Kite Business Grows Creative Economy Amid the Covid-19 Pandemic

Title (Other local language)

Photograph by

Author(s)

Ni Made Yuni Suarsini_PBSADenpasar

Reference for photograph

Subject(s)

Reference

Related Places

Badung

Event

Related scholarly work

Reference

Competition

Gunakaya

Enable comment auto-refresher

Adi ari

42 months ago

Votes 301

Nggih minab manut ring penampen titiang, bisnis ngadol layangan puniki patut tur becik pisan, apa buin mangkin ring Bali sampun mamargi musim layangan, mangkin akeh alit-alite, anak truna kantos anak sane sampun kelih utawi tua (sampun makurenan) mangkin seneng malayangan. Santukan kasenengan malayangan puniki tan prasida ngibur manah dewek puniki, ngalih liang mangdane iraga nenten gelis stress di masan pandemi puniki. Saluire punika, tradisi malayangan rin Bali mangda nenten gelis punah, mangda setata wenten rare angon pinaka ngelestariang tradisi malayangan ring Bali. Tiosan punika, yening cingakin titiang, layangan celepuk airbrush sane kameledin olih para rare angonne punika mula patut pisan, yening akeh anake sane prasida ngaryain utawi ngias layangan antuk airbrush ngaggen ukiran-ukiran Bali sakadi gambar barong miwah sane lianan, pastika budaya ukiran khas Bali punika pacang setata ajeg lan prasida pinaka daya tarik wisata turis-turis manca negara.

Nggih wantah asapunika penampen titiang, bisnis ngadol layangan puniki dahat nincapang ekonomi kreatif di masan pandemi Covid-19 sane mangkin. Dumogi akeh para yowana utawi krama Baline sane meled ring bisnis puniki.

Permalink | Reply

Adi ari

42 months ago

Votes 301

Ampura tiang kirang akedik nulis kruna "wantah", maksud titiange ring komentar ring ajeng, malayangan punika tan wantah prasida ngibur manah deweke puniki, prasida malih anggen ngalih liang mangda nenten gelis stress di masan pandemi Covid-19 puniki. Akeh kramane sane stress mangkin, santukan nenten makarya mawinan nenten madue jinah. Antuk punika malayangan prasida ngilangan stress miwah yening iraga bisnis ngadol layangan, iraga prasida ngamolihang jinah anggen ngisinin kebutuhan sewai-wai di masan pandemi Covid-19 puniki. Nggih suksma🙏

Permalink

Description

In English

⏤

In Balinese

Pandemi Covid-19 maimbas ageng majeng ring mendahan widang kahuripan, silih tunggil ipun ring widang perekonomian khususnyane ring Bali sane magantung tekening sektor pariwisata. Antuk punika, kaperluang widang tiosan sane prasida ngawangun perekonomian ring Bali. Silih tunggil ipun inggih punika utsaha layangan. Utsaha layangan puniki bisnis sane rumaket teken kasenengan krama. Yadiapin layangan punika nenten kebutuhan sane pinih utama anggen manusa, nanging kebutuhan indik layangan punika kari dahat ageng. Nenten akeh malih anake sane nyediayang utawi prasida ngisinin indik kebutuhan layangan punika. Pandemi Covid-19 sane mangkin puniki ngawinan makasami kramane patut meneng ring jero soang-soang, duaning punika ngawinan akeh kramane makayunan miwah madue galah anggen malayangan. Punika ngicenin peluang majeng ring sang sane utsaha layangan, mawinan layangan punika akeh kameledin. Nenten wantah alit-alite manten sane seneng malayangan, anake sane sampun kelih akeh sane sareng malayangan. Pinunas indik layangan sane nincap utawi akeh, ngawinan kawangunnyane ekonomi kreatif di masan pandemine mangkin. Silih tunggil soroh layangan sane akeh kakayunin inggih punika layangan celepuk airbrush. Ri sajeroning ngaryanin layangan airbrush punika, anake patut madue jiwa seni anggen ngambar utawi ngiasin layangan punika. Pinunas indik yasa puniki tegep akeh, santukan tiosan madue keindahan miwah keunikan, ring layangan airbrush puniki taler prasida kadagingin wasta sang sane madue layangan punika utawi wasta sane lianan sane kakayunin olih sang sane madue layangan punika, nika mawinan prasida akeh anake sane meledin layangan airbrush punika. Kecanggihan teknologi sane mangkin, ngelahang sang sane utsaha layangan punika antuk ngamasarin produknyane nganggen media sosial sakadi Instagram, Facebook, miwah sane lianan. Rata-rata arga layangan airbrush puniki kantos Rp. 200.000 per meternyane. Nika mawinan bisnis ngadol layangan airbrush puniki prasida ngicenin penghasilan tambahan utamanipun majeng ring krama Bali sane keni imbas Covid-19. Utsaha layangan sajabaning nincapang perekonomian ring Bali, taler pinaka ngrajegang budaya lan tradisi malayangan ring Bali mangda nenten punah.

In Indonesian

Pandemi Covid-19 berdampak besar terhadap berbagai bidang kehidupan, salah satunya yaitu pada bidang perekonomian khususnya di Bali yang bergantung terhadap sektor pariwisata. Untuk itu, maka diperlukannya bidang lain yang dapat membangun perekonomian di Bali. Salah satunya yakni dengan usaha layang-layang. Usaha layangan merupakan sebuah bisnis yang dekat dengan hobi masyarakat. Meski layang-layang bukan kebutuhan pokok manusia namun kebutuhan akan layang-layang masih sangat besar. Tidak begitu banyak pula orang atau pihak yang menyediakan atau bisa memenuhi kebutuhan layang-layang.

Pandemi Covid-19 yang terjadi saat ini mengharuskan masyarakat diam di rumah, sehingga membuat lebih banyak orang tertarik dan memiliki waktu bermain layangan. Hal ini tentunya mampu memberikan angin segar bagi pembuat dan penjual layangan karena permintaan meningkat drastis. Tidak hanya anak-anak saja yang banyak memainkan layang-layang. Orang dewasa pun kini tidak sedikit yang ikut bermain layang-layang. Permintaan layang-layang yang semakin meningkat, membuat terbentuknya ekonomi kreatif di masa pandemi saat ini. Salah satu jenis layang-layang yang banyak diminati yaitu layangan celepuk (burung hantu) airbrush. Untuk membuat layangan airbrush, seseorang harus memiliki jiwa seni untuk menggambar atau menghias layangan tersebut.

Permintaan terhadap jasa ini cukup banyak, dikarenakan selain memiliki keindahan dan keunikannya tersendiri, layangan dengan airbrush juga dapat disisipkan nama dari pemilik layangan tersebut atau nama lainnya yang ingin pemilik cantumkan pada layangannya sehingga dapat menarik perhatian para pecinta layang-layang. Dengan kecanggihan teknologi saat ini memudahkan para penjual untuk memasarkan produknya dengan memanfaatkan media sosial seperti Instagram, Facebook, dan lainnya. Rata-rata harga layangan air brush mencapai Rp 200.000 per meternya. Sehingga bisnis ini tentunya mampu menjadi penghasilan tambahann terutama bagi yang terdampak Covid-19. Usaha layang-layang selain untuk menumbuhkan perekonomian di Bali, juga untuk melestarikan budaya dan tradisi bermain layangan di Bali agar tidak punah.