TOLERANSI
Bali inggih punika wastan Pulau utawi Propinsi ring Indonesia. Bali kawentenane ring negara Indonesia kaapit antuk pulau Jawa miwah Lombok. Pulau Bali kaloktah ring dura negara sangkaning pariwisatanyane sane ngulangunin manah. Akeh para turis malancaran ke Bali duaning lakar nyaksiang kaasrian lan kaluwihan jagat Baline. Akeh wenten agama sane magenah ring Pulau Bali. Nenten agama Hindu manten sane magenah ring Bali, nanging wenten agama sane tiosan, sekadi agama Budha, Kristen, Islam, miwah sane lianan.
Ring Sekolahan sane wenten ring Bali, akeh para sisyane sane nganut Agama Islam, Budha, Kristen, miwah sane lianan. Punika nenten je dados pikobet, nanging akeh para sisya sane matingkah nenten manut sareng semeton sane nganut agama lianan, napi conto tingkah sane nenten manut punika?, conto tingkah sane nenten manut punika, sekadi wenten sane nenten kayun matimpal sareng anak sane nganut agama lianan, wenten sane ngejek - ngejek anak sane meagama lianan. Punika nenten je parilaksana sane dados katulad.
Manut ring ajahan agama Hindu, wenten sane mawasta TRI HITA KARANA , inggih punika tiga cara sane ngaryanin iraga setata bagia, sane lumrah Tri Hita Karana punika, ajah - ajahan sane ngajahin iraga mangda setata nyaga pasawitran sareng semeton sami. Parilaksana ring ajeng nenten je parilaksana sane manut ring ajah - ajahan Tri Hita Karana, nanging parilaksana punika sane ngaryanin iraga merebat lan ngaryanin pasawitran iraga nenten harmonis. Taler wenten sane mawasta TAT TWAM ASI, aku adalah kamu, kamu adalah aku punika mateges iraga dados manusa nenten dados mabina- binayan, iraga sami pateh nenten wenten sane beda, yening wenten timpal sane nganut agama lianan iraga nenten dados matingkah jele utawi MEMBULLY . Ngiring sareng-sareng maparilaksana sane becik tur setata eling ring ajah ajahan agama. Nincapang rasa saling toleransi sareng semeton maka sami. Iraga patut nguningayang ring para semetone mangda setata nincapang rasa toleransi, mangda pasawitran iraga sayan harmonis.
Enable comment auto-refresher