Tuni tiang bangun semengan, mara bangun saget suba tiang nepukin adik tiang maplalian HP mabalih YouTube. Adik tiang mara umur 2 tahun suba dueg sajan nganggo HP, nawang ane ken tombol kembali, tombol matiang lan ngidupin HP. Nolih adik tiang ane kene, inget dadine tiang teken jaman pidan jaman tiang nu cenik. Pidan dugas tiang cenik, nu jaman anake nganggo plalian tradisional. Sabilang jam istirahat di sekolah tiang ajak timpal - timpal sane lenan maplalian engkeb - engkeban. Teka uli masuk tiang aliha ajak timpal - timpal tiange lakar ajaka maplalian. Tiang ajak timpal - timpal ane lenan demen pesan maplalian guli. Ada masih timpal tiang sane muani demen pesan maplalian tajog. Yen jani jamane suba malianan, jaman jani tusing ada anak cenik sane nganggo plalian tradisional. Jani jamane suba pada liu ane nganggo HP. Reramane jaman jani tusing mikir kenken dadine yening anak cenik nganggo HP, tetujone apang panakne tusing ngeling lan apang panakne degeng, apang reramane ngidang nyemak gae ane lenan. Tiang maan maca berita sujatine anak cenik tusing luung baang nganggo HP krane ngidang ngae penyingakanne sakit. Tiang dot pesan plalian tradisional Baline apang setata kalestariang apang ten ngancan ical ulian kawentenan Hp ne.
Enable comment auto-refresher