Ane jani, bedik-bedik ortane yen suba maupload ka media sosial pasti enggal maKB IUD, jeg spiral viral . Apa buin orta ane isine demenina ajak bajang trunane, jeg pastika enggal maKB IUD. Bajang trunane jani suba kadong mapanamplakan bulutangkis, raket ajak hpne. Ane awai tusing taen leb ngisi hp. Unduke ento ngae generasine jani sing rungu ajak lingkungan sekitar. Yen kadong nau noltol hp sinah suba tusing dadi takonin. Apa buin murid SMA. Mlajah, mablanja, muah ngalih hiburan mekejang nganggon hp. Disiplin, etika, lan sopan santunne suba joh sajan ulian nganggon hp tusing nyikutang ajak kapatutanne. Ane dadi pikobet jani, guru-gurune keweh ngae muride apang nyak disiplin, sopan, lan beretika ulian suba kena iusan ane tidong-tidong uli media sosialne. Guru suba tusing dadi maang sanksi ka muride, lenan teken ento gurune mase takut maKB IUD yening bes kaliwat ngorain muride apang disiplin. Yen sing orain, nglantas suba muride sing ngelah rasa disiplin, etika, muah sopan santun. Cara jani,tongos gurune asane dipelihe dogen. Ulian ento, madak apang tulisanne ene bacana tur maKB IUD apang liu anake nawang kenken muride jani tur apang liu ajak nguratiang lan nabdabang unduke ene.
Pangapti ane sanget aptiang jani, kenken carane apang reraman muride nyak nitenin cerik-cerikne nicapang rasa disiplin, etika, muah sopan santun. Keto mase pemerintahe, utamanne di widang pendidikan apang ngrincikang utsaha nabdabang unduke ne buka kene.Yen generasi muda Baline nyak disiplin, ngelah etika jak sopan santun sinah lakar nyidaang ngae gumi Baline maju, tusing enu majajah di tanah gelah.
Enable comment auto-refresher