Potensi Desa Kutuh: Pantai Pandawa

Desa Kutuh inggih punika desa sane magenah ring Kecamatan Kuta Selatan, Kabupaten Badung. Kesarengin antuk keindahan alam miwah kaajegan budayanyane sane mawinan desa puniki madue akeh potensi wisata sekadi wisata bahari, wisata budaya miwah wisata alam. Sinalih tunggil potensi ring Desa Kutuh sane madue pesona alam sane arsi tur ngulangunin manah inggih punika Pantai Pandawa. Pantai punika medue hamparan pasisi bias putih lan ombak sane tenang kesarengin antuk toya ening sane mawinan turis prasida maplesiran ring pasisi pantai kesarengin ampehang selisir angin sane ngaryanang gargita manah turise ring pantai. Ciri khas budaya sane wenten ring obyek wisata Pantai Pandawa puniki inggih punika kawentenan patung pewayangan Pandawa sane wenten ring tebing batu kapur. Nanging . Merasa sungsut manahe mangenehang, ring pantai Pandawa puniki kantun wenten makueh pikobet sekadi toilet umum sane durung terawat, bale utawi gazebo sane sampun tatas rusak miwah wenten makudang-kudang toko sane durung layak kanggen maadolan ring wewidangan pantai Purnama. Duaning asapunika, tunas titiang majeng ring para guru wisesa inggih punika pemerintah mangda prasida nyarengin midabdabin pikobet puniki antuk kawentenan kebijakan, minakadi nyarengin ngwangun penataan toko-toko sane nenten layak ring wewidangan pantai, ngebecikang kawentenan fasilitas umum minakadi toilet, wastafel miwah bale utawi gazebo, midabdabin pembangunan fasilitas sane durung rampung duaning fasiltas puniki dados panunjang minat daya tarik wisata sane jagi ka pantai Pandawa. Dumogi sang guru wisesa utawi pemerintah prasida ngaryanin kebijakan sane prasida ngawerdiang potensi desa mangda potensi desa puniki prasida kawigunaang olih masyarakat desa Kutuh mantuka ring ngwangun masyarakat sane gemah ripah lohjinawi, kerta raharja.

In Indonesian

⏤