Property:Response text ban
From BASAbaliWiki
A
Nusa Bali ketah kabaos "Nusa Seribu Pura", Krane wenten akeh Pura ring Bali. Ritatkala ngamargiang upakara yadnya wenten makudang-kudang sarana sané kabuatang minakadi canang, bunga, dupa. Raris, sesampun kramane ngastiti bakti pastika ngemolihang limbah marupa luu organik miwah anorganik. Indiké puniki dados pikobet sané ageng majeng ring umat Hindu terutamannyané ring Bali. Sampun wenten pidabdab sané kaanggén ngirangin luu upakara yadnya punika minakadi nyiagayang tongos pamupul luu manut sorohnyané (organik, anorganik, B3). Nanging pidabdab punika durung prasida ngirangin leluu. Silih sinunggil luu sane akeh inggih punika bunga. Bunga-bunga sisa upakara adat punika katunas miwah kaanggén ngemolihang bubuk bunga sané tuh. Raris kacampuh bubuk lem, minyak, miwah wewangen alami. Antuk nitenin luu bunga puniki iraga prasida molihang kalih keuntungan kapertama prasida nitenin luu organik kaping kalih dados kaanggén antuk kesehatan. Punika dados pamargi becik anggén muputang luu upakara adat. Dupa sane ka-recycling mawasta "Dupa Aromatherapi” +
Yening iraga ngomongang indik luu, patutne wenten kesadaran antara pengelola lan pemedek ring pura. Pemedek harus ngelah kesadaran indik pentingne ngutang luu ring tongosne, yening pengelola harus mengelola luu sane becik. Cara sane sederhana sane bise iraga gae inggih punika melarang ngangge sampah plastik lan bise ngae lubang biopori (kompos) ring areal pura, yening ngelarang nganggen sampah plastik, iraga bisa ngangge pengganti plastik sane reusable. +
Pulau Bali punika kabaos pulau seribu pura duaning akéh wénten pura ring Bali, pura punika tempah sembahyang umat Hindu, ring rahina rahina keagamaan umat Hindu pastika ngelaksanayang kegiatan upacara keagamaan ring pura punika, minakadi upacara piodalan ring puran. Yéning iraga marasa nénten patut ngirangin sampah keagamaan punika santukan yéning iraga ngelaksanayang upacara keagamaan pastika méweh pisan mangda pastika nganutin upacara keagamaan sané kamargiang, minab yéning iraga nganggén canang akidik, buah akidik, bunga akidik miwah nénten nganggén tas kresek. Pastika akéhnyané manut ring upacara sané kamargiang. Raris napi sané patut kakaryanin yéning nénten prasida ngirangin sampah agama? Sané patut kamargiang inggih punika ngolah limbah keagamaan punika dados sané mawiguna ring kahuripan, sekadi sampah organik canang, kulit buah, sisan-sisan entikan bekas sané kadadosang pupuk kompos miwah pupuk organik cair ecoensyme sané kaanggén pupuk. Lan sampah anorganik punika contoh ne kresek Melahang Nike kutang ka tong sampah, krana yening iraga orine mendaur ulang lan anggen kerajinan pasti tusing lakar, maka Melahang ye Kutang ka tong sampah.
Yéning pengolahan sampah religius punika becik napi mawinan sampah religius punika akéh pisan?
Sane ngawinang sampah keagamaan NU bek inggih punika, santukan irage sube madue kesadaran pikiran Mangda ngidaang ngirangin Jumlah sampah dengan cara membuang sampah ke tong sampah, menjadi kerajinan LAN menjadi pupuk,nanging iraga nenten madue kesadaran hati dengan kesadaran ulung otot fisik kita,irage NU ngekoh nenten minat Ade nuduk luung,miwah irange sube Nawang ngidaang buang luu ke tong sampah dengan tangan NU membuang sampah sembarangan.
Ida dane sane tegarang dumun nglimbakang kesadaran pikayun, kesadaran hati, lan kesadaran otot fisik iraga Mangda ngutang luu ka tong sampah lan ngidang ngolah sampah punika, mawinan sebene ngolah sampah aluh yening iraga akeh madue kesadaran.
