Minabang titiang, pakeweh sane pinih mabuat katepasin olih para calon pemimpin Bali inggih punika ngamecikang tata kelola pariwisata Bali. Nincapang miwah ngamecikang tata kelola pariwisata ring Bali prasida ngirangang pakeweh minakadi parisolah para turise, ekonomi sane nenten rata miwah macet santukan infrastruktur sane durung jangkep.
Mangkin Pariwisata Bali sampun sayan ngamecikang. Akeh para wisatawan dura negara sane sampun rauh ka bali. ekonomi ring Bali nyansan mecikang, utaminnyane ring wewidangan utawi daerah pariwisata. Sakewanten, saking pikobet punika medal pikobet indik ekonomi ring wewidangan pariwisata sareng sane nenten wewidangan pariwisata nenten pateh utawi rata. Nincapang miwah ngamecikang tata kelola pariwisata ring Bali patut kemargiang. Minakadi, antuk ngicenin wantuan ring genah sane nenten genah pariwisata mangda nglimbakang potensi ekonomi ring sektor pariwisata taler sektor tiosan, mangda ekonomi ring soang-soang wewidangan utawi daerah ring bali sayan rata.
Lianan punika, nincapnyane akeh wisatawan ka Bali makta makudang-kudang dampak positif taler negatif. Nanging, nenten samian wisatawan maparilaksana becik ritatkala malancaran ka Bali. ring media sosial akeh wenten informasi parilaksana negatif saking para wisatawan, napike punika negakin motor ugal-ugalan, mabuk, ngamuk, maperang, miwah sane lianan. Kemacetan akeh mamargi ring wewidangan pariwisata sangkaning nincapnyane kawentenan kendaraan silih tunggilnyane rental motor olih wisatawan miwah Infrastruktur sane durung jangkep.
Pakeweh - pakeweh ring ajeng mapaiketan sareng tata kelola pariwisata sane patut katincapang miwah kabecikang. Pakeweh puniki jagi katepasin olih pamimpin sane jagi mimpin Bali.
Enable comment auto-refresher