Om Swastyastu,
Sane rumaga angga panureksa sane dahat kusumayang titiang. Para pamilet sami sane wangiang titiang, Punika taler para atiti sareng sami sane tresna asihin titiang.
Sadurung titiang ngawitin matur amatra, ngiring sareng sami nyakupang kara kalih nyihnayang rasa angayubagia majeng ring Ida Sang Hyang Widhi Wasa, duaning sangkaning pasuecan asung kerta wara nugraha Ida, titiang pingkalih ida dane prasida mapupul ring acara sane becik puniki inggih punika Wikithon Partisipasi Publik Bali Berorasi . Ring jagate wenten makudang kudang kebudayaan. Akehnyane kebudayaan punika meduwe ciri khas sane lian lian, ngawit saking tradisi, tata basa, basa sane kaanggen, miwah sane lianan. Ring jagat Bali taler wenten kebudayaan sane sampun ketami saking nguni, sinalih tunggil nangge basa bali sebilang wai. Wenten taler sesuratan-sesuratan unik sane kaanggen ring papan-papan nama sane wenten ring jagat Bali sane ngangge sesuratan Aksara Bali, pinaka kebudayaan sane ketami saking nguni. Nangging ring jagate sekadi mangkin kebudayaan- kebudayaan puniki sampun nenten sane rungu saantukan kocap Aksara Bali punika kuno lan sukar atuk melajahin. Puniki sane ngawinan kebudayaan wekas riwekasan presida kaengsapang lan ilang saking jagate, nika sane ngawinang kebijakan-kebijakan saking pemerintah pinaka guru wisesa presida ngajegang budaya punika
Puniki utsaha-utsaha sane dados kemargiang olih para pemerintah minakadi
Ngemargiang penyuluhan indik basa lan Aksara Bali sane mabuat pisan, pinaka sinalih tunggil kebudayaan ring jagat Bali sane metetujon manda parajana ne uning lan mangda presida ngemargiang sedina dina. Ngemargiang Wimbakara Basa Bali lan nyurat Aksara Bali ring desa desa, taler ngicenin hadiah sane becik mangda parajana ne akeh sane nyarengin. Nadosin bahasa lan aksara bali pinaka sinalih tunggil peplajahan wajib ring sekolah sekolah mangda ne akeh para yowana sane preside ngangge basa lan Aksara Bali Nincapang acara acara ring masyarakat mangda ne sida ngelestariang kebudayaan minakadi Bulan Bahasa Bali, pesta kesenian bali miwah sane lianan pinaka genah ngajegang basa lan aksara bali. Sane pinih untat mangdane ring pura, kantor, sekolah miwah sane liaanan ngangge papan nama sane medaging aksara bali.
Saking pikobet punika titiang ngaptiang majeng ring para pemimpin Bali sane kapilih warsa 2024 mangda tegas lan konsisten, taler prasida ngajegang basa lan Aksara Bali . Mangda mautsaha ngajegang basa lan Aksara Bali manda nenten punah. Ngiring semeton sami sareng jaga gumi Baline tur urati ring kawentenan basa lan Aksara Bali. Mangdane basa lan Aksara Baline pinaka tetamian leluhur saking nguni nenten kaengsapang. Inggih wantah asapunika prasida aturang titiang, kirang langkung titiang nunas ampura tur puputang titiang antuk parama santi. Om Santih, Santih, Santih Om.
Enable comment auto-refresher