Taksu bali nenten ja kacihnayang manut keseniannyane ke manten sakewanten taler wenten ring kabudayaan busana adatnyane. Endek pinaka bukti warisan leluhur saking abad ka-8, kawentenannyane sane sampun sue nenten ngawinang punah napi malih kalaliang. Indike punika nenten ja tios sangkaning utsaha saking pamerintah sane ngawedar surat gubernur Bali nomor 4 warsa 2021 sane maosang indik kewajiban krama Bali ngangge endek nyabran rahina Anggara lan kabukti program puniki sukses kalaksayanang kantos mangkin.
Tiosan ring punika endek sampun kasub kaloktah ring dura negara sangkaning silih sinunggil merek busana sane kasub. Kalih warsa sane sampun lintang, Dior ngaryaning ipun dados silih sinunggil koleksi Spring Summer ring Paris Fashion 2022.
Raris utsaha pelestarian napi sane prasida kalaksanayang ring iraga pinaka yowana?
Ring gumine mangkin akeh pisan anake sane nginutin trend palestarian mabusana kain batik sane kabaos Berkain . Indike trend puniki ngawigunayang kain dados silih tunggil busana sane becik lan karasayang sakadi tradisional sane modern. Kaluihan puniki prasida kaimba, sakewanten madasar antuk kawicaksanan lokal Bali inggih punika nganggen kain endek. Indike puniki dados kamargiang antuk sajeroning pakaryan sedina-dina, malancaran miwah sane lianan sane ngabuat iraga setata ngendek nanging antuk nuansa sane modern. Selami napi ke kabudayaan punika ajeg, yening iraga sakadi manusa prasida nglimbakang sinah pacang kabudayaan ipun masunar galang.
Enable comment auto-refresher