Sang Hyang Baruna Duka

Title: Sang Hyang Baruna Duka
Photo Credit/Source: Intan
Artist / contributor: Intan_MAHASABA
Genre: -
Related Place
Organization/school

Anonymous user #1

21 months ago

Votes 0 You

Yening maosang indik segarane, nenten je pemimpin manten sane patut ngupapira daging jagate minakadi segara, nanging iraga sareng sami patut nyikiang pikayunan antuk eling ring kawentenan lan kawigunan segarane ring krama baline. Silih sinunggil daging jagate sane uningayang tityang indik kawigunan segarane, inggih punika Asiki: segarane prasida pacang nguwah iklim Kalih: segarane prasida ngewantu parindikan ekonomi pariwisata baline Tiga: pinaka wit utawi sumber pembangkit tenaga listrik Papat: genah nglimurang manah Lima: ring sajeroning krama Bali sane magama Hindu, segara punika wantah mapaiketan pisan ring upacara agamane. Kadi asapunika akeh kawigunan segarane majeng ring kauripan iragane, punika mahawinan sampunang malih sumandang saya pacang ngelestariang segarane. Maosang ngelestariang segarane, iraga ring Bali wenten kekalih tata cara ngelestariang segarane, inggih punika sida kemargiang ring niskala lan sekala. Yening ring niskala tata cara ngelestariang segara wantah ngemargiang upacara upakara yadnya suci, ring wewidangan segarane, nenten wenten lian matetujon mangda segarane setata suci tur setata ngicenin aura positif ring krama bali sareng sami Sane mangkin yening ring sekala, sampunang pisan ngutang luu ring tukade duaning janten pacang anyud ngantos ke pasih, punika taler mangda nandur taru prapat ring pasisi segarane Wenten makudang kawigunan taru prapate punika, luire; kaanggen umah sarwa sato segarane, minakadi, ulam, yuyu, udang miwah sane siosan, taler mangda nenten ngawetuang abrasi ring pasisi segarane. Duaning asapunika mabuat pisan kawigunan segarane ring kahuripanne, ngiring sareng sami ngaremba mautsaha mangdane sida segara lan pasisine lestari. Ngiring kawitin saking angga soang soang, medalang rasa tresna asih ring kawentenan segara lan pasisine, yening sampun wenten rasa tresna mejanten sampun pacang wenten rasa nruenang wastu manahe lega pacang nyagra

segarane mangdane lestari.

Permalink | Reply

What values do you want the government to learn from your choice of Ogoh-ogoh?

In English

—

In Balinese

Ring masane mangkin manusane sampun lali ring kawentenan alam sane mangkin sane sampun usak santukan parilaksanannyane. Ngenahang sampah ring segarane wantah parilaksana sane nenten prasida kaicalang sane ngawinang Sang Hyang Baruna duka. Sang Hyang Baruna inggih punika penjaga segarane ring agama Hindu. Pinaka manusa iraga patut uning indik kawigunan nglestariang alam lan pemerintah patut ngamargiang kebijakan mangda nenten ngelimur luu sane nenten becik nanging patut nyarengin nglestariang toya segarane sane kedas mangda prasida dados conto sane becik majeng masyarakat.

In Indonesian

Pada jaman sekarang manusia mulai lupa dengan keadaan alam saat ini yang sedang terpuruk karena tingkah lakunya. Membuang sampah ke laut merupakan kebiasaan kita yang tidak bisa dipungkiri akan membuat Sang Hyang Baruna marah yang dimana Sang Hyang Baruna merupakan penjaga laut dalam agama hindu, dimana laut bukanlah tempat yang tepat untuk membuang sampah. Sebagai manusia kita harus sadar akan pentingnya menjaga alam dan seharusnya pemerintah menerapkan kebijakan agar tidak membuang sampah sembarangan tetapi harus ikut serta menjaga kebersihan air laut agar bisa menjadi contoh yang baik bagi masyrakat