Dong tinggalin ngeredep pura lan sanggahe jani, seni ukir lan pradane ngulangunin hati. Yen care imaluan sanggahe lebian melakar turus lumbung. Ade masih ne luungan melakar aji bata polos. Sakewala yen telektekang lebih metaksu sanggah lan purane pidan. Adi bise keto? Kerana iraga bisa ningkahang rage, nyage kesucian purane. Yen jani megenep ngendah - ngendah anake dipura. Ane ngelumahang taksu purane.Ade ane mejudi di pura, ade ane mabuk, ade ane ngomong kangin kauh ngangguang kite, ade ane ke pura tuah ngedengang kesugihan. Ane paling ngae uyut mapi - mapi kerauhan, apang kadenange paling kesenengin teken ida sesuunanne. Yen ipidan, de je kanti bani keto, asane kar ninggalin pelawatan ida sesuunanne sube takut. Jani sesuunane ajake ngae video konten kar asukange ke youtube. Sing je nombaang, yen kenehe ke pura kar ngae konten pang ngenah kedewan dewan, artine sube sing fokus tujuan iragane nyakupang lima diarep sesuunanne.Ape buin ane gaene videone ane soleh- soleh ane malah ngaenang usak citra baline lan taksu baline. Lan jani bareng bareng laksanayang Tri Kaya Parisudhane apang tusing ngancan lumah taksu pura iragane sami.
Enable comment auto-refresher