Pariwisata Bali Metangi Antuk Sport Tourism

Affiliation

Regency/City

-

Author(s)

Category

-

Year

Photo Credit/Source

Putu Arista Darma Yasa

Video Credit/Source

Putu Arista Darma Yasa_Politeknik Negeri Bali

School/Org (if applicable)

Location

Br. Biaung Kaja, Desa Biaung, Kec. Penebel, Kab. Tabanan
The place does not exists yet in wiki, click to create it

Enable comment auto-refresher

Saraswati Rahayu

34 months ago

Votes 0

Becik pisan ide puniki. Pariwisata Olah Raga dados jalaran anggen nangiang pariwisata ring Bali. Yening iraga manggihin sakada sirkuit Mandalika ring Lombok nika mangkin dados gatra sane sedeng anget. MotoGP sane kalaksanayang ring Lombok ngawinang pemerintah musti ngaryanang genah sirkuit sane anyar anggen malomba. Kawentenan sirkuit sane anyar sane nampek saking pasisi prasida nudut kayun turis saking dura negara. Santukan akeh sane seneng sareng MotoGP turmaning genah sirkuit Mandalika sane ngulangunin kayun puniki sane prasida mromosiang Lombok. Punika mawinan, mangkin sakakidik turise rauh ka Lombok. Kasuen-suen pariwisata Lombok manahang titiang jagi bangkit.

Yening indik sekadi puniki taler kalaksanayang ring Bali, pastika sampun pariwisata Baline jagi matangi kapungkur wekas. Napi mawinan? Santukan akeh pisan anak sane seneng sareng olahraga sekadi badminton, sepak bola, tarung derajat miwah sane lianan. Yening pemerintah baga pariwisata prasida maprakanti sareng pemerintah baga olahraga, mangda ngaryanin lomba ring Bali, pastika sampun akeh anak sane meled nyingakin lomba punika ring Bali. Yening akeh fans-fans saking atlet lomba rauh ka Bali, yakti sampun hotel-hotel prasida maurip malih. Dumogi ja indike puniki katarka tur katimbang malih olih pemerintah.

Permalink | Reply

What should the government do to stimulate and sustain tourism in Bali?

In English

—

In Balinese

Om Swastiastu Gering agung covid-19 ngawinang dampak sane ageng ring kahuripan bangsa Indonesia. Nenten manten ring sektor kesehatan nanging malih ring sektor ekonomi. Nenten sejabaning prvinsi Bali sane sami makasinamian bergantung pisan ring pariwisata ngaranayang aab perekonomian krama Bali ngancan terpuruk. Katutupnyane pintu pariwisata sareng kawentenan Pemberlakuan Pembatasan Kegiatan Masyarakat PPKM ngindikayang strategi kaambil olih pemerintah sane kaaptiang mangda virus covid-19 sida kawatesin. Nanging, strategi punika malih ngawitan dampak negatif minakadi pariwisata dados mati suri. Nika jagi ngranayang tios pelaku pariwisata sane keni Pemutusan Hubungan Kerja PHK . Sekadi asapunika, mangkin pemerintah lan pihak terkait jagi ngupayaning makudang kudang dresta sane matetujon mangda ngewaliang pariwisata Bali. Contohnyane antuk penerapan protokol kesehatan sane ketat ring sarana publik miwah penerapan standar CHSE ring destinasi wisata utawi sarana penunjang destinasi wisata sane tiosan. Turmaning ring rahinane mangkin, jumlah krama Bali sane sampun polih vaksin covid-19 dosis kapertama sawetare 99 lanturan dosis sane kadadue sawetare 90 . Santukan saluir persiapannyane, pariwisata Bali sampun sayaga metangi. Napi sane mangkin kaparluang inggih punika promosi sane nyaritayang keadaan Bali sampun sayaga ring tingkat domestik miwah internasional. Sport Tourism ngaran salah satu strategi sane patut kalaksanayang. Yadiastun pariinndikan sane anyar, pariwisata olahraga polih potensi sane ageng dados titik balik metanginyane pariwisata ring pulau dewata. Tan prasida, acara olahraga polih peminat sane tinggi ring nasional utawi dunia internasional. Santukan sampun akeh acara olahraga sane ageng kaselenggarayang ring Bali sekadi BWF World Tour 2021, BRI Liga 1, Piala Dunia U-20, miwah sane tiosan. Dukungan pemerintah antuk pembenahan infrastruktur lan faslitas terkait punika dados indik utama mangda potensi Bali prasida kemanfaaatang semaksimalnyane. Ring ungkur, sami tatujonnyane antuk metangiang pariwisata lan ekonomi Bali. Om Shanti, Shanti, Shanti Om

In Indonesian

—