Sapunapi platform BASAbali Wiki prasida nuldulin kayun Sametone mangda nyarengin isu-isu sipil?
Yening manahang titiang, kawentenan BASAbali Wiki puniki mresidayang nulungin lan ngwantu titiang rikala berpartisipasi ring bebaosan publik utawi sipil, antuk fitur-fitur sane kadabdabin olih platform BASAbali Wiki puniki. Fitur-fitur sane wenten ring platform puniki sampun akeh kaanggen olih krama, kirang langkung sampun wenten ngwantu 3 yuta diri rikala nyobiahang lan mebebaosan nganggen Basa Bali mangda prasida nglestariang basa aksara lan sastra Baline. Tur prasida ngajegang budaya Baline kawekasan. BASAbali Wiki wantah marupa kamus online basa Bali sane prasida kaakses olih parajana Baline rikala madue pikobet indik daging kruna sane durung kauningin. BASAbali Wiki puniki taler nganggon 3 basa sane matiosan, inggih punika: basa Inggris, basa Bali lan basa Indonesia. Dadosnyane makasami prasida uning antuk kruna-kruna sane wenten ring basa Bali. Puniki mabuat pisan antuk nyobiahang basa Bali ka dura negara. Siosan ring punika kawentenan BASAbali Wiki prasida ngwantu para yowana rikala mebebaosan ring parikrama mabligbagan, penelitian tetilikan utawi parikrama ring sekaa teruna teruni ring wewidangan ipune. Yening dados cutetang titiang kawigunan kamus BASAbali Wiki pinih mabuat majeng iraga sareng sami anggen berpartisipasi nampenin isu-isu publik, napi malih yening kosa kata sane wenten ring kamus Wiki puniki prasida kajangkepin olih manggala basa Bali mangda danganan mebebaosan nganggen basa Bali.
Enable comment auto-refresher