Bali puniki kasengguh dados genah destinasi wisata sane pinih utama ring jagat puniki. Puniki ngawinang akeh minat wisatawan rauh ka Bali. Punika ngwetuang dampak positif miwah negatif kapining Bali. Dampak positif punika prasida nyokong perekonomian krama Bali. Dampak negatifnyane inggih punika muncul pabuat-pabuat sane nenten manut ring uger-uger krama Bali, pabuat corah wisatawan puniki, pastika sampun mikobetin Bali. Santukan punika, pamerintah Bapi utamanyane para pengelola destinasi wisata Bali mangda nyayagayang buku panduan majeng ring para wisatawan. buku panduan punika kaangge titi pangancan ritatkala para wisatawan malancaran ka Bali. Yening sampun sami anut tur tinut ring uger-uger sane kasobyahang ring buku panduan punika, pastika sampun prasida ngwetuang bali sane trepti tur ajeg nindihin budaya Bali.
Enable comment auto-refresher