-

Title (Indonesian)

Perbedaan Sebagai Pemersatu Bangsa

Title (Balines)

PABINAYAN ANGGEN UNTENG NYIKIANG RAGA

Original title language

Balinese

Photo Reference

Fotografer

Photograph credit

Religion or culture

Category

SMA (high school)

Author(s) / Contributor(s)

Gusti Ayu Made Rani Ciptadewi

Institution / School / Organization

SMK Negeri 1 Mas Ubud

Related Places

Enable comment auto-refresher

I Ketut Yoga Pramuditya

22 months ago

Votes 1

Becik puniki, dumogi kerukunan umat beragama sayan nincap lan idup damuh ring gumine🙏

Permalink | Reply

NKjuli

21 months ago

Votes 1

Becik tur patut pisan puniki. Pabinayan agama sane wenten ring jagat puniki sampunang anggene pikobet. Nanging ngiring angge nuldulin rasa mangda sekancan rumaket manyama-braya yadiastun i raga mabinayan agama. Asah, asih, asuh punika kalaksanayang sekadi pangastiti sane munggah ring esai puniki. Dumogi sami rahayu.

Permalink | Reply

Gekdian

21 months ago

Votes 0

Om Swastyastu. Titian pacang ngaturang suksma kaping Basa Bali Wiki santukan sampun ngicenin galah tur media utamanyane anggen para yowane mangdane prasida eling tekening budaya tur tradisi ring Bali. Silih sinunggil tradisi ring Bali inggih punika rasa welas asih saling ngajiang tur tresna nyama sane lintang rumaket pisan. Toleransi sane sampun kabukti ring pulo Bali pinaka cihna iraga smpun ngalaksanayang tat twam asi ring sadina-dina. Sane mangkin, olih Basa Bali Wiki, informasi puniki samun kagencaran santukan iraga prasida tatas uning tur prasida ngelaksanayang napi sane maadan toleransi ring kahuripan. Dumogi mangdane pamiarsa utawi sire sane sampun nyingak esai utawi film sane sampun kasobyayang prasida ngalaksanayang piteket-piteket sane kaicen. Astungkara. Om Santih, Santih, Santih om.

Permalink | Reply

Videos

Description

In English

—

In Balinese

Indonesia kawangun antuk makudang-kudang pulo mawit saking Sabang nyantos ka Merauke sane akeh meduwe keanekaragaman. Silih sinunggil inggih punika pulo Bali. Pulo sane sampun kasub ka dura negara antuk keasrian alamnyane, adat istidatnyane nyantos sane pinih utama punika wantah rasa toleransi sane mabuat pisan ring warga Baline sami.

Ring Bali para janane sami saling asah, asih lan asuh salunglung sabyantaka menyama braya yadiastun mawit saking ras, suku nyantos agama sane pada lian. Indike punika prasida kacingakin ring silih sinunggil wewangunan genah ngaturang bakti saking pabinayan agama ring Indonesia sane magenah ring area Puja Mandala. Drika kawangun Pura anggen umat Hindu, Masjid anggen umat Islam, Gereja anggen umat Kristen, lan Vihara anggen umat Buddha.

Sane mangkin, napi sane patut kalaksananyang mangda jagat Baline setate kukuh lan adung sekadi punika?

Mangda jagat Baline setate rukun, iraga sareng sami patut ngrajegang parilaksana sandya utawi sakadi anake mebaos mangkin bersatu . Mawinan ring kasujatiane yadiastun iraga saling mabinayan keyakinan nanging tetujonnyane wantah asiki inggih punika Ida Sang Hyang Widhi Wasa utawi Tuhan yang Maha Esa. Madasar antuk parilaksana sandya, iraga sampun sepatutnyane saling asah, asih lan asuh sareng semeton sane lianan. Setate eling teken semboyan iraga dados bangsa Indonesia inggih punika, Bhineka tunggal ika , sane maarti yadiastun iraga malianan nanging iraga tetep siki. Santukan pabinayan utawi kenekaragaman punika sane ngranayang iraga rumaket.

Iraga dados yowana Bali sampun sepatutnya sareng-sareng ngeraketang rasa menyama braya sareng sami yadiastun iraga rauh saking wewidangan sane malianan miwah meduwe agama lan keyakinan sane pada lian. Santukan kasujatiannyane pabinayan punika wantah saling nagingin. Pabinayan punika saling ngicenin, miwah pabinayan punika pada nindihin. Sampunang pabinayan punika kaanggen kapiangbeng ring sajeroning iraga ngemargiang swadarma ring gumine, nanging indike sampun sepatutnyane kaanggen sarana sane jagi pacang nyikiang raga.

In Indonesian

—

Property "SummaryTopic ban" (as page type) with input value "Pulo bali, pulo sane kasub antuk keasrian alamnyane, adat istidatnyane nyantos sane pinih utama punika wantah rasa toleransi sane mabuat pisan ring warga Baline sami. Ring Bali para janane sami saling asah, asih lan asuh salunglung sabyantaka menyama braya yadiastun mawit saking ras, suku nyantos agama sane pada lian. Sane mangkin, napi sane patut kalaksananyang mangda jagat Baline setate kukuh lan adung sekadi punika?" contains invalid characters or is incomplete and therefore can cause unexpected results during a query or annotation process.