Bali inggih punika silih sinunggil provinsi ring negara Indonesia sane kaloktah antuk keasrian palemahan lan kebudayaan sane becik pisan. Puniki ngawinang Bali dados silih sinunggil destinasi wisata, sane kamiletin antuk wisatawan lokal ngantos mancanegara nglipurang manah lan malilacita ring bali. Wisata Bahari dados silih sinunggil sektor pariwisata sane jangkep mabuat ring bali. Pariwisata bahari inggih punika wisata sane ngutamayang destinasi segara minakadi wisata pesisi segara,wisata bentang laut miwah wisata beten laut. Nanging, sampun akeh wenten kapiragi orti indik pariwasata bahari sane ngusak segara,sane ngawinang inggih punika jembatan ponton sane kaanggen piranti ngruwak pariwisata bahari. Jembatan ponton kaoros olih ombak ngraris nomplok terumbu karang ngantos usak. Salian punika, aktivitas pariwisata bahari puniki taler ngawi limbah cair pareresik ponton sumingkin akeh,taler ngawinang ekosistem segara sumingkin usak raat. Ring pasisi segara para wisatawan akeh sane kirang kesadaranyane antuk tetep nyagra kebersihan lan keasrian segara Bali,para wisatawan akeh sane ngutang luu nenten manut ring genah sane mawinan pasisi segara cemer utamanyane luu plastik. Yening parindikan puniki nglantur, Midep janten ekosistem segara Bali dados usak. Irage sareng sami mangda mautsaha ngawetuang upaya nambanin ekosistem segare sane sampun usak. Utsaha punika sekadi Kakaryanin aturan sane kukuh mangda para turis nenten ngutang luu nenten manut ring genah,Karyanin jembatan ponton sane kukuh mangda nenten ka oros olih ombak lan nabrak terumbu karang,Kaproduksi obat pembersih jembatan ponton sane ramah lingkungan lan utamanyane wenten kesadaran individu antuk nyagra keasrian lan kaindahan alam Bali. Pangaptin titiange pariwasata bahari miwah pariwasata sane lianan ring pulau Bali dados bersih,asri,lan ngicenin wesana becik antuk krama Bali becik ring segi sosial,ekonomi miwah sane lianan. Taler wenten ipian titiange majeng pariwasata bahari miwah pariwasata lianan ring bali dados pariwasata sane kaloktah ngantos mancanegara sane mendunia.
Enable comment auto-refresher