Dibi dugas titiang nangkil ka pura, titiang nyingakin liu anake ka pura, tan uning etika mabusana adat Bali sane becik. Dugase pidan anake ka pura patut nganggen busana adat putih kuning. Bajune nganggen kebaya utawi kemeja mawarna putih, yening anak istri kamen ne patut mewarna kuning ngaliwatin mata cokore, yening anake lanang patut makamen putih tur masaput kuning lan maudeng putih. Nanging jani ngudiang malianan pisan??? Jaman jani anake ka pura suba cara anak lakar fasion show, bajune mawarna warni, kebayane anak istri bolong-bolong lan ngendah ngendah modelne, tur makamen ne tegeh pesan. Ento pabinan jaman jani tekening jamanne dumun. Yening sekadi punika kawentenane, punapi dadosne buin manian?? Yadiastun mangkin pemerintahe sampun ngaryanin kebijakan indik mabusana adat ka pura sane becik, nanging yening nenten wenten kesadaran ring sameton soang-soang, pastika nenten prasida nyalanang kebijakan pemerintahe punika. Dumogi sameton krama Baline sareng sami setata eling ring kebijakan pemerintah punika tur setata mabusana adat ka pura sane becik. Yening ten iraga sira malih sane patut ngajegang Budaya Adat Baline puniki.
Enable comment auto-refresher