Small Sewer: Water Flows, Trash Meets House

This is a Response to the Sampah Upacara wikithon

Yén suba suud mabakti, suba pasti para pamedeké ngasilang mis cenik sisan panca sembah cara klopékan bunga lan dupa ané suud maenyit. Misé ento sesai depanga maura di tongosné negak. Para pamedek selanturnyané ané lakar mabakti misi ngantiang pangayahé nyampat malu mara nyidang negak lan mabakti. Tiang ngelah papineh anggon nepasin mis ceniké ento. Biasané yén di pura, ada tongos negak para pamedek ané nganggon paping blok, ada masih tanah misi padang hias anggon nancebang dupa. Nah tongos nancebang dupané ento dadi ganti aji kalén (selokan kecil) ané misi yéh membah. Para pamedeké nyidang ngutang bunga suud muspa ka kaléné totonan. Nyanan mis cenik sisan muspané lakar anyud baan yeh ane membah. Di muncuk embahan yehe, misé lakar kasaring tur kacelepang ka lubang biopori. Yeh ane membah masih tusing ja lakar makutang, kewala lakar buin masedot menek tur membah buin di kaléné. Sistemné patuh cara yéh ané anggon mapula-pulaan hidroponik.

Category: general
Affiliation: Politeknik Negeri Bali
Age: 16-21

What do you think about this response?

Comments below!

Enable comment auto-refresher

Sivani

18 days ago

Votes 0

Ene inovasi ane luung. Mise ane cenik-cenike to nak makelo-kelo bisa dadi liu tur lakaran keweh ngurusang. Nang yen saja besik dua gen ane mabakti, nyisaang luu suud muspa abedik, ento enu nyidang aluh sampatanga teken pangayahe. Tapi yen ada odalan, ane tangkil liu, misi nyemak nomer antrean, makejang mauber-uberan, tusingja sempet pamedeke lakar nuduk mis sisan muspane. Apa buin nyanan ane lakar mabakti, suba makelo ngantre ngantiang anak len suud mabakti, misi biin ngantiang pangayahe nyampat malu, nuduk mis ane mabejug yen dadiang besik. Ide ngae kalen cara kene mula ja hal baru, tapi dadi cobak malu. Iraga sing ja nawang ene lakar berhasil apa sing, tapi sing ada pelihne yen lakar nyobak. Iyang setuju!

Permalink | Reply

Bagus88antara

17 days ago

Votes 0

Becik pisan niki gagasane, laluu sane cenik-cenik pastika sida anyud, nanging yening laluu skadi kuangen canang pastika abot santukan selokane cerik, tur makada sampet olih laluu sane gede-gede, wenten solusi wenten kobet taler, nanging ring suang-suang genah maturan pastika mabinayan, wenten sane manut kakaryanin selokan cerik, wenten sane ten manut santukan genah muspa nika nenten samian pateh kawentenane.

Permalink | Reply