Matursuksma majeng ring pangenter acara antuk galah sane kapica ring titiang.Sane wangiang titiang para angga panureksa,sane kusumayang titiang Ida dane sareng sami taler pamilwet pacentokan LOMBA ORASI MEBAHASA BALI sane tresna sihin titiang. Sadurung titiang matur amatra pinih riin ngiring sareng-sareng ngastiti bhakti ring Ida Sang Hyang Widhi Wasa, majalaran antuk nguncarang panganjali umat. OM, SWASTYASTU Mogi-mogi sangkaning pasuecan lan asung kertha Wara nugraha Ida, prasida tiang ngiring Ida dane sareng sami ngamangguhang karahayuan lan kerahajengan jagat. Ring genah lan galahe sane becik puniki, lugrayang titiang matur amatra sane mamurda SAMPAH PATUT KATUREKSAIN PEMERINTAH BALI Pamerintah patut digelis nyalanang pikobet puniki antuk kebijakan miwah tindakan konkret. Patut kaedukasiang parajanane indik kawigunan pengelolaan sampah sane bertanggung jawab, taler kaperluang investasi ring infrastruktur daur ulang sane efisien. Tiosan punika, penegakan hukum majeng ring parilaksana pembuangan sampah sane nenten becik patut katincapang. Bali, pinaka tetujon pariwisata san pinih utama, n nten wantah madu swadharma lokal sak wanten taler swadharma global antuk nyaga kelestarian alam. Malarapan antuk utsaha sane dahat mautama saking pamerintah, iraga prasida nyangkepin parajanane, para pengusaha miwah para wisatawan sajeroning utsaha nglestariang kaluihan Pulo Dewata tur ngicenin warisan sane becik majeng ring para generasi sane jagi rauh. Ida dane miwah semeton sami sane banget kusumayang titiang kadi asapunika titiang prasida matur-atur ring galahe sane becik puniki, mogi-mogi wenten pikonipun ring wesananing atur, banget titiang nglungsur geng rena pengampura, wenten atur titiang sane nenten munggan ring arsa. Matur suksma antuk ring uratian ida dane sinamian, pinaka panguntat, puputang titiang antuk parama santih OM, SANTIH, SANTIH, SANTIH, OM
Enable comment auto-refresher