UTAMAKAN BUKTI BUKAN TEORI +
B
Kahuripan Krama Bali raket pisan ring kawentenan agama, adat, tradisi, lan budaya. Majanten sampun nenten prasida pasah saking upakara utawi bebantenan. Manut ring artikel Kementrian Agama upakara wantah sehananing sarana suci sane katur pinaka sembah bakti iraga ring Ida Sang Hyang Widhi. Kadirasa nenten wenten genah sane nenten kaupakarain, tur nenten wenten rahina sane nenten madaging upakara utawi banten. Nanging, ritatkala iraga ngaturang upakara utawi banten pastika wenten sisan ipun sane mawasta surudan utawi lungsuran. Lungsuran sakadi sarwa woh-wohan, ulam, punika taler ajengan prasida iraga tunas, sakewanten lungsuran sane marupa jejaitan miwah sane tiosan pastika pacang manados luu. Yening luu puniki nenten becik kaolah dados pikobet. Panyurat pinaka yowana madue pikamkam lan winaya malarapan antuk ngarya genah sane mawasta “BALE KOMPOS”. Program puniki wantah program sane patut kamargiang ring soang-soang desa adat ring Bali. Napi awinan punika? Duaning desa adat wantah prajuru sane pinih nampek saking kahuripan ma-Agama krama Baline. Bale Kompos wantah genah ngolah sisan upakara manados kompos Sane patut medaging ring Bale Kompos, boya ja raka sekadi woh-wohan, jaja, sakemaon : sampian ring jejahitan, sarana keanggen ngarya upakara puniki sane nenten prasida kaolah malih . Ring Bale Kompos nenten ja genah pengolahan manten wenten taler “Teba Desa” sane dagingnyane sarwa tetanduran upakara, tetanduran lakar jangan, lan woh-wohan lokal Bali. Luu upakara ring soang-soang paumahan lan pura kapupulang. Kewanten kaangkat sane sampun kering lan kacacah. Soang-soang krama madue kartu tanda anggota lan madue poin. Yening sampun akeh madue point dados kagentosin antuk sahananing hasil tetanduran sane wenten ring Teba Desa. Sane ngupapira wantah krama lokal sane prasida ngwehin lapangan pekerjaan lan nincapang produktifitas masyarakat. Duaning asapunika program “Bale Kompos” puniki dahat becik anggen ngwangun ekonomi Desa turmaning ngirangin pikobet luu upakara.
mis pinaka musuh ring sejebag gumi . Silih sinuninggil sane paling mencolok ring bangli inggih punika daerah batur kintamani. khususnyane ring daerah sekitar pura batur. akeh pisan pemedek sane jagi tangkil ring pura puniki, panjak saking sajebag bangli sane jagi tangkil merike. Sane sampun iraga uningin sareng sareng akeh panjak sane nenten rungu tekening luu sane kakutang olih i panjak ring sembarangan margi. Pemedek sepatutne nenten dados ngangge plastik sane kaangen wadah sekar , pemedek seharusnyane makte sokasi kwangen utawi tas ramah lingkungan mangde nenten wenten luu plastik napi buin plastik punika nenten dados terurai. Ring sekadi manah tityang ring batur khususnyane kasayagayang lubang sane sampun kadagingin tutupnyane , lubang punika kaangge tempat sekar sane sampun kaanggen mangde langsung teruraikan ring tanah. +
Om Swastiastu
Sedurung tityang ngelantur nyawis minakadi marupa pendapat titiang antuk ngewikanin indik lulu sane pinaka lulu wusan ngaturang wali, icenin titiang nyihnayang angga wastan titiang I Dewa Putu Kusuma Putra, titiang saking SMA N 1 Baturiti . Ainggih indik tata cara ngewikanin lulu wusan ngaturang wali utawi upacara titiyang nunas ring krama panjak sinareng sami mangda nenten makte lulu plastik santukan lulu plastik punika pacang nyemerin wewidangan pura , yening lulu organik mangdane kabakta budal ke jero soang soang mangda wewidangan pelinggih prasida ajeg tur asri pinaka cihna bakti ring linggih Ida Hyang Parama Kawi. Yening nenten irage sane ngewikanin indik lulu puniki sire malih sane pacang ngewikanin , taler ring krama patut eling ring kewentenan jagat e riantukan akeh lulu plastik sane nyemerin jagat e.Para yowanane patut tedun ngaksi jagat druwene sane akeh kacemerin olih lulu plastik duaning punika para yowana patut ngicenin imba majeng ring krama sane nenten uning ring gatra sane nenten nadosang ngawigunayang plastik sekali pakai napi malih ring wewidangan pura. Yening wacana kemanten nenten je prasida pacang ngawi jagad sane trepti dua ning sangkanin punika para jana patut nreptiang pikayunan tur eling ring kewentenan jagate.
