Desa Kala Covid Abulan ne, bulan juli sasih kasa, keweh gati warga desa ne ngrereh pangupa jiwa. Covide ene ngranayang titiang sareng krama desa keweh manangkihang. apunati mawinan? Pemerintahe nyalanan paremrem gawat darurat covid. Jalan wenten penyekatan, toko-toko selidan jeg tutup. Jam 8 peteng, polisi jak pamong praja ne sayaga ngebubarang warga sane matumbasan lan makumpul. Jek sekadi mati kaplug wargane. Munyin sirine ne ngerameang jalan. Lampu-lampu samian mati. Jeg kerasa pedalem titiang nolih sane madolan saling kucingin ajak petugase. Nolih di pemberitaan ne, ade sane kanti semprote ajak yeh, Ade kanti usirne, Jek pedalem yen kekene terus gumine. Di desa tiang, krana covid ne, jek ngancang sepi kadi nyepi. Tiang kanti sing bani pesu ulian jalane sepi. Yen buka kekene, tusing ade kajelasan pemerintahe, wargane bisa stres kanti buduh. Yen cara tiang, dimasan covide ene, pemerintahe patutne ngemang kajelasan sekadi napi sepatutnyane iraga krama desa mautsaha. Apa sepatutne madolan cara jaman jani online. Apa sepatutne wargane tutup abulan nanging pemerintahe ngemang bantuan baas. Sube je pemerintahe ngemang bantuan nanging tusing merata. Ne mara abulan, konden ade kepastian kanti pidan parerem gawat darurat.
Enable comment auto-refresher