Basa lan sastra Bali penting majeng ring Krama Baline sareng sami krana nika warisan leluhur iraga. Taen keh iranga ngrasayang yening basa lan sastra Bali sampun mulai katinggalin olih krama Baline sami, krana kramane nganggep nika nenten je penting. Nanging sujatine basa lan sastra NE nika ciri khas sane patut lestariang mangda nenten punah. Basa Bali sampun mulai katinggalin olih alit e mangkin krana kaanggep nika sampun kuno, alit e mangkin akeh sane nganggen basa Indonesia rikala ngraos sareng anak lian katimbang nganggen basa Bali. Semalihe wenten sane nenten bisa berbasa Bali. Lianan kenten sastra Bali utawi aksara Bali taler sampun mulai katinggalin krana penggunaannyane tuah minakadi wastan pura, wastan sekolah, kekawin, mantra miwah sane lianan. Nanging Samian nika sampun wenten terjemahannyane, kramane wantah mace terjemahannyane nenten perlu ngwacen aksara Baline. Aksara Bali taler kaanggen ritatkala melajah bahasa Bali ring sekolah, nanging nenten akidik sisia kari durung uning aksara Bali. Lan kari akeh siswa ring Bali sane nenten bise ngwacen aksara Bali Mangkin sampun wenten program pemerintah anggen ngasriang basa lan sastra Baline saking bulan bahasa Bali sane kalaksanayang ring bulan Februari. Nanging nenten sami sisia sane sareng ngamiletin lomba krana Ipun ngaku akeh sane nenten prasida berbasa bali, nulis lan mace nganggen aksara Bali minakadi sane kalombaang. Mangda sareng sami sisia ring sekolah bisa mabasa lan sastra Bali sane becik, sepetutnyane pemerintah prasida ngamargiang pelatihan ring sekolah sane ngelibatang makasami sisia sane wenten ring sekolah.
Enable comment auto-refresher