Pariwisata sampun dados tulang punggung gunakaya Baline kantos mangkin. Turise rauh ka Bali jagi malancaran ka genah pariwisata sane makeh madaging suksman seni miwah budaya. Krama Baline kadi rasa nenten prasida lempas saking kawentenan pariwisata. Sakewanten, pandemi COVID 19 puniki saget ngawinang ekonomi Baline lumpuh. Bali harus matangi Ekonomi utawi gunakaya Baline nenten dados wantah ngandelang pariwisata kemanten. Punapi carane? Dong cingakin kaluihan alam Baline sane mangkin saking sudut pandang sane tiosan. Klebutan utawi wit toya sane dados tetujon wisata ring Bali, prasida kaolah dados toya minum sane madue pangargan utawi nilai ekonomi, tios ring ngandelang sektor pariwisata. Kawentenan pabrik toya minum mawadah ring Bali prasida ngranjingang tenaga kerja miwah prasida ngolah sumber daya alam ring Bali. Toya minum dados kebutuhan pokok soang-soang jatma sane prasida kadadosang peluang usaha ring Bali. Indike puniki janten nenten dangan, sakewanten prasida kalaksanayang. Wantuan saking pamrentahe dahat kaperluang indik nglaksanayang utsaha puniki, punika taler mangdane wenten sane nelebin indik seselehan puniki, mangda alam ring Bali stata lestari.
Enable comment auto-refresher