Naa, sedeng melaha jani tyang libur ulian tanggal merah, ngedot bane pesu malali. Ulian ibi-ibiane nu sibuk masuk malajah, ne jani makita ngaliangang manah, yen care istilah anake, refreshing kone adane. Sube agak sanjaan pesu tyang ngajak adin tyange ke Pantai Candidasa. Kanggoang tyang malali ke tongos ane paek uli jumah, apang sekedar maan malali nepukin pasih sambil meli bakso di sisin pasihe. Pas di margane negakin motor sambilang ngorte ngajak adine ane megandeng, nepuk carik sisin margane, saget iseng makeneh kenken ye dadine yen binpidan carik-carik ane sisin margane telah mebangunin villa, restoran, hotel tur bangunan ane lenan. Pasti jelek asane tusing ada pemandangan alam, yening ane ada tuah bangunan-bangunan dogen. Ngeliwat di margane pasti lakar kebus sajan tur bisa ngaenang polusi udara. Yening masan ujan bales pasti sing ade ane lakar nyerap yeh ujane tur bisa ngranaang banjir. Yen sakadi mangkin mula wantah pariwisata ane dadi daya tarik gumi Baline, ento mawinan rame pesan turis-turis luar negeri lan domestik ane teka ke Bali lakar malali. Sangkan jani begeh ada tongos-tongos panginapan miwah restoran ane lakar kakunjungin turis-turise. Ene bisa ngranaang carik-carik sisin margane kakalahang sawireh lakar mabangunin. Pembangunan masi sepatutne nguratiang lingkungane. Sepatutne alam Baline tetep lestari, sakadi carik-carik sisin margane apang tetep wenten, apang seimbang ekosistem gumi Baline. Harapan tyange kedepan mangda seimbang pariwisata lan alam baline, apang iraga krama Bali lan turis-turis ane teka ke Bali nu ngidayang ngenikmatin pemandangan alam sane asri tur gumi Bali tusing usak lan tetep lestari. Dumogi gumi Baline setata kaloktah ke dura negara antuk keasrian jagat, budaya lan daya tarik pariwisatannyane.
Enable comment auto-refresher