Bali kaloktah antuk pariwisata bertajuk religi sane kental pesan. Bali sane sampun kaloktah ngantos ka dura negara, pinaka genah sane asri tur lestari, akeh pisan wisatawan sane rauh ke Bali. Kebudayaan Bali pinaka pamikukuh pariwisata Bali umpamine kawentenan adat istiadat, seni miwah tradisi sane kasenengin olih wisatawan sane rauh ke Bali. Nanging iraga nenten ngeh teken panglimbak pariwisatane sane ngusik ring sisi kahuripan masyarakat Bali contonyane nyidang mapengaruh ring alih fungsi lahan makudang-kudang genah sareng pergeseran nilai-nilai budaya. Iraga makasami nawang yening pariwisata kadadosang jantung perekonomian masyarakat Bali, nenten nyidang keles krana pariwisata punika mabuat ring tingkat kesejahteraan masyarakat. Mangda pariwisata majalan nanging nenten ngusik palemahan utawi kahuripan masyarakat silih sinunggil sane becik iraga makasami karyanin inggih punika wisata sane berbasis ekologi utawi palemahan lingkungan dalam bentuk ekowisata. Ipian titiang mangdane Bali tetep ngejaga kalestarian palemahan nanging mresidayang kaanggen dados genah pariwisata utawi wahana rekreasi. Ekowisata puniki masih nyidang kaanggen ngajahin truna truni jani mangda uning teken mengkreatifkan kearifan lokal tanpa ngusak maknanyane. Ekowisata puniki selain ngidang ngaolihang pariwisata nyansan becik, nyidang masi kaanggen menjaga kalestarian palemahan mangda Bali nyansan asri nenten madue polusi. Ekowisata puniki masih nyidang anggen sarana pembelajaran bagi cerik-cerike jani mangda stata ngejaga kabecikan palemahan, nenten ngutang luu sembarangan, stata sayang tekenin alam. Ekowisata kadadosang media edukasi, media ekonomi sareng pariwisata miwah media pengembangan lan pelestarian budaya utawi kearifan lokal, mangda ekowisata puniki nyansan berkembang lan akeh kawentenannyane ring makudang-kudang genah ring Bali.
Enable comment auto-refresher