Summary
In English
In Balinese
Kacrita di alase, ada buron madan I Kancil. Ia mabikas jele. Demen melog-melog timpal, wireh ento ia tusing ngelah timpal. Sadina-dina ia tuah padidi ngitarin alase, ngalih amah-amahan, ngalih yeh di tlagane, lan gae sane lenan. I Kancil plaibne becat, wireh ento ia marasa paing ririh di alase ento. Di alase ento masi ada buron ane matungkalikan bikasne ajak I Kancil. Ia madan I Siput. I Siput buron cenik nanging dueg miwah demen nulungin timpal. Ia liu ngelah timpal, uli semut kanti buaya, makejang matimpal ajaka I Siput, makrana bikasne ane demen nulungin buron sane lenan. Sedek dina anu, I Siput ajak timpal-timpalne majalan mulih ngliwatin tlaga. Di tlagane ento masi ada I Kancil sedeng nginem yeh tlagane. I Kancil marasa iri teken I Siput ane liu ngelah timpal. Ih, ape luungne I Siput Pajalane alon sakadi anak tua, awakne cenik cara buron sing taen ngamah, keto ia makeneh. I Kancil lantas maekin I Siput miwah timpal-timpalne. Ditu ia ngorahang lakar malomba teken I Siput. I Kancil nangtangin I Siput mlaib ngitarin alase. I Kancil mapikeneh, lamun ia dadi ane paling becat ngitarin alas, ia lakar liu ngelah timpal cara I Siput. I Kancil makeneh pasti menang sawireh Siput tusing bisa mlaib. Nanging I Siput suba nawang tekening bikasne I Kancil. Lantas ngaukin timpal-timpalne. Pulpulina makejang siput-siput uling alase. I Siput ngarahang apanga siput-sipute mabaris di sisin tlagane, yening I Kancil ngaukin I Siput. Siput ane malunan masaut. Gelisang satua, dinane jani I Siput lakar masaing ajaka I Kancil ngitarin alase. I Siput teken I Kancil suba masiap di malun alase. Lantas pada mlaib ka tengah alase. Di sisin tlagane majerjer sipute liu pesan. Nanging sawireh I Kancil plaibne becat, ia tusing nepukin sipute liu di sisin tlagane. I Kancil lantas ngaukin I Siput, Siput dija caine I Siput masaut. Icang dini di malun caine. Enggalang dik Kancil. Monto dogen kasaktianne Kancil ane orahanga plaibne paling becat I Kancil makesiab, lantas ia mlaib kanti ulung, batisne matatu kanti tusing bisa mlaib. Ditu I Siput lantas nyalip I Kancil. Makejang burone masuryak satekedne I Siput. I Kancil ngeling, Beh, sing payu menang, tusing masi makatang timpal . I Kancil maselselan, nawang dewekne kalah teken I Siput ane plaibne sakadi nak tua miwah sakadi buron sing taen ngamah. Nanging I Siput bisa ngalahin I Kancil ban kaduegan.
In Indonesian
Enable comment auto-refresher