Om Swastyastu,
Kawentenan kemiskinan pinaka silih sinunggil pikobet sosial sane patut katelebang mangda samian kramane ngamolihang pangupa jiwa sane becik. Sekadi sane sampun kasurat ring pasal 33 ayat 1 UUD 1945 sane maosin indik fakir miskin lan anak cerik sane terlantar kapelihara olih negara . Sakewanten, sujatine kantun akeh anak sane tiwas miwah anak san nenten mrasidayang ngrereh pangupa jiwa sane kantun ring soring garis kemiskinan nenten polih wantuan sane patut. Kabupat n Gianyar dados silih tunggil wewidangan sane madue tingkat kamiskinan sane tegeh inggih punika 1,38 persen raris ring Provinsi Bali tingkat kamiskinannyane inggih punika 0,54 persen.
Sampun mabukti, kantun akeh pisan para pengidih-idih ring warung-warunge, taler wenten sane makta anak alit-alit mangda polih jinah. Samaliha wenten taler alit-alite sane ngadol sanganan ring margine sane nenten kajantenang becik. Indike punika dadosnyane, perlu penanganan lebih lanjut ring pikobet kemiskinan punika. silih sinunggil upaya sane kaicen inggih punika pemberian bantuan sosial secara merata, bantuan sosial inggih punika bantuan marupa jinah, barang utawi jasa majeng ring individu, keluarga, kelompok, miwah masyarakat miskin sane nenten mampu lan rentan ring risiko sosial. Yadiastun pemberian bansos saking pamerintah sampun kamargiang, nanging penyaluranne nenten kamargiang secara merata kabuktiang antuk tingkat kemiskinan masyarakat sane kantun tegeh ring Kabupaten Gianyar.
Solusi sane dados kelaksanayang inggih punika melarapan antuk penindakan sidak secara terbuka rikalaning bansos kesalurin saking pemerintah pusat majeng masyarakat sane kirang mampu mangda bantuan sane kaicen nenten ja sekedar simbolis utawi upaya pencitraan saking oknum sane nenten bertanggung jawab. Oknum puniki sering pisan ngawigunayang aksi bansos pinaka utsaha ngamolihang perhatian miwah pujian saking masyarakat majalaran antuk media sosial, tusing mikayunin indik kasujatian sane kalaksanayang.
Yening panugrahan bansos punika nenten pateh pastika wenten sane nenten patut ring pamargine. Minakadi ring sasih Desember 2023, satusan proposal permohonan hibah bansos sane kaserahang krama ring Pemerintah Kabupaten Gianyar 2023 nenten kadagingin utawi cair, yadiastun perwakilan krama sane proposal bansosnyane nenten cair sampun tangkil ring Pemkab Gianyar sakewanten nenten molihang tindakan lanjutan sane jelas, mawinan pancairan bansos punika nenten cair.
Antuk kalaksanayang sidak terbuka utawi transparan punika kaaptiang samian proses penyaluran bantuan sosial prasida kauningin masyarakat antuk jelas, nenten dados upaya miwah harapan kosong antuk masyarakat. Sajabaning punika, lembaga kemasyarakatan prasida ngrauhin masyarakat kirang mampu ring pelosok sane joh saking jangkauan informasi punika, mangda ipun taler ngamolihang wantuan sane pateh tur merata. Sampun patutnyane lembaga-lembaga sane berwenang ring bidang kemasyarakatan utawi sosial ngaturang penindakan ring pikobet sane terjadi ring masyarakat secara tepat lan dados dipertanggungjawabkan. Sampunang wantah ngamentingin citra ring media sosial antuk ngamolihang perhatian lan suara ring publik.
Om Santih, Santih, Santih Om.
Enable comment auto-refresher