Om swastyastu Tat twam asi inggih punika filsafat sasuluh agama Hindu Sane ngajain indik sosial tanpa wates. Sane mawinan sekadi punika nenten ja sios wantah ring ajahan Tat Twam Asi madaging ajahan sane madue suksman Ia adalah kamu . Manut ajahan punika prasida ngwetuang pamineh makasami saluire maurip madue linggih pateh tur madue jiwatma sane mawit saking brahman. Tat Twam Asi taler madue tatujon ngawetuang pasuka - dukan malarapan sasanti saling asah, asih, asuh paras paros sarpanaya ngulati kahuripan sukerta santi. Ajahan tat twam asi puniki patut kamargiang nenten ja wantah ring sesamen umat agama hindu sakewanten ring sesamen umat agama sane lianan utawi sane kabaos non hindu. Iraga sareng sami prasida ngamargiang ajahan Tat Twam Asi puniki ring kahuripan sarahina minakadi: maparilaksana sane becik manut ajahan agama miwah tata krama sane sampun wenten ring kahuripan maparajana miwah wewidangan soang soang, setata eling ring napi dados swadarman iraga ring kahuripan sarahina, miwah mangdane setata ngutamayang napi sane dados pabuat sareng akeh. Ring panegara Indonesia wenten makudang kudang suku, agama, ras, miwah Bahasa daerah sane janten sinah pacang mabinayan. Iraga patut setata mautsaha ngupapira rasa rumaket ring pasawitrayan utawi rasa masemeton sareng sesamen wangsa Indonesia yadiaston kawentenan iraga wenten matiosan ring sajeroning suku, agama, ras, miwah basa. Patut iraga numbuhang rasa saling asah asih asuh gumanti ngulati kahuripan sukerta santi sesamen wangsa Indonesia antuk nelebang ajahan utawi sasuluh Tat Twam Asi. Cutetnyane ajahan Tat Twam Asi prasida kaanggen sasuluh mangdane iraga prasida ngupapira panegara Indonesia ngulati kahuripan sukerta santi. Inggih wantah asapunika prasida aturang titiang dumogi wenten pikenohnyane, matur suksma antuk galah, saluir kakirangan atur titiang, lugrayang titiang nglunsur agung rena pangampura. Pinaka pamuput atur, titiang ngojarang parama santih. Om Santih, santih, Santih Om..
Enable comment auto-refresher