinehang olih samian pejabat sané mapaiketan. Minab dinas mapaiketan, utaminnyané sané membidangi manajemen perijinan indik pembangunan ring paumahan mangda sayuakti nyeleksi sabilang pengajuan ijin penggunaan lahan. +
Rhamadani muputang studi S1 ring program studi Industri Perjalanan Wisata, Fakultas Pariwisata Universitas Udayana. Sané mangkin, Rhamadani makarya dados marketer ring perusahaan jasa pariwisata sané manut ring pengalamannyané sané dumun. +
Forum GenRe Jembrana : Peran lan Kontribusi Para Yowana antuk Ngereredang Prevalensi Stunting ring Kabupaten Jembrana +
Kawentenan Stunting sane akeh punika kantun dados pikobet ring Kabupaten Jembrana. Stunting inggih punika kakirangan perkembangan anak alit (anak alit sane durung mayusa 5 tiban) sangkaning kakirangan gizi sane kronis mawinan anak alit punika yusanyane nenten lantang. Stunting punika ngawinang perkembangan fisik nenten becik (maksimal), taler ngreredang daya tahan tubuh ngantos perkembangan otak. Sane ngawinang alit-alite nenten prasida ngawetuang kembang wantah sangkaning ibu sane marabian taler mobot ri kala kantun alit, punika taler sangkaning parilaksana rerama sane nenten becik, taler kirangnyane kaweruhan ibu indik kesehatan miwah nutrisi sadurung, ri tatkala mobot miwah ri sampuné ngembasang putra.
Manut saking hasil Studi Status Gizi Indonesia (SSGI) warsa 2022, prevalensi stunting ring Kabupaten Jembrana inggih punika 14,2 persen sane prasida kabaos pinih tegeh yening saihang sareng Kabupaten tiosan sane wenten ring Provinsi Bali. Stunting ring Kabupaten Jembrana patut kauratiang olih kramane.
Utsaha para yowana mabuat pisan sajeroning ngirangin angka stunting ring Kabupaten Jembrana, mawinan solusi sane prasida aturang titiang majeng ring pangirangan angka stunting sane sampun tegeh ring Kabupaten Jembrana inggih punika nincapang kolaborasi miwah nglaksanayang Pencegahan Stunting saking Hulu ke Hilir inggih punika majalaran antuk kerjasama Pemerintah sareng para yowana. Melarapan antuk Program Forum GenRe Jembrana sane marupa kerjasama pamerintah sareng para yowana Jembrana sajeroning nanganin pikobet stunting. Forum GenRe Jembrana kawentuk OLEH, DARI, DAN UNTUK REMAJA pinaka genah ngicenin pendidikan sareng Remaja ring Jembrana mangda nenten iwang masawitra sane dados faktor lan ngranayang wenten Kawinan Dini, sane pamuputnyane kasayagaan fisik miwah psikis remaja sane marabian ring yusa muda sane dados silih tunggil jalaran angka kelahiran bayi utawi anak sane nandang stunting ring Kabupaten Jembrana.
Wenten makudang-kudang program sane sampun kamargiang Forum GenRe Jembrana silih sinunggil program RUMAH PENTING (Rumahnya Remaja Peduli Stunting) sane tetujon saking program puniki inggih punika mangda Para Remaja nyarengin ngicenin edukasi ring para yowana remaja sane wenten ring Kabupaten Jembrana indik Bahaya Stunting, sapunapi pencegahan stunting, miwah ngresepang faktor-faktor sane ngawinang. Mangda para yowana sayaga dados ibu sane jagi embas, uning nutrisi sane seimbang, miwah prasida ngamargiang pola pengasuhan sane patut mangda prasida ngirangin resiko pianaknyane pacang keni stunting. Sapunika taler kamargiang pamariksaan kesehatan miwah pamariksaan anemia ring anak istri rumaja. Sajabaning punika, program puniki taler nyiagayang ring umah-umahe krama sane kirang mampu antuk ngicenin sumbangan ajeng-ajengan sane madaging nutrisi sane becik mangda nenten nenten stunting sakadi Telur.
Para yowana patut nyarengin utsaha pencegahan stunting, duaning para yowana pinaka agen perubahan sane prasida nglimbakang paminehnyane. Sukses pemerintah sajeroning nurunang angka stunting majalaran antuk Program dinas terkait, taler nenten lepas saking peran para yowana sane wenten ring kabupaten Jembrana antuk nyarengin kampanye indik baya Stunting.
Stunting inggih punika pikobet sane ngrebeda pisan, iraga nenten dados ngutang generasi muda sane pacang ldados pamimpin bangsa sane rusak. Puniki wantah pamargi alit sane prasida kamargiang mangda ngamolihang Indonesia Emas sane becik ring warsa 2045. ngawetuang generasi muda sane unggul lan berkualitas mangda prasida ngamolihang bangsa Indonesia sane sayan becik.
CEGAH STUNTING SADURUNG GENTING
Frans Nadjira embas ring Makassar, Sulawesi Selatan, 3 Séptémber 1942. Ngawit warsa 1974 dané meneng ring Bali. Dané kasub pinaka pangawi miwah pelukis. Warsa 1979 dané nyarengin program nyurat kreatif International Writing Program ring University of Iowa, Iowa, AS. Dané naenin malajah seni rupa ring Akademi Seni Lukis Indonésia (ASLI), Makassar. Rikala nglukis, dané milih miwah ngawigunayang metode seni lukis otomatis (psikografi) sané kantun kaanggén ngantos mangkin. Ritme, gerak, komposisi, miwah warna dados jiwa ring karya-karyané.
Ring widang sastra, utaminnyané puisi, dané akéh ngambel calon pangawi ring Bali sané malajah nyurat puisi majeng ring dané. Kakawiannyané kawedar ring makudang-kudang média lokal, nasional miwah dura negara, minakadi Bali Post, CAK, Kalam, Horison, Kompas, Koran Tempo, Media Indonesia. Taler kapupulang ring antologi Segara Biru Langit Biru, Puisi ASEAN, Spirit That Moves Us (USA), On Foreign Shores, Ketika Kata Ketika Warna, Teh Ginseng, A Bonsai ⁇ s Morning.
Cakepan sastranyané sané sampun kawedar inggih punika Jendela (Kumpulan Puisi, 1980), Bercakap-Bercakap di Bawah Guguran Daun-daun (Kumpulan Cerpen, 1981), Springs Of Fire Springs Of Tears (Kumpulan Puisi, 1998), Curriculum Vitae (Kumpulan Puisi, 2007), Pohon Kunang-Kunang (Kumpulan Cerpen, 2010), Catatan di Kertas Basah (Kumpulan Puisi, 2015), Keluarga Lara (Novel, 2016), Jejak-Jejak Mimpi (Novel, 2016), Peluklah Aku (Kumpulan Puisi, 2017). +
