Ane banget rasayang tiang indik kebijakan pamerintah indik COVID19 wantah di kala PPKM darurat ane jani terus nglantangang. Tusing tawang suba kanti buin pidan kaden PPKM ene lakar majalan tur kanti jilid kuda kaden. Nanging yen baca-baca tiang di media, tur ningeh masi satuan timpale di daerah ane lenan, anak gawat sajan kone ditu, utamane di Jawa Jakarta . Sabilang jam ada dogen kone anak mati. Yen di tongos tiang astungkara tusing ja ada ane buka keto dumadak ja tusing ada.
Nah, ane dadi sorotang tiang indik PPKM ene, rasane PPKM ene tuah mengubah jalur lalu lintas dogen, tusing nyetop. Jani yen tiang majalan nuju ka peken, utawi motokopi, utawi ka toko buku musti liwat jalur stopan PPKM. Kadang-kadang jalur stopan ento tusing majaga. Pas semeng-semeng dogen penjagaane ketat sajan kanti macet lantang. Yen suba sanja utawi peteng, jeg suung. Mobile utawi montore makejang nyidang liwat kewala cara sirkuit dogen abedik, musti liwat jalur lenan malu. Buin di tengah jalane ada pembatas ane-barak-barak ento.
Manut tiang, kadi apa ane maan baca tiang di media sosial tur di portal-portal berita, masyarakat Indonesia sujatine enu ngelah literasi ane rendah. Artine, liu enu masyarakate tusing peduli teken ane maadan baya tur sengkala yadiastun liu suba anake ane muktiang kena COVID laut mati. Lianan teken ento, masyarakat Indonesiane anak liunan golongan menengah tur di sor bawah . Dadine, tusing maan anake ngrunguin literasi, ane penting tuah apa ane dadi daar buin mani. Ada masi kramane ane mapepineh mupulang pipis liu tur telahanga buka jani. Dadine, ia tusing ngelah tabungan. Ia nuutin pola idup mewah, pang ngenah sugih nanging liu utang tur bedik tabungane. Dadine, di masan-masan pandemic buka kene, iapaling tusing ngelah tabungan.
Pamerintah masi keto. Di sedek gumine luung, gemah ripah, ingetang nabung. Apang ada bekelang nuju masan sukeh. Seharusne pamerintah ngemaang contoh rakyatne kenken ngelola pipis. Mara dadi provinsi sugih, jeg cara bebotoh ngutang pipis buka meju ampurayang . Ane tidong-ditong bakat biayain. Ane tusing penting-penting bakat dadiang prioritas. Ento maadan mental bebotoh. Jani gumi buka kene, mara nyesel telah kas pamerintahe. Bantuan sosial kone jeg tusing teka-teka pedalem anake ane tusing ngelah apa.
Tiang boya ja mengkritik pamerintah, tur boya ja keras. Tiang anak rakyat ane tusing nawang apa Nah solusi tiange, kadung gumine suba dadi buka kene, jani jalan ajak makejang mulat sarira yen teka buin gemah ripah gumine, ingetang nabung, ingetang matur suksma ring Hyang Widhi. Eda kutang-kutanga pipise.
Enable comment auto-refresher