Parinama desa nenten dados kapasahang ring paiketan kapurwan desa punika, soang-soang desa madue kapurwan d sa marupa sasuratan babad, lontar, pustaka utawi tetamian. Ring Bali wenten makudang-kudang kecamatan, desa adat, kelurahan, miwah banjar. Silih tunggil Desa Adat sane wenten ring Bali inggih punika Desa Adat Pemogan, Desa Adat Pemogan magenah ring Kota Denpasar kecamatan Denpasar Selatan. Desa Adat Pemogan genah wewidangannyane ring kaler desa Dauh Puri, ring wetan desa Pedungan. ring pascima desa Pemecutan Kelod, raris ring kalor Samudra Indonesia. Duaning sapunika Desa adat Pemogan dados kawastanin wewidangan pasisir pasih.
Ring reragragan puniki jagi nyelehin kapurwan utawi parinama desa adat Pemogan. Desa Pemogan madue tigang desa pekraman inggih punika: Desa pekraman Pemogan, Desa pekraman Kepaon, miwah Kampung Islam Kepaon. Desa adat Pemogan madue jimbar wewidangan 9,71Ha sareng akeh kramanyane 46.372 diri utawi 4.409 KK.
Indik parinama Desa Adat Pemogan ngantos mangkin nenten wenten bukti sane kasurat marupa prasasti utawi lontar-lontar sane nguningin kapurwan Desa Adat Pemogan. Minebang panglingsir-panglingsir Desa Adat Pemogan, Daweg Bali kaperintah olih Raja Waturenggong rauh maharsi sane madharmayatra nuju Bali sane maparab Dang Hyang Dwijendra utawi Pedanda Sakti Wawu Rauh. Daweg punika ring pamargi Ida Pedanda Sakti Wawu Rauh utawi Dang Hyang Dwijendra rauh ring genah sane matanah bencel utawi benyek, nguningin tanah sane bencel punika laut Ida Pedanda Sakti Wawu Rauh sane madue kesaktian mastu tanah sane bencel punika dados padet utawi biuh. Nika mawinan kramane punika makarya genah panyungsung sane dados cihna nyinggihang Ida Pedanda Sakti Wawu Rauh sane sampun ngubah tanah sane bencel dados tanah sane padet utawi biuh. Genah punika mawasta Kentel Bumi sane magenah ring wawidangan Banjar Seblanga, Desa Adat Pemogan. Daweg wenten piodalan utawi upakara ring Kentel Bumi, akeh kramane san rauh dados pangayah upakara ring Kentel Bumi punika. Ring upakara punika silih tunggi sarana upakara punika ajengan. Nika mawinan wenten siki kelompok san mautus ngaryanin ajengan san dados sarana upakara utawi kaicen pangayah punika. Laut kelompok punika kawastanin Pebogaan utawi genah ajengan. Kruna Pebogaan kawentenannyane ring kruna sansekerta boga inggih punika ajengan medue penganter pe kalih pangiring an dados Pebogaan, kasuen-suen kruna Pabogaan maucap Pemogan.
Punika parinama utawi kapurwan Desa Adat Pemogan, nenten wenten bukti sane marupa utawi sane ngenah. Nanging inebang panglingsir-panglingsir Desa Adat Pemogan indik tanah sane bencel punika dados bukti, mawinan genah Desa Adat Pemogan puniki magenah ring pasisir pasih, lianan punika kruna Pebogaan sane maarti ajengan, kasuen-suen maubah dados Pemogan.
Enable comment auto-refresher