Asapunika atur titiang samatra , yening wenten iwang atur titiang nunas geng rena sinampura , sineb titiang antuk parama santhi,
Om Santhi Santhi Shanti Om . +
Manut ring aab jagate sekadi mangkin, pariindikan luu, mis wiadin sampah sekadi sampah organik miwah sampah non organik wantah banget dados pikobet iraga sareng sami ritatkala ngemargiang upacara keagamaan. Santukan sekadi punika iraga dados jadma Bali patut nyaga utawi ngupapira Jagat Baline mangda stata asri. Silih sinunggilnyane kirangin ngangge plastik ritatkala iraga jagi ngaturang bakti, minakadi sane seneng ngangge pamungkus plastik anggen sanganan utawi sarana bakti sane lianan mangda kagentosin antuk don. Asapunika taler sane seneng makta canang miwah banten ngangge tas plastik mangda kagentosin antuk bokor utawi tas kain sane ramah lingkungan. Indik luu wiadin sampah organik minakadi jejahitan canang, sampian, cemper segehan, miwah sarana lianan sane sampun usan kaanggen ngaturang bakti prasida kedadosang pupuk organik ngangge inovasi lubang resapan biopori utawi teba modern. Punika taler buah lungsuran dados keanggen campuran eco-enzym utawi larutan fermentasi organik sane kekaryanin saking buah miwah sayuran sane akeh kawigunannyane. +
Ring sejeronig kahuripan jagat bali ne puniki ten mresidayang neleb saking parikrame upekare sane ke margiyang, minekadi galungan, nyegare gunung, miwah puje wali, niki sane mawinang akeh pisan luu sane wenten ring sejeroning wewidangan pure, minekadi ring pure Besakih, akeh pisan jatme sane ngure luu ritatkale nangkil ring pure Besakih. ngude irage nangkil nyumbah sanghayang widhi yening irage ten runggu tekening palemahan irage. Sepatutne ritatkale irage nangkil nyumbah ide Sang Hyang Widhi, irage patut masih runggu tekening palemahan lan pawonagn pateh sekadi sane kepalajahin saking tri hita karana. Sanae mangkin elingan, ngiring irage sareng sami ritatkale irage nangkil ring sejeroning pura miwah genah suci sane lienan bakte dumum minakadi trashbag, tas kresek utawi sane lienan, puniki agen ngegenahan luu sane bakte irage ritatkale nangkil puniki, apang ten irage ngutang luu ngawag ring sejeroning wewidangan pure. Risampune irage nangkil genahan plastik luu nike ring genah sane sampun kacumawisan. +
Inggih sepatutne yening sampun mebakti sampah sane kaanggen mabakti nika langsung kabuang ring tong sampah, tur sarana persembahyangan sane kananggen antuk mabakti sapatutnyane ten nganggen plastik dadosnyane anggen bokor lan keben. +
Bali pinaka kabanggan majeng Pemerintah Indonesia duaning sareng ngwantu pendapatan pemerintah. Tur manados katresnaan jagat. Selami kalih dasa warsa puniki Bali sayan mauwah sayan lian. Naler ring sesamen idup nenten sekadi dumun. Mangkin krama Bali malomba-lomba ngruruh kauripan marupa lepihan kertas mangka tur mawarna-warni. Santukan rasa dot ring jinah saya ijuk. Ijuk punika lantas ngranayang lali. Pariwisata sane sampun mamargi ring Bali punika manut titiang nenten mamargi sekadi becik. Riantukan sangkaning parikrama pariwisata sane nenten seimbang punika ngranayang akeh kawenten palemahan sayan usak. Wawu niki wenten kasus pengerukan tebing tur indike nenten nganutin tata titi iraga dados jadma Bali. Tebih sane speatutnyane kanggen ngraksa wewidangan sagara lantas usak olih jadma sane mapipis gede. Bali sane mangkin tan bina buka barang dagangan sane kaobral. +
Pulau Bali sane kesengguh Pulau Seribu Pura tur sampun kaloktah ring dura negara tur akeh ngasilin leluwu ring genah ngentungan leluwu. Leluwu sane saking pura utawi tempat suci nika akehnyane keranayang olih upakara adat. Minab wenten tigang nyuta umat Hindu, sane jagi maturan utawi nangkil ring pura tur wenten sane medue upacara ring adat pastika ngasilang leluwu.
