Akeh krama Bali sane nganut agama Hindu, agama Hindu madue kitab suci sane mawasta veda sane kasurat nganggen aksara devanagari miwah basa Sansekerta. Basa Sansekerta patut kaplajahin olih krama Hindu santukan akeh teks sane nganggen basa puniki Sakadi Weda, Upanisad, Bhagavadgita, sastra yoga,miwah sasuratan-sasuratan kuno tiosan . yening sampun prasida mabasa Sanskerta raris ngwacen Veda, ngwacen Gita, nenten perlu malih nerjemahang. Ring Bali akeh kramane sane nenten uning basa Sanskerta , nanging wenten taler sane sampun malajahin miwah uning basa Sanskerta. Wenten sane maosang basa Sanskerta punika basa dura negara, basa tawah sane ngawinang akidik anak sane kayun malajahin. Nyening rahina Kemis krama Bali patut nganggen busana adat ka pura lan nganggen basa Bali, dumogi wenten rahina sane patut malajahin tur mabasa Sanskerta. yening mani puan wenten krama tiosan sane mataken indik kitab suci Veda Apang nenten buka sasenggakane Buka siape sambehin injin kilang-kileng nenten Nawang napi ,ngiring iraga sareng sami nglestariang budaya iraga antuk malajah basa Sanskerta, Napi malih mangkin teknologi sampun sayan maju sayan aluh iraga malajah basa Sansekerta iraga prasida malajah nganggen piranti seluler sakadi YouTube miwah sane lianan, Wenten taler makudang-kudang yayasan sane ngurukang basa Sanskerta. ring dura negara sampun akeh anake malajah basa Sanskerta, yening nenten iraga sane patut malajahin sire malih , mangda Bali nenten kajajahin olih negara tiosan.
Enable comment auto-refresher