Om Swastyastu, Malarapan antuk Pemilu serentak ring warsa 2024 pastika pinaka calon pamimpin sane pacang kapilih prasida ngemban tugas miwah muputang pikobet-pikobet ring masyarakat. Silih sinunggilnyane mapaiketan sareng akehnyane pendatang sane rauh saking Bali sane sayansayan ngawetuang pikobet ring masyarakat. Akehnyane parilaksana sane nenten patut punika sekadi : akehnyane kerusuhan pantaraning krama, nganistayang genah suci, nenten prasida ngajiang rahinan suci keagamaan, ngamaling, ngrampok, miwah parilaksana kriminal sane tiosan. Pinaka pamimpin ring Bali, iraga patut nguratiang parilaksana olih pendatang saking luar bali punika sane sayan ngerugiang masyarakat. Parilaksana puniki ngamerluang kebijakan miwah langkah-langkah sane wicaksana mangda prasida mastikayang keharmonisan miwah kalanturan budaya Bali tetep lestari. Kaping ajeng, iraga patut nincapang pengawasan ring wewidangan perbatasan mangda prasida ngontrol arus pendatang sane nenten manut sareng norma miwah nilai-nilai lokal. Kaping kalih, pinaka pamimpin, iraga patut ngukuhang awigawig indik lis nsi usaha mangda wantah para jana sane sampun mautsaha nglestariang budaya Bali sane kalugra nyarengin ring panglimbak ekonomi. Dukungan majeng ring utsaha lokal miwah partisipasi krama lokal prasida dados pamargi san becik angg n nanganin dampak negatif saking para imigran san matilar. Lianan punika, pendidikan majeng krama lokal miwah para imigran indik nilai-nilai budaya Bali taler mabuat. Parikrama pangweweweh miwah kerjasama sareng pihak-pihak sane mapaiketan prasida ngwantu nincapang kasadaran indik mabuatnyane ngajegang miwah nglestariang warisan budaya sane jimbar ring Bali. Sajeroning ngarepin pikobet puniki, kabuatang kapemimpinan sane tegas sak wanten wicaksana, ngabungin aspek keamanan, ekonomi, miwah sosial mangda prasida ngamolihang keseimbangan sane kaaptiang. Mogi-mogi utsaha puniki prasida ngawantu Bali tetep dados genah san damai, lestari, miwah ngamedalang keindahan budayanyan ring jagat . Om Shanti, Shanti, Shanti Om.
Enable comment auto-refresher