Manut ring Undang-Undang No. 18 tahun 2008 tur PP No. 81 tahun 2012, leluwu kaolah dados kalih cara. Sedaging ipun penguangan lan penanganan leluwu. Nguangin leluwu wenten tiga cara sedaging ipun 3R (Reuse, Reduce, Recyle) nika prasida kelaksanayang ring soang-soang paumahan warga sami.
Nika sane wantah prasida aturang titiang manut ring sekacan pikobet leluwu sane wenten ring upakara-upakara Bali. Nganggen banten sane manut awig-awig, nganggen don, bunga. Sampunang nganggén plastik, nganggén bahan sané dangan kaurai olih alam. Dadosangang edukasi ring masyarakat, ngelaksanayang ring ngajegang pangangge ring lingkungan. +
Antuk ngurangin sampah pas upacara keagamaan di Bali, becik make pola hidup lestari lan ngangge bahan-bahan alam. Cobe irage ganti bahan plastik ring banten dengan bahan organik kaya janur, daun pisang, lan kain yang bisa didaur ulang. Plastik becik ngicenin kenyamanan, tapi idupin dampak buruk jangka panjang ring lingkungan. Irage bisa ngilangan barang sekali pakai, ngadeganf sumber daya lokal, ngaranin pengelolaan sampah, ngajengang anggen jaringan.
Irage ngidaang ajak semeton liu ring desa, utamanya generasi muda, supaya lebih melek ngenan lingkungan. Upacara keagamaan ajak rame, tapi semestinya ngangge sekadarnya je untuk eling lingkungan. Sambil ngayah lan ngerereh solusi inovatif, sampun luput ngerereh kesucian upacara taler. Penting juga ngajak seluruh warga menjaga kebersihan pura, nenten hanya pas upacara, tapi terus-terusan. Duwe pang amalah inucap becik ring Ida Sang Hyang Widhi, ngurusin alam sampun manten bagian utama dari yadnya lan bakti ring Ida Sang Hyang Widhi. +
Om Swastyastu
Luu plastik inggih punika Luu sane meweh keicalang Olih Krama pemekas Krama Hindu. Napi malih yening wenten acara keagamaan utaminyane krama Hindu mebondong-bondong makte plastik pianake genah sarana prasarana banten di kegiatan kaagamaan.
Nanging wenten makudang-kudang pidab-dab anggen ngirangin Luu plastik ring parikrama keagamaan.
Sane Kapertama: Ngawigunayang daun pisang pinake genah Sekar anggen ngaturang Bakti
Sane kaping kalih: ngaggen bahan-bahan Ramah lingkungan rikale ngarye banten minakadi: ngarye daun pisang rikale ngaput sanganan banten
kaping Tiga: ngaggen tas kain utawi sarana prasarana banten praside kaanggen ngelantur mangde palemahan kantun ajeg.
Kaping empat: ngaggen dekorasi ring pura ngaggen bahan -bahan sane Ramah lingkungan mikadi: Ngarye penjor ngagge, tiing,busung,nyuh miwah sane lianan bahan-bahan sane presida nenten ngawinang akeh Luu plastik
Keping lima: Rikale usan wenten parikrama keagamaan miwah ngelaksanayang parikrama keagamaan Mangde siagayang genah luu ring soang soang genah parikrama , Sekirang kirangne genah luu organik miwah non organik.
Kaping nem: Makte luu plastik utawi luu sane lianan ring ke jero soang rikalane usan kewigunayang parikrama kaagamaan.
Inggih asapunika prasida aturang titiang ngeninin indik pidab-dab ngirangin luu utaminnyane luu plastik ring pemekas umat hindu.
Ngiring jage Gumi Bali
Doh saking luu plastik
Om Santih Santih Santih Om +
Bali krisis lulu. Ngiring irage ngubah bahaya lulu dados berkah lulu. +
manut papineh titiang ngenenin indik isu lingkungan, akeh panggihin titiang ring aab jagate mangkin lingkungan sane pidan kaloktah asri tur tis mangkin nenten sakadi punika, akeh carike sampun dados beton, ruko, villa miwah sane lianan punika ngeranayang jagate mangkin kebus ne sane kaliwat lan cuaca sane ekstrem.
Indik isu pendidikan sane uningang titiang ring aab jagate mangkin akeh SDM manusane sane kirang katincapan, tur tata titi manusane sane nyeleweng tur akeh tindak kejahatan sane ngawinan keamanan iraga ring Bali nenten becik pisan.
