Pulo Bali sampun kaloktah English famous Indonesian termasyhhur ring dura negara kasambat Pulo Dewata utawi Pulo Surga sangkaning antuk taksunyane. Taksu puniki kapolih ring tata susila sane sampun rumaket santukan pasawitran para janane ring Bali. Krama ring Bali nenten kawangun antuk umat Hindu kemanten, nanging Pulo Baline kadingin olih krama sane mabinayan minakadi ras, agama, miwah sane lianan. Nike mawinan Pulo Bali taler kaloktah pulo sane ramah lan lestari. Pinaka akah taksu ring Pulo Bali puniki, kasurat ring Chandhogya Upanishad VI.8.7 katulis Maha Vakya Tat Twam Asi. Selanturnyane, taksu sane kaambil saking konsep Tat Twam Asi puniki sane dados cihna lan piteket pasawitran krama Bali setata rumaket tur rukun.
Tat Twam Asi maarti tiang pinaka ipun, ipun pinaka tiang sane dados piranti ngalaksanayang toleransi umat para janane ring Pulo Bali. Pinaka dasar sane kaanggen ngreketang pasawitran para janane ring Bali nyalanang arti Tat Twam Asi puniki. Wenten akeh conto parilaksana sane maciri Tat Twam Asi sane kaanggen ngajegang mangdane gumi Baline setata ajeg tur rukun menyame. Adat lan tradisi sane makueh akeh ring Bali minakadi tradisi Nyepi, Idul Fitri, Imlek, Natal, lan sane lianan kalakasanayang pinih melah tur becik ring Bali. Conto lianan ritatkala umat Hindu sedharma ngalaksanayang Catur Brata Penyepian, umat sane lianan trepti tur hormat.
Piranti Tat Twam Asi puniki ngicenin para yowanane gagiras tresna nyama ring salampah lakune. Sinamian kaukur pateh dados semeton ring Bali. Napi malih ring jaman globalisasine mangkin, yadiastun kecanggihan teknologi dan informasi sampun kalintang ngancan ngelisan, nanging para yowanane ring Bali stata eling ring taksu ipun nyalanang dharma Tat Twam Asi. Konsep puniki ngajahin iraga mangdane stata ngalaksanayang dharma tur ngulurin parilaksana sane prasida madurgama. Sampun sepatutnyane iraga stata saling tulung, asah asih asuh, lan tepa slira nenten nyingak asal usul, suku, ras, miwah agama.
Enable comment auto-refresher