Kabaosang siklus idup dadi manusa sane nenten prasida kepegatang wantah suka ,duka, lara, pati. Suka artine bagia,duka wantah rasa sedih, lara artine kasengsaran,pati artine mati. Suka ,duka, lara ,pati punika wantah bekel idup I manusa. Besik bekel I manusa ngaenang bagia, bekel sane buin tetelu ngaenang sengsara. Ida Bhatara micayang iraga bekel suka napi malih dados pajabat apanga bisa nyalanang swadharma sane kadasarin antuk ajah ajahan agama. Bekel duka - lara apanga iraga tusing sanget kaiket rasa bagia sane ada di gumine. Bekel pati apanga iraga setata inget sami ane idup di gumine sinah sampun pamuputne mati. Malajah apanga tusing kaliwat bagia ritatkala manggihin suka, santukan punika prasida ngawinang benyah ring gumine. Bagia sane kapanggih anggen tulus ngawantu anak tiosan.
Enable comment auto-refresher