Quality tourism without sacrificing culture

This is a Response to the Pariwisata Berkelanjutan wikithon

Kawentenan pariwisatane ring Bali mabuat pisan, tur patut setata katincapang, nanging nenten ngerusak taksu Bali drue. Tata cara sane patut klaksanayang inggih punika Ngerajegang Pariwisata sane mabantang kalestarian budaya lan kasucian palemahan jagat Baline.

Para wisatawane patut kaicen tuntunan sasana ri kala jagi ngeranjing ring jagat Bali, sakadi mabusana adat sane becik lan patut, tur setata nyinggihang parikrama upacara agama lan adat sane sampun ketah klaksanayang ring jagat Bali. Yening wenten tamiu sane purun maparilaksana kaon mangda kaicen tuntunan indik dresta kuna sane patut setata karajegang ring palemahan jagat Bali. Angganing Guru Wisesa mangda prasida sagilik-saguluk, salunglung sabayantaka, nunggilang pikayunan.

Pinaka Krama Bali, utsaha sane patut kelaksanayang ri sajeroning ngelestariang Pariwisata Budaya ring Bali, Krama Bali maka sami patut setata meparilaksana nganutin tetuek Tri Kaya Parisudha, mangda prasida pinaka tatuladan sane patut katinutin olih para wisatawane. Indike punika prasida nunain parilaksana-parilaksana kaon sane prasida pinaka wisya pariwisata bali druene.

Category: high
Affiliation: SMA N 1 KINTAMANI
Age: 16-21