Wantah kadi punika sane prasida uningayang titiang, boya ja titiang nasikin segara
Badung mangupura, kirang langkung nunas ampura🙏 +
Indik pemineh titiang ngentungang lelu ring pura nenten je becik napi malih luu plastik.I rage sebagai umat hindu medue peran ngejage lan ngenahang luu ring genah ne sane sampun kasediaang.Mangde ring sabeh-Sabeh nenten nyampetin got mangde nenten dados banjir.Ngiring irage sareng sami ngenaang lelu ring genah ne sane sampun kesediaang ring genah ne minakadi tong,sok,lan ember mangde jagat bali ne tetep rahayu +
Utsaha ngirangin luhu plastik dados keterapang ring upakara yadnya, sekadi nenten nganggen kantong plastik pinaka genah nunas tirta suci olih pemedek lan dados kagentosin antuk sangku sane prasida kaangen ngelantur. Ngaturin para pemedek mangda makta mantuk sarana pamuspaan sane sampun usan kaanggen. Rikala numbas ajengan ring wewidangan pura mangde nenten ngutang leluhu irika. Metuelingin para pemedek mangda neneten ngawigunayanag plastik genah sarana pamuspaan. Leluhu canang sari sane sampun usan kaanggen dados kaanggen makarye pupuk organik lan ngawigunayang luhu-luhu sekar anggen nyampuhin rikala makarye asep. +
Manut saking Penelitian Pengelolaan Sampah Sisa Upacara di Pura menjadi RDF (Refuse Derived Fuel) olih Fransiskus Vebrian Kenedey, Dewa Ngakan Ari Yudiaskara, Made Vina Maharani ring Universitas Mahasaraswati
Luu saking upakara, akehan wantah luu sane prasida kaurai tur kakaryanang kompos. Antuk akehnyane 80% sakadi don biu, sekar, janur, sambuk, miwah sane tiosan
Nampenin indik luu sisan upakara, nenten pacang prasida yening ngandelang antuk ngawewehin Tempat Pemrosesan Akhir (TPA). Sane mabuat wantah inovasi pengolahan luu mandiri melarapan antuk kearifan lokal.
Teba, ring tradisi krama Bali, wantah genah ring durin pekarangan genah anggen matetanduran lan ngolah luu organik, puniki prasida katulad manados pikamkam modern ring ngolah luu ring palemahan pura. Teba Modern, manados genah ngolah luu sane kautamayang indik luu sisan upakara. Malarapan antuk sistem kompos, luu organik sane wenten prasida kaolah anggen ngwantu tetanduran organik ring Bali. +
Ring soang-soang aktivitas kaagamaan utaminnyané Hindu, méweh pisan manggihin pamargi sané efektif anggén ngirangin luu - luu sané wénten, punika mawinan sarana miwah prasarana sané kaanggén ring aktivitas kaagamaan Hindu akéh pisan. Minab prasida ngirangin luu punika antuk nyortir luu punika manut golongannyane tur raris kadaur ulang. Nanging utsaha punika prasida efektif yening krama sami madue kesadaran indik mabuatnyane ngirangin luu ring soang-soang kegiatan keagamaan, yening nenten pastika utsaha sane sampun kamargiang pacang nenten mabuat santukan nyortir luu manut golongannyane abot pisan. Yéning utsaha punika kamargiang olih makudang-kudang diri pastika pacang sué pisan, duaning ring sajeroning parikrama keagamaan Hindu wénten makudang-kudang soroh luu sane prasida katemuang. +
Pulau Bali sane wenten kasub gelar ipun Pulau Dewata, maweh arti sane mendalam wiadin dadi tempat ngidihang ida-ida dewata ring agama Hindu. Bali punika wenten ring jagat minakadi tempat wisata sane mawali kanti kaindahan alam sane kasub. Nanging, pesona Bali sampun mulai pudar kanti masalah sane matios: sampah plastik. Ring warsa 2024, sampun kacathet ada 3.597 ton sampah plastik sane nyapuh ring Bali.
Penyebab masalah puniki nyak tusingne peling krama majang penanganan sampah. Becik akeh ane ngebuang sampah maredi, sane ngalimbak kaindahan alam pulau niki. Satmaka krama Bali wiadin generasi muda Indonesia, becik makejang nika bisa matulung makasami maguna karya sane inovatif ring nyaga masalah puniki. Sampah plastik nika bisa kabuat dados barang sane becik maang harga sane luhur. Kanti semangat generasi muda sane durung kuat, becik kita nyaga kerama wiadin lestarian Pulau Dewata kanti sampun wenten kasub dados tempat wisata sane eksotis tur nyak kaajak. +
