Sire sane ngewangiang? Napi sane ngajegang? Bali, maurip seni lan budaya. Patut pisan pitaken miwah baos-ucapane punika katureksain sareng-sareng. Sire lan napi sane pacang nglestariang seni lan budaya Bali puniki. Suksmannyane Bali inggih punika pulau alit nanging prasida dados pusat pariwisata sane madasar antuk seni lan budaya sane adiluhung sane kawarisin antuk leluhur. Pitaken inggih punika, sira lan sapunapi seni miwah budaya puniki prasida kalestariang ring tengahing panglimbak teknologi sane canggih puniki?
Yening iraga maosang indik sira, pastika iraga prasida nyaurin mungguing para yowana Bali punika sane patut nglanturang seni lan budaya sane wenten ring pulau Bali. Raris sapunapi? Antuk panglimbak teknologi sane sayan nincap, iraga patut dados anak sane wicaksana sajeroning ngawigunayang teknologi. Conto nyane inggih punika ngangge teknologi pinaka platform ring berkesenian. Tiosan ring makarya seni, teknologi taler prasida kaangg n antuk ngedum seni mangda seni miwah budaya Bali sayan kasub ring sajebag jagat. Iraga uning indik seni miwah budaya Bali sampun ngicalang pariwisata Bali miwah nguripang para janane ring Pulau Dewata puniki. Duaning punika, sampunang lali indik seni utawi budaya puniki nenten prasida langgeng yening nenten wenten sane meled ngwarisin lan miara.
Enable comment auto-refresher