Let's keep the temple clean by making biopori
This is a Response to the Sampah Upacara wikithon
Urip krama bali setata kadasarin antuk sastra-sastra agama hindu, sane ngawinang sewai-wai kramane mayadnya, umpamin ipun sewai-wai kramane ngaturang saiban, ngaturan Canang sari sane kaangeen nunas ica ring ida sang hyang widhi wasa mangda prasida mangguh kasukertan. Kemaon indikke puniki taler makta pikobet iriki ring jagat'e. Napi mawinan titiang purun matur kadi asapunika? saantukan yening uratiang risajeroning ngamarging yadnya ne sewai-wai punika akeh pisan luu sane kapolihang wusan iraga ngaturang yadnya punika saantukan kramane nenten ngutang luu mis pamuspan ring genah sane sampun kacumawisang. Sane mangkin utsaha napi sane patut kamargiang?
sujatinnyane guru wisesane ring bali sampun nguningayang pisan ring krama sami mangdane prasida ngutang luu utawi mis pamuspan ring genah sane sampun kacumawisang, kemaon kantun akeh krama Baline sane nenten kayun ngutang luu ring genah sane sampun kacumawisang tur kramane ngutang luu sekita arep. Duaning asapunika iraga sareng sami taler guru wisesane ring Bali patut nincapang tur nglimbakang utsaha mangda palemahanne setata Lestari antuk makarya Biopori ring wewidangan pura umpaminnyane ring madya utawi nista mandala sane prasida kaanggen genah luu pamuspan sane prasida taler kadadosang pupuk kompos taler kaanggen ngisep toya sane maembah ring wewidangan pura. Tiosan ring punika taler wenten utsaha tiosan inggih punika wusan ngaturan yadnya mangdane krama sami makta budal mis pamuspan sane sampun kaanggen ritatkala ngaturang bhakti.
Iraga pinaka krama Bali patut pisan nguratiang karesikan widang pura ne sane pinaka genah suci sane kaanggen genah ngaturang bakti. Napi malih mangkin akeh pisan pura sane kaanggen genah pariwisata saantukan wewidangan nyane sane becik tur asri, duaning asapunika patut pisan katincapang utsaha mangda wewidangan pura setata asri. Yening wewidanganne sampun asri majanten iraga pacang sida nemu kerahayuan, turmaning sida nyujur kehuripan sane shanti jagathita.
-
-
- Category
- high
- Affiliation
- -
- Age
- 16-21
Enable comment auto-refresher