Inggih ida dane, ring galah sane becik kadi mangkin, ngiring ngwetuang rasa angayubagia mantuka ring Ida Sang Hyang Parama Kawi, duaning sangkaning pasuecan Ida, prasida titiang masadu ajeng ring kahanan rahayu. Wastan titiang NI KADEK ECA MELANI , Perwakilan saking SMK PGRI 5 DENPASAR .Inggih Ida Dane, ring galah sane becik kadi mangkin, atur pidarta ngenenin indik Pikobet sane pinih mabuat sane jagi kalaksanayang olih pemimpin bali , sane mamurdha: RABIES
Uningke ida dane sareng sami, ring jaman kaliyuga puniki akeh penyungkan sane ngenenin iraga sareng sami. Sinalih tunggil rabies. Rabies inggih punika penyungkan sane mawit saking virus boron minakadi asu, bojog, miwah sane lianan. Penyungkan rabies akeh nglahlah sawireh gugut asu. Rabies nglahlah saking pes asu ipune.
Ida dane sareng sami, penyungkan rabies sampun wenten ring bali duk warsa 1999. Akeh jatma padem sawireh penyungkan puniki. Rabies punika kakepah dados kalih, inggih punika rabies tenang miwah rabies buas . Rabies buas punika medue caciren sekadi asu druene metingkah galak, pes ipunne ngetel raris padem. Rabies tenang madue caciren sekadi seneng mengkeb ring genah sane rau, kejeng-kejeng raris padem. Masa inkubasi penyungkan puniki telu kantos kutus dina. Mangkin sampun wenten 1.200 jatma sane keni panyungkan rabies sane kerawat ring rumah sakit sanglah. Yening sampun keni panyungkan puniki caciren ipun keni panes, sakit kekolongan miwah sane lianan.
Mantuka ring para calon pemimpin puniki pinaka parindikan sane pinihi mabuah pisan inggiang tata cara sane becik mangda baline prasida lempas saking penyungkan rabies. Inggih Ida Dane, wantah kadi asapunika titiang prasida matur-atur, mogi-mogi wenten pikenohnyane. Yening wenten maka kirang-kirang ipun, titiang nunas geng rena sinampura. Puputang titiang antuk Parama Santih. Om santhi santhi santhi om
Enable comment auto-refresher