Bali pinaka pulo sane terkenal antuk keindahan alam wisatanyane. Akeh turis-turis demen melali ka Bali, marerod negak di pasihe ngalih ai. Ento ngranayang Baline idup ulian pariwisata. Nanging jani rasa sebet di ati sesukat ada virus corona, pariwisata Baline mati. Tusing kerasa pidan akeh anake sombong ngelah jabatan ring hotel, maan gajih liu, ngidang meli kene keto nanging jani makejang anake ngeling sigsigan, keweh ngalih pipis, tusing ngidang buin ngandelin pariwisata anggen ngalih bekel idup santukan makejang hotele suba tutup. Yen i pidan liu anake megae di hotel, yen jani li anake megae di sisin hotel di pasih . Liu anake marerod di pasihe ngalih be lakar adepa ka peken. Ulian mancing ngidang ngemaang solusi anggen ngalih bekel idup ring masan pandemi, be pancingane ngidang adepa ke peken krana makejang anake perlu be anggon sawai-wai. Di samping ento, mancing masih ngidaang anggen hiburan apang tusing stres ngenehang corona ane tusing ilang-ilang, melali ke pasih maan, mancing sambil ngalih be ngidang, kenehe liang lan sebete ilang.
Enable comment auto-refresher