Pulau Bali punika kadadosang daerah tetujon wisata olih pemerintah Republik Indonesia. Puniki kamulan manut pisan, saantukan kabecikan miwah keasrian pulau Baline sampun kaloktah kantos ka dura negara. Kepariwisataan Baline inggih punika kepariwisataan sane kadasarin antuk kebudayaan Bali sane kajiwaian antuk ajaran agama Hindu miwah kamargiang malarapan Tri Hita Karana. Sane pinih mabuat ring pariwisata Bali utamanipun kebudayaan miwah sarana pariwisata, ngeninin indik punika ring sarana pariwisata minakadi akomodasi, restauran, transportasi mangda pungkuran malih katincapang duaning karasayang sampun jangkep pisan. Pinih utama sane patut kauratiang miwah katincapang inggih punika kebudayaan minakadi adat istiadat, busana adat, kesenian miwah sane tioasan. Duaning para tamiu sane rauh ka Bali kapertama jagi ngrereh, nyingakin miwah ngrasayang kebudayaan, kaping kalih wau sarana pariwisata. Punika mawinan iraga sareng sami patut mangayubagia majeng ring Ida Sang Hyang Widhi Wasa, sareng sami patut rumasa bagia manados yowana miwah parajana Bali. Sajaba punika, iraga patut sayaga ngupapira sareng nglimbakang saha ngawerdiang saluir kebudayaan druene. Tetujonnyane mangda sayan lami prasida sayan becik, sayan nincap, tur sayan nudut kayun.
Enable comment auto-refresher