Kerukunan Antar Umat Beragama Bangsa Indonesia punika wantah bangsa sane majemuk, Madaging akeh suku, agama lan ras, kemaon kasub antuk negara sane ramah miwah toleran, kacihnayang taler ring kauripan meagama. Kemajemukan agama ring Indonesia sampun saking uni lan yening sandingang sareng negari sane tiosan. Sakemaon, ring warsa sane ungkuran manados wenten pikobet sane nyantenan parilaksana krama Indonesia sane nenten masilih asih. Pari polah sekadi punika nenten wantah mapakardi ring negara Indonesia kemaon, ring dura negara taler pateh. Tresna asih punika wantah pasikian paiketan. Nenten wenten paiketan utawi pasikian nenten medasar antuk kapitresnan. Ring konsep Agama Hindu nyantenan pasikian lan pasebayan taka ring para ngagem agama taler ring para umat, taler ring wewidangan lan pekardin Ida Sang Hyang Widi Wasa wantah mebantang antuk Tri Hita Karana lan Tat Twam Asi. Nyantenang pakuuban pasebayan taka nenten wantah kejantenan kemaon kalaksanayang. Tri Hita Karana lan Tat Twam Asi wantah konsep sane ngardinin karahayuan paiketan manusa sareng Ida Sang Hyang Widi Wasa, Manusa sareng manusa, lan manusa sareng wewidangan. Tri HIta Karana luiripun Parhyangan, Pawongan, lan Palemahan. Yening Tat Twam Asi nenten wenten tios wantah Ipun wantah titiang, titiang wantah ipun, lan sarwa meurip sami pateh . Ngemargiang sane kakalih punika sinah ngamolihang kauripan sane selunglung sebayan taka maiketan raket nenten wenten byuta ring jagate.
Enable comment auto-refresher