Sastra Pinaka suluh sane galang apadang ring jagate. Maosang indik aab jagat sakadi mangkin sane ketah kabaos Kali Yuga utawi Kali Sanghara. Minakadi akeh para janane maparilaksana lempas ring uger-uger sastra agama, sakadi mamaling, mamarikosa, marebat sareng semeton, miwah wicara sane tiosan. Jatma sakadi punika majanten sampun luput ring sane kabaos antuk budhi pekerti, raris pikayun sane sumbung miwah nyapakadiaku. Imanusa prasidha nelebang daging sastra agama mangda prasidha weruh utawi uning ring napi sane kabaos becik turmaning napi sane kabaos tan becik. Sang sane sampun nelebang sastra aji ring sajeroning angga sarira rumasat kadi kawentenan kajangkepin antuk suar sane mabuat pisan anggen memargi sajeroning latri. Risampunne imanusa kajangkepin antuk sastra aji teleb ipun pacang prasida uning ring ketatwan dados imanusa sungkem ring sastra agama.
Enable comment auto-refresher