religious that produces waste

This is a Response to the Sampah Upacara wikithon

Iraga dados nak bali sampun pastika dados umat beragama, sane madue akeh rahina. Rikala Rahina punika, iraga maturan ka pura tur ngaturang banten. Banten puniki pinaka aturan iraga dados nak bali. Banten puniki pastika sampun madue soroh nyane. Nanging sane sampun lumrah, iraga dados nak bali pastika sewai wai ngaturang canang. Ring bali kocap Akeh rahina, minakadi rahina galungan, Kuningan, Saraswati, Purnama Kapat, Buda cemeng kelawu, miwah sane lianan. Drika Iraga dados nak bali lakar ngaturang banten, banten puniki pastika ngasilang Luu (sampah) sawireh krama/pemedek sane tangkil ring pura-pura rikala wenten rahina punika pastika akeh sane nenten nglungsur sampian saking bantenan duwene. Nika sane ngranayang Ring pura pura punika Ngasilang Luu Sane akeh rikala wenten Rerahina/upacara keagamaan, luu canang, luu plastik, miwah luu sane lianan. Yening menurut titiang, Apang pura-pura ring bali niki nenten ngasilang luu/sampah sekadi punika, pemerintah wajib nyobyahang peraturan baru sekadi 1. Nenten dados makta plastik rikala maturan ka pura. 2. Pedagang asongan sane wenten ring pura madue genah luu sane sampun kepah dados 2/3 soroh (plastik, lan organik) 3. Wenten tongos luu ring galah galah tertentu. Menurut titiang, nika sampun dados ngranayang luu sane wenten ring pura mangda mekuang(berkurang). Antuk pemedek, sampah/ luu banten sane sampun ten kaanggen dados lungsur tur bakta ring puri soang soang mangda nenten wenten luu banten ring pura. Pamedek sane lianan pastika dados ngaturang bebantenan mangda becik pemargin iraga samian. Nanging, niki mebalik ring padewekan soang soang, lan kesadaran diri. Yening iraga sadar dados nak bali sane sampun pastika lakar maturan ke pura pura, iraga patutne Ngejaga kebersihan pura. Pura niki tongos iraga sembahyang, duaning nunas paica ring ida sang hyang widhi. Suksma.

Upacara keagamaan di bali menghasilkan sampah yang menjadi masalah sosial di bali.

Religious ceremonies in Bali produce waste which is a social problem in